အံစာတုံး။
မျက်နှာပြင် ခြောက်ခုရှိသည်။
တိတိကျကျ ပြောရမည်ဆိုလျှင် ၁-၂-၃-၄-၅-၆ ဟူသော မျက်နှာပြင်ခြောက်ခု တိတိရှိပါသည်။
ထိုအံစာတုံးနှင့် ဆိုင်သော အကြောင်းအရာတစ်ချို့ အား ကျွန်တော် တင်ပြပါမည်။
x
ယနေ့ မနက်ခင်းပိုင်းက (ကျွန်တော်နေတဲ့ တိုင်းပြည်) ဟူသော ပို့စ်တစ်ခုအား
ကျွန်တော် ရေးသားခဲ့ပါသည်။ ရေးသားခဲ့ရသည့် အကြောင်းရင်းမှာလည်း မြန်မာပြည်၏
လက်ရှိအခြေအနေများအား မြန်မာပြည်သူတို့ မြင်သာအောင် ရိုးရှင်းစွာ တင်ပြခဲ့ခြင်းသာ ဖြစ်သည်။ မြန်မာပြည်၏ အခြေအနေများအား တင်ပြနိုင်မည့်
ရှုထောင့်ပေါင်း များစွာ ရှိပါသည်။ သို့သော် တစ်ယောက်နှင့်တစ်ယောက်တင်ပြသည့်
ရှုထောင့်ပုံစံချင်းတော့ တူမည်မဟုတ်ပါ။
x
အကြောင်းအရာ ရှုထောင့်တစ်ခုအားကွက်ပြီး ရေးသားတင်ပြခဲ့သော်လည်း
ကျွန်တော်တို့ အများစုသိထားနှင့်ပြီးသော မြန်မာပြည်၏ အခြားရှုထောင့်ပေါင်းများစွာ
ရှိနေပါသေးသည်။ အံစာတုံးတစ်တုံးနှင့် ကျွန်တော်ရေးခဲ့သည့်အကြောင်းအရာကို
ဆက်စပ်တင်ပြလိုပါသည်။
x
အံစာတုံးတစ်တုံး၏ မျက်နှာပြင်တစ်ခုတည်းကိုကြည့်ပြီး အံစာတုံးတစ်တုံးဟု ခေါ်ဆို၍
မရနိုင်သကဲ့သို့ ကျွန်တော်ရေးသားတင်ပြခဲ့သည့် (ကျွန်တော်နေတဲ့ တိုင်းပြည်) ဆိုသည်
ပို့စ်တစ်ခုတည်းကို ကြည့်ပြီး မြန်မာပြည်တစ်ခုလုံး၏ အခြေအနေအလုံးစုံအား
လုံလောက်စွာ တင်ပြနိုင်မည် မဟုတ်ပါ။ ဆိုလိုချင်သည်မှာ မြန်မာပြည်၏
ကောင်းချီးမင်္ဂလာနှင့် ပြည့်စုံသော ရှုထောင့်၊ မြန်မာလူမျိုးတို့၏ အေးချမ်းစွာနေတတ်သော ဓလေ့စရိုက်စသည့် အခြားသောရှုထောင့်များစွာ ရှိနေသေးသည်ကို စာရေးသူ
ကောင်းစွာသိထားပြီး ဖြစ်ပါသည်။ သို့သော် စာရေးသူက အံစာတုံးတစ်တုံး၏
မျက်နှာပြင်တစ်ခုပေါ်တွင် ပါရှိသော ကိန်းဂဏာန်းကိုသာ ကွက်ပြီး ကြည့်မြင်သကဲ့သို့
မြန်မာပြည်၏ ရှုထောင့်တစ်ခုကို ကွက်ပြီး မြင်သာထင်သာအောင် တင်ပြခဲ့ခြင်းဖြစ်ပါသည်။
x
ကျွန်တော်ရေးသားခဲ့သည် (ကျွန်တော်နေတဲ့ တိုင်းပြည်) ဟူသော ပို့စ်ထဲမှာပါသော အကြောင်းအရာအနည်းအကျဉ်းကိုသာ ကွက်ကြည့်ပြီး အပြစ်မြင်မည်ကြမည်ဆိုပါက
ထိုသူများသည် အမြင်မမျှတသူများသာဖြစ်ကြပေလိမ့်မည်ဟု ကျွန်တော်ဆိုပါက ကျွန်တော့်အလွန်သာ ဖြစ်ပေတော့မည်။
x
နိဂုံးချုပ်ပါမည်။
မျက်နှာပြင်တစ်ခုတွင် ပါရှိသောကိန်းဂဏာန်းများကိုကြည့်ပြီး အံစာတုံးတစ်တုံးဟု
မည်သူမျှမခေါ်ဆိုကြ။ မျက်နှာပြင် ခြောက်ခုစလုံးတွင် ပါရှိသော ကိန်းဂဏာန်းများကို
ကြည့်ပြီးမှသာ အံစာတုံးတစ်တုံးဟု သတ်မှတ်ကြပါသည်။ ထို့အတူ ကျွန်တော်
ရေးသားတင်ပြခဲ့သည်မှာလည်း မြန်မာပြည်၏ ရှုထောင့်များစွာရှိသည့်အထဲမှ
ရှုထောင့်တစ်ခုကို ကွက်ပြီး ရေးသားတင်ပြခဲ့ခြင်းသာ ဖြစ်ပါကြောင်း။
-------------------
အိမ်ဝေးသူ(KZ)
-------------------
မှတ်ချက်။
(ဆိုးကွက်၊ အားနည်းကွက်၊ ဟာကွက်တစ်ခုကို ရွေးချယ်ပြီး တင်ပြခဲ့ရုံမျှဖြင့် တင်ပြခဲ့သည့်
အကြောင်းအရာတစ်ခုလုံးက အဆိုးဆုံး၊ အားနည်းဆုံး၊ ဟာကွက်အရှိဆုံးဖြစ်သည်ဟု ယူဆ၍မရနိုင်ကြောင်း သတိပြုစေချင်ပါသည်)
No comments:
Post a Comment