သူတို့ပြောချင်တာတွေကို နားထောင်ပေးကြပါဗျာ

နားထောင်ခြင်းအတတ်ပညာဟာ
ကျွန်တော်တို့ လူမှုအသိုင်းအဝိုင်းမှာ အရေးပါလွန်းပါတယ်။
မိမိပြောလိုက်တဲ့ စကားကို လူတစ်ဘက်သားက ဂရုတစိုက်
အလေးထားပြီး နားထောင်ပေးတတ်ရင် စကားပြောတဲ့သူက
နားထောင်ပေးတဲ့သူကို အလိုလို လေးစားချစ်ခင်လိုစိတ် ဖြစ်ထွန်းပါတယ်။
စကားသိပ်ပြောချင်ပေမယ့် ပြောခွင့်နည်းရုံမက အထီးကျန်ပြီး
အဖော်မဲ့တတ်တဲ့ အရွယ်(၂)မျိုးအကြောင်း ကျွန်တော် ပြောချင်ပါတယ်။

(၁)
ကလေးငယ်တွေ။
သူတို့တတွေဟာ သင်ယူနေဖို့ အသင့်ဖြစ်နေကြသူတွေ ဖြစ်တယ်။
သူတို့တတွေဟာ စူးစမ်းလိုစိတ် အပြည့်ရှိကြသူတွေ ဖြစ်တယ်။
သူတို့တတွေဟာ အလုပ်များလွန်းတဲ့ မိသားစုဝင်အသီးသီးရဲ့ 
လျစ်လျူ ရှုခြင်းကို ခံကြရတတ်သူတွေ ဖြစ်တယ်။
သူတို့တတွေဟာ ငှက်ကလေးတွေ ဘာကြောင့်ပျံတာလဲ၊
ဘိုးဘိုးရဲ့  ဆံပင်က ဖြူ ဖွေးနေတာဟာ ဘာကြောင့်လဲ၊ ဆိုတဲ့
မေးခွန်းများစွာနဲ့ သိချင်စိတ်တွေ ပြင်းပြနေကြသူလေးတွေ ဖြစ်တယ်။
x
(၂)
အိုမင်းကြီးရင့်သူတွေ။
သူတို့တတွေက သင်ပေးဖို့ အဆင်သင့်ဖြစ်နေကြသူတွေ ဖြစ်တယ်။
သူတို့တတွေက သူတို့ မြိုချထားသမျှ ပြန်အန်ချင်ကြတဲ့သူတွေ ဖြစ်တယ်။
သူတို့တတွေက အထီးကျန်ဆန်နေတတ်ပြီး မိသားစုအများစုရဲ့
ပစ်ပယ်ထားခြင်းကို ခံကြရတတ်သူတွေ ဖြစ်တယ်။
သူတို့တတွေက လာရောက်မေးမြန်းသင်ယူသူတွေကို ချစ်တတ်ကြသူတွေ ဖြစ်တယ်။
သူတို့တတွေက
သူတို့မှားခဲ့တဲ့ အမှားအယွင်းတွေကို ငယ်ရွယ်သူတွေသိအောင်ပြောတတ်ပြီး
အဲ့ဒီ့ အမှားအယွင်းတွေကနေ သင်ခန်းစာယူစေချင်တဲ့ စေတနာရှင်တွေ ဖြစ်တယ်။
x
ကျွန်တော် သတိထားမိသလောက်
အိုမင်းကြီးရင့်သူ ဘိုးဘွားတွေနဲ့ ကလေးသူငယ်တွေမှာ
တူညီတာတွေ အထိုက်အလျောက်ရှိနေတတ်ကြပါတယ်။
ဥပမာအားဖြင့် သူတို့ ပြောတဲ့စကားတွေက အလေးထားခြင်းမခံရတာ၊
လျစ်လျူ ရှုထားခြင်း ခံရတာ၊ စကားသိပ်ပြောချင်တာ၊ ဂရုအစိုက်ခံချင်တာ
စတဲ့ အချက်တွေက သူတို့ကြားမှာ တူညီတဲ့အချက်တွေပါပဲ။
x
အဲ့ဒီ့လို
အထီးကျန်တတ်တဲ့ ဘိုးဘွားတွေနဲ့ ကလေးသူငယ်တွေကို
ဘုရားသခင်က သိပ်ချစ်စရာကောင်းတဲ့ အခြေအနေတစ်ခုကို
ပိုင်ဆိုင်ခွင့်ပေးလိုက်ပါတော့တယ်။
အဲ့ဒါကတော့.........။
(တစ်ယောက်ကို တစ်ယောက် သိပ်ပြီးခင်တွယ်ကြတာပါ)
အဘိုးအဘွားတွေက မြေး၊မြေးမတွေကို သိပ်ချစ်တတ်ကြသလို
မြေး၊မြေးမတွေကလည်း အဘိုးအဘွားတွေနဲ့ ပြောမဆုံးဖြစ်နေတတ်တယ်။
သင်ပေးချင်တဲ့ စိတ်ပြင်းပြသူ (အဘိုး၊ အဘွား) နဲ့
သိချင်စိတ်တွေ ပြင်းပြလွန်းသူ (မြေး၊ မြေးမ ) လေးတွေ တွေ့ကြရင်
အဲ့ဒီ့အခိုက်အတန့်ဟာ သိပ်ကိုကြည်နူးချမ်းမြေ့စရာကောင်းတဲ့ အချိန်ပါပဲ။
x
ကျွန်တော်။
မိဘနှစ်ဘက်စလုံးက အဘိုးအဘွားတွေကို ကျွန်တော် ဆုံးရှုံးခဲ့ရပါပြီ။
အခုတော့ အဲ့ဒီ့လို အငွေ့အသက်တွေကို ပြန်မရနိုင်တော့ပါဘူး။
ဘုရားသခင် အလိုရှိလို့ အသက်ရှည်ရှည် နေခွင့်ရခဲ့မယ်ဆိုရင်
ကျွန်တော်လည်း အဘိုးနေရာကို ရောက်လာဦးမှာပါ။ အဲ့ဒီ့အခါကျရင်တော့
မြေး၊ မြေးမလေးတွေကို အနွေးထွေးဆုံး မေတ္တာတရားတွေနဲ့အတူ
ကျွန်တော့်ဘဝဖြတ်သန်းမှုတွေကို အားရပါးရကြီး ပေးဖြစ်ဦးမှာပါ။
(သူတို့လေးတွေ အိပ်မငိုက်ဘူးဆိုရင်ပေါ့)
x
စာဖတ်သူမှာ
လက်ရှိ အဖေအိုကြီး၊ အမေအိုကြီးရှိနေသေးရင်
သူတို့ပြောချင်တာတွေကို နားထောင်ပေးပါ။
စာဖတ်သူက
မိဘနေရာကို ရောက်နေတဲ့အရွယ်ဆိုရင်
အရွယ်ငယ်လွန်းသေးတဲ့ သားသမီးတွေပြောစကားကို
သေသေချာချာ အချိန်ပေးပြီး ဂရုတစိုက် နားထောင်ပေးပါ။
စာဖတ်သူက
လူငယ်လေးတစ်ယောက်ဖြစ်ခဲ့မယ်ဆိုရင်
အဘိုးအဘွားတွေအပါးမှာနေပြီး သူတို့မှားခဲ့တဲ့
အမှားပေါင်းများစွာနဲ့ ဘဝအတွေ့အကြုံတွေဆီကနေ လေ့လာသင်ယူပါ။
x
မိမိက အဘိုးအဘွားတွေကို ဖေးမစာနာစိတ် မထားဘဲ၊
လျစ်လျူ ရှုခဲ့မယ်ဆိုရင် သိပ်မကြာတော့တဲ့ ကာလတစ်ခုမှာ
မိမိကိုယ်တိုင်ကလည်း အိုမင်းမစွမ်းတဲ့ အိုကြီးအိုမ ဘဝတစ်ခုကို
ရောက်ရလိမ့်ဦးမယ်ဆိုတာ ဘယ်တော့မှ မမေ့ပါနဲ့ဗျာ။
နောက်ဆုံးအနေနဲ့
သင်ပြုသောကံ သင့်ထံကို မနှေးအမြန်ပြန်လာမည် ဆိုတဲ့စကားကို
အမြဲ အမှတ်တရ ရှိနေသင့်တယ်လို့ ပြောရင်း နိဂုံးချုပ်ပါတယ်။

အဘိုးကြီးပေါက်စ(ကျွန်တော်)

--------------------
အိမ်ဝေးသူ(KZ)