သူတို့က လူငယ်တွေ

သူတို့က လူငယ်တွေ။
နားကြပ်ကိုယ်စီနဲ့ သူတို့ငြိမ့်ညောင်းကြတယ်။
တေးဂီတတွေနဲ့အတူ သူတို့ စီးမျောကြတယ်။
ခေတ်နဲ့အတူ သူတို့ပျော်ပါးလွတ်လပ်ကြတယ်။
x
သူတို့က လူငယ်တွေ။
ပွင့်လင်းမြင်သာကြပေမယ့်
ရဲတင်းစော်ကားကြတာမျိုးတော့ ရွံတတ်ကြတယ်။
နားမှာဆင်ထားတဲ့ နားကပ်တွေထက်
နှလုံးသားမှာတွဲကပ်နေတဲ့ ဖြူ စင်မှုက အရောင်ပိုလက်တယ်။
x
သူတို့က လူငယ်တွေ။
ငွေနှစ်ထောင်နဲ့ လုံလောက်ပါလို့ မပြောဘူး။
နယ်လှည့်ပါးရိုက်ပစ်မယ်လို့လည်း ရင့်သီးမနေကြဘူး။
(မိဘပြည်သူများ) ဆိုပြီးလည်း ရွှေပြည်အေးတရားမဟောဘူး။
x
သူတို့က လူငယ်တွေ။
မြို့ပြင်တွေမှာ ကျောင်းတက်ကြတယ်။
လွယ်အိတ်တွေထဲမှာလည်း
အနာဂတ်တွေ တနင့်တပိုး သိမ်းဆည်းထားကြတယ်။
ရော့ခ်ကာတွေလည်း ရှိသလို
ရက်ပ်သီချင်းခရေဇီတွေလည်း အများကြီးရှိတယ်။
တီဗွီမှန်သားပြင်ပေါ်မှာ ချိုမိုင်မိုင်ကပြတာမျိုးလည်း
သူတို့တတွေ မုန်းတီးတတ်ကြသေးတယ်။
x
သူတို့က လူငယ်တွေ။
ဘောင်းဘီအပွကြီးတွေ ဝတ်ပေမယ့်
အတွေးအခေါ်တွေတော့ ပွရွမနေကြဘူး။
မှားရဲတယ်၊ ပြင်ရဲတယ်၊ တောင်းပန်ရဲတယ်။
ရေတံခွန်လို တရှိန်ထိုးစီးဆင်းတတ်ကြသလို
စမ်းချောင်းလေးတစ်စင်းလိုလည်း
သာသာယာယာ စီးဆင်းတတ်ကြသေးတယ်။
x
သူတို့က လူငယ်တွေ။
လူငယ်တွေလို လွတ်လပ်ပေ့ါပါးချင်ပေမယ့်
လူကြီးတစ်ချို့ရဲ့ ဉာဏ်တိမ်မှုအောက်မှာ
လေးလံထိုင်းမှိုင်းနေကြရရှာတယ်။
လူငယ်တွေလို နေချင်ကြပေမယ့်
လူကြီးတစ်ချို့ ရဲ့ အတ္တတွေအောက်မှာ
အိပ်မက်တွေ ဖဲ့ယူစားသုံးခြင်းခံနေကြရရှာတယ်။

-------------------
အိမ်ဝေးသူ(KZ)