အကူအညီ...?

အကူအညီပေးခြင်း၊
အကူအညီတောင်းခြင်းတွေက
အပေးအယူ လုပ်ကြတာမဟုတ်ပါဘူး။
x
အကူအညီပေးသူဟာ
သူဆောင်ရွက်ပေးနိုင်တာကို
ဆောင်ရွက်ပြီးပေးတာနဲ့ မေ့ပစ်လိုက်ရမှာပါ။
(အကူအညီယူသူက မှတ်ထားတာက တစ်ပိုင်းပါ)
x
ကျွန်တော်တို့ ပတ်ဝန်းကျင်မှာ
အကူအညီတောင်းကြတာ၊
ယူကြတာတွေကို အများစု မြင်ဖူးကြပါတယ်။
အဲ့ဒီ့ထဲက လူတစ်ချို့ ဟာ
တစ်စုံတစ်ယောက်ထံက အကူအညီတောင်းတဲ့အခါ
သူတစ်ချိန်တုန်းက အဲ့ဒီ့လူကိုပေးခဲ့ဖူးတဲ့ အကူအညီကို
ပြန်ပြီး ဖော်ထုတ်ပြတတ်တယ်။
ဥပမာ။
(ခင်ဗျားအလှည့်တုန်းက ကျွန်တော်ကူညီခဲ့တယ်၊
အခု ကျွန်တော့်အလှည့်ကျတော့ ခင်ဗျားက ဒီလိုလား၊
ရတယ်လေ...နောက်တစ်ခါ ကျွန်တော့်အကြောင်း သိမယ်)
x
စာဖတ်သူ ဘယ်လိုထင်ပါသလဲ?
တကယ်တော့
ဒီလိုအပြုအမူမျိုးဟာ အေးဓားပြတိုက်တာနဲ့ အတူတူပါပဲ။
မိမိက သူတစ်ထူးအပေါ် ပြုခဲ့ဖူးတဲ့ကူညီဖေးမမှုကို
တစ်နေ့နေ့ အမြတ်အစွန်းပြန်ရမှာပဲ ဆိုတဲ့
မျှော်လင့်ချက်နဲ့ လုပ်ဆောင်ခဲ့တာဆိုရင်တော့
အဲ့ဒါကို အကူအညီလို့ မသတ်မှတ်ဘဲ
အပေးအယူ လုပ်ကြတာလို့ ခေါ်ဆိုရင် ပိုသင့်တော်ပါလိမ့်မယ်။
x
မိမိထံက
အကူအညီယူခဲ့ဖူးသူကိုယ်တိုင်က
လိုလိုလားလားနဲ့ ကျေးဇူးသိတတ်ပြီး
ခင်ဗျားကို တစ်လှည့်ပြန်ပြီးကူညီပါရစေဆိုတာမျိုး
ပြောလာခဲ့ရင်တော့ လက်ခံပေးနိုင်ပါတယ်။
အဲ့ဒီ့လိုမှ မဟုတ်ဘဲ
ကိုယ်ပေးခဲ့တဲ့ အကူအညီကိုဗန်းပြရုံမက
တစ်ဘက်သားကို ကျဉ်းထဲကြပ်ထဲ ရောက်အောင်တွန်းပို့ပြီး
မိမိလိုချင်တဲ့ အကူအညီကို ရအောင်ယူတတ်သူအတွက်တော့
တကယ့် ဆုံးရှုံးမှုတစ်ခုလို့ပဲ ယူဆမိပါတယ်။
x
အဲ့ဒီ့တော့
(အကူအညီပေးသူအနေနဲ့)
တစ်ဘက်သားကို ကူညီပြီးတာနဲ့
မိမိက ကူညီခဲ့တာကို မေ့ပစ်လိုက်ပါ။
(အကူအညီယူခဲ့သူအနေနဲ့)
လူတစ်ဦးတစ်ယောက်က
မိမိကို ပေးခဲ့တဲ့အကူအညီကို အမှတ်တရရှိပါ။
x
အဲ့ဒီလိုသာ
ကျင့်ကြံဆောင်ရွက်တတ်မယ်ဆိုရင်
မိမိက သူတစ်ပါးဆီက အကူအညီတောင်းလို့
တစ်ဘက်က မကူညီနိုင်တဲ့အခါ စိတ်မဆိုးမိဘဲ
အေးချမ်းတည်ငြိမ်တဲ့ စိတ်ဓာတ်ကို ပိုင်ဆိုင်ပါလိမ့်မယ်။
အဲ့ဒီ့လိုစိတ်မျိုး မထားနိုင်ဘူးဆိုရင်တော့
မိမိအကူညီပေးခဲ့သူက မိမိကို တဖန်ပြန်ပြီးမကူညီနိုင်တဲ့အခါ
(ငါ့ အလှည့်တုန်းကတော့ မင်းကို ကူညီခဲ့လိုက်ရတာ) ဆိုတဲ့
တန်ပြန်မျှော်လင့်ခြင်းဆိုတဲ့ မီးတောက်ရဲ့ လောင်ကျွမ်းမှုကြောင့်
စိတ်ဆင်းရဲ ကိုယ်ဆင်းရဲ ဖြစ်တတ်ကြောင်းပါ ခင်ဗျာ။

------------------
အိမ်ဝေးသူ(KZ)