သုံးရာသီ အိပ်မက်ရှည် (၂၀၁၄ ကုရ်ဘာနီ Eid နေ့ အမှတ်တရ)

       
             သုံးရာသီ အိပ်မက်ရှည်

              မေမေရေ
              အိပ်မက်ရှည်ရှည် မက်ဖို့
              နွေဦးကိုလည်း ကျွန်တော် မကြိုလင့်ခဲ့ဘူး
              ဆောင်းတွင်းတစ်ခု ကျွန်တော် မဖန်တီးခဲ့ဖူးဘူး။
              မိုးစက်ပေါက်တွေကိုလည်း ကျွန်တော်ခယ,မနေခဲ့ဘူး။

             မေမေနဲ့ ပက်သက်တဲ့ အမှတ်တရတိုင်းဟာ
             ကျွန်တော့်ရင်ဘတ်ထဲက မြေသြဇာကြောင့်
             နွေမိုးဆောင်း သုံးရာသီစလုံး
              ကြည်နူးခြင်းတွေအဖြစ် အပြိုင်ပွင့်ကြသေးတယ် မေမေရဲ့ ။

             တကယ်တော့
             လူသိမ်လူမွှားကြီးရဲ့ 
             ဒဏ်ရာအထပ်ထပ်နဲ့ ရင်ခွင်တောအုပ်ထဲမှာ
             အဆက်မပြတ်စီးဆင်းနေတာ
             မေမေ့မေတ္တာစမ်းချောင်းလေးပဲပေါ့ မေမေ။

             နွေဘယ်လောက်ခေါင်ခေါင်၊
             မိုးဘယ်လောက်သွန်းသွန်း၊
             ဆောင်းဘယ်လောက်ခြွေခြွေ
             မြတ်နိုးရာ အခန်းဆက်အိပ်မက်ရှည်ကြီးကို
             တရှိုက်မက်မက် မက်နေခွင့်လေးတော့
             ကျွန်တော့်ကို ပေးပါ....မေမေရယ်။


             အိမ်ဝေးသူ(KZ)



 သုံးရာသီအိပ်မက်ရှည် အပိုဒ် (၁)

- ကျက်သရေ အရှိဆုံးအသံက မေမေ၏ နှိုးသံဖြစ်သည်။

- ချို မြိန်လွန်းသဖြင့် ကျွန်တော့်ကို ချော့သိပ်သလို ခဏခဏဖြစ်ခဲ့ဖူးသည်။

- သားအဖတွေ 'အီးဒ်မိုဘာရက်ခ်' ဟုပြောပြီး အပြန်အလှန်ဖက်ပွေ့ကြတုန်းက မငိုရဘဲ
  ရယ်ခဲ့ရဖူးသည်။ (ယခုဆိုလျှင် ကျွန်တော်ငိုမည်)

- 'ရေလောင်းပြီးနှိုးရမှာလား' ဟူသည့်အသံကတော့
   ကျွန်တော့်ကို အိပ်ယာနှင့်ခွဲခွာပစ်လိုက်နိုင်စွမ်းရှိခဲ့သည်။

- အေးစိမ့်တုန်ချမ်းသော ဆောင်းရာသီကာလကလည်း မေ့မရနိုင်အောင် ဖြစ်စေခဲ့သည်။

- ထိုအချိန်တုန်းက ခက်ခဲလွန်းသော အလုပ်က ကျွန်တော်
  'ပထမဆုံးလောင်းမည့် ရေဖလားထဲက ရေတစ်ခွက်ဖြစ်သည်'
  (ယခုလည်း သိပ်တော့ကွာခြားလှသည်မဟုတ်)

- အင်္ကျီဖြူ နှင့် ပလေကပ်ပုဆိုးအစိပ်ကိုဝတ်ရသည်က ကျွန်တော့်ကို လူကြီးတစ်ယောက်နှင့် ပိုတူစေသည်။


 သုံးရာသီအိပ်မက်ရှည် အပိုဒ် (၂)

- သားကြီး သြရသတို့၏ ထုံးစံအတိုင်း "လျှောကြိုး၊ နိုင်လွန်းကြိုး၊ အသားထည့်ရန် အိတ်၊
  အသားလှီးစဉ် ဝတ်ရန်အဝတ်အစားများ၊ ဓားများကိုထည့်ထားသောအိတ်ကို
  ထိန်းသိမ်းစောင့်ရှောက်ရသည့်တာဝန်ကို ကျွန်တော့်ကို ပေးထားသည်
  (လုံးဝမကြိုက်ခဲ့။ စတိုင်ပျက်သည်၊ တာဝန်ကြီးသည်)

- ညီမလေး ပြင်ဆင်ပေးသော "စမိုင်မုန့်ချို နှင့် လက်ဘက်ရည်ပူပူ" ကို သောက်ရခြင်းက
  ပြည့်စုံမှုများစွာထဲက တစ်ခုဖြစ်ခဲ့သည်။

- လမ်းတစ်လျှောက် ကုရ်ဘာနီကွင်းသို့ရောက်အောင် ပြိုင်ကားမောင်းသလို မောင်းနေကြသော
  လူကြီးမင်းများ၊ အာရပ်ဝတ်စုံအပြည့်ကို စတိုင်ကျကျ ဆင်မြန်ထားသော မာမူချောချောကြီးများ
  ကားပေါ်မှာ အူမြူးနေကြသည်ကို ကြည့်ရသည်က ထိုနေ့မနက်ခင်း၏ အလှတစ်ခုဖြစ်သည်။

- လှိုင်သာယာ ကုရ်ဘာနီကွင်းမှာ ကားရပ်ရန်နေရာဦးရသည့်ဒုက္ခ၊
  ကွင်းနှင့်အနီးဆုံးနေရာကို ဦးနိုင်အောင်ကွေ့ပတ်မောင်းနှင်ရသည့် ဒုက္ခကလည်း
  ချို မြိန်သော ဒုက္ခဖြစ်ခဲ့ဖူးသည်။


 သုံးရာသီအိပ်မက်ရှည် အပိုဒ် (၃)

- ညီဖြစ်သူက သွေးကိုမကြောက်ဘဲ၊ အစ်ကိုဖြစ်သူက သွေးမြင်လျှင်
  သိပ်မကြိုက်တတ်ခြင်းသည် တစ်ခါတရံတွင် မိသားစုဟာသ တစ်ပုဒ်ဖြစ်သည်။

- အသားလှီးလျှင် ထိုအသားနှင့် အဝေးဆုံး အကွာအဝေးကို မည်သူမျှ မပို့ဘဲ
  ရောက်ရောက်တတ်သွားသည်က ကျွန်တော်ဖြစ်သည်။

 -ဘောလုံးမှန်မှာကို ကျွန်တော်ကြောက်တတ်သလို၊ နွားကန်ခံရမည်ကိုလည်း
  ခုထို ကျွန်တော် ကြောက်တတ်နေစဲ ဖြစ်သည်။

- သားကောင်ငြိမ်သွားလျှင် အလိုလို သားကောင်နား ပြန်ရောက်လာပြီး ဟိုဓားကိုင်၊
  သည်ဓားကိုင် လုပ်တတ်သည်မှာလည်း ဇာတ်လိုက်ကျော် ကျွန်တော်သာ ဖြစ်သည်။

- အသားလှီးတာ အနည်းဆုံးဖြစ်ပြီး၊ အဝတ်အစားမှာ သွေးအပေဆုံးကို ပြပါဟုဆိုလျှင်
  အားလုံးက ကျွန်တော့်ကိုသာ လက်ညှိုးဝိုင်းထိုးကြလ်ိမ့်မည်။

- အသားလှီးဖြတ်သည့်အလုပ်ပြီးလျှင် ကားသို့ရောက်အောင်သယ်ဆောင်ရာ၌
  ကျွန်တော်က အသေးဆုံးအထုပ်ကို ရွေးချယ်ပြီး သယ်တတ်သည်။

- ဗလသိပ်မကောင်းသော အစ်ကိုဖြစ်သူကို အထုပ်သေးသေးရွေးပေးပြီး သူက အထုပ်ကြီးတာကို
  ရွေးပြီးထမ်းတတ်သော ညီလတ်အကြောင်းကို တွေးမိသည့်အခိုက် ကျွန်တော်မျက်ဝန်းမှာ
  မျက်ရည်စတို့ ခုန်ထွက်တမ်း ကစားကြသည်။


 သုံးရာသီအိပ်မက်ရှည် အပိုဒ် (၃)

- ကားက အိမ်မရောက်ခင် အိမ်ရှေ့ တွင် အသင့်အနေအထားဖြင့် တန်းစီနေသောလူတန်းကြီးကို
  ကြည့်လိုက်တိုင်း မီးရထားတွဲတမ်း ကစားချင်စိတ်ပေါက်စေသည်။

- ပြန်ရောက်လျှင်ရောက်ချင်း ပင်ပန်းလာသော အဖေနှင့်အစ်ကိုတွေကို  ချွေးသုတ်ပေးတတ်သော
  ညီမထွေးလေး သဲသဲ၏ အပြုံးကို ပျက်သုဉ်းစေမည့် လုပ်ရပ်မျိုးကို ဤတစ်သက် ဘယ်တော့မျှ မလုပ်ပါဟု
  မိမိကိုယ်ကို ကတိပေးခဲ့ဖူးသည်။ (မည်သူမဆို လုပ်ဆောင်ခဲ့ပါက ကျွန်တော်နှင့် ရန်သူဖြစ်လိမ့်မည်)

- အိမ်မှာ ပျော်ပျော်ပါးပါး (အသားလှီးပေးရင်း၊ ယောင်စိန်လုပ်ရင်း) မေမေချက်သော
  အသားဟင်းပူပူစပ်စပ်နှင့် ထမင်းပူပူကို ကျွန်တော်မစားရတာ နှစ်တော်တော်ကြာခဲ့ပြီဖြစ်သည်။

- ဆွဲခြင်းတစ်လုံးထဲမှာ အသားအပြည့်ထည့်ပြီး ရပ်ကွက်အတွင်း ပတ်ပြီး အသားလိုက်ပို့ရသည့်အချိန်က
  ငယ်ရွယ်နုပျိုမှုတို့၏ ပြယုဂ်ဖြစ်သည်ဟု ကျွန်တော်ထင်သည်။ (၈) ထပ်တိုက်၊ အလုံးပေါင်းများစွာကို
  အတက်အဆင်းလုပ်ခဲ့သော်လည်း မျက်နှာက ရွှင်လန်းလွန်းခဲ့သည် မဟုတ်ပါလား။

- ဘာမျှ ထွေထွေထူးထူး မလုပ်သော်လည်း ကိုယ်တွေလက်တွေ နာသည်ကိုတော့ ကျွန်တော်မငြင်းပါ။
  (ကျွန်တော်လည်း ပင်ပန်းသည်ပဲလေ)


 သုံးရာသီအိပ်မက်ရှည် အပိုဒ် (၄)

- မည်မျှ ပင်ပန်းသည်ဖြစ်စေ၊ နေ့လည်ခင်း ဘုရားဝတ်ပြုပြီး သူငယ်ချင်းများနှင့်
  လက်ဘက်ရည်ဆိုင် ထိုင်ရသည့်အရသာက တမ်းတစရာများစွာထဲမှ တစ်ခုဖြစ်ပါသည်။

- လက်ဘက်ရည်ဆိုင်မှ ပြန်ရောက်သည်နှင့် နေ့လည်တရေးတမော ကျောဆန့်သော
  ဖေ့ဖေ့ကို ခြေထောက်နှိပ်ပေးရခြင်းသည် ကမ္ဘာမြေပေါ်၌ ကျွန်တော်ဆောင်ရွက်ခဲ့သည့်
  ကောင်းမှုကုသိုလ်များထဲမှာ အကောင်းဆုံးနှင့် ကြီးကျယ်ခမ်းနားဆုံးဖြစ်သည်။

- ညနေစောင်း (၅) နာရီလောက်ဆိုလျှင် ဝေးကွာနေသော မိသားစုကို ဖေဖေ ဖုံးဆက်တတ်သည်။
  ယခုအခါ မိသားစုနှင့် စကားပြောလျှင် ကြားခဲ့ဖူးသည့် ဖေဖေ့ရှိုက်သံတွေကို တစ်နယ်တကျေးရောက်
  ကျွန်တော် အပြည့်အဝ လက်ဆင့်ကမ်းအမွေယူခဲ့ပြီ ဖြစ်သည်။

- တစ်နှစ်တွင် နှစ်ကြိမ်သာကျင်းပလေ့ရှိသည့်
  ကျွန်တော်တို့၏ ပွဲတော်တွင် အပင်ပန်းဆုံးလူသားမှာ " မေမေ" ဖြစ်ပါသည်။

- ထိုညချမ်းမှာမှ ပိုလန်းသည့်အပျို ဖျန်းလေးများကို မြင်ရသည့် မြင်ကွင်း၊
  'Oh My Darling, I love You' သီချင်းသံကို အိမ်တော်တော်များများဆီက ကြားရပြီဆိုပါက
  ထိုနေ့၏ ပျော်ရွှင်ခြင်း နောက်ဆုံးအပိုင်းသို့ ရောက်ပြီဖြစ်သည်။

- သေချာသည်မှာ မနက်ဖြန်တွင် အရာရာတိုင်းက
  ယနေ့နှင့်မတူသော ပုံမှန်များစွာတို့ဖြင့် ပုံမှန်ပြန်ဖြစ်ပေလိမ့်မည်။


 သုံးရာသီအိပ်မက်ရှည် (နိဒါန်းနှင့်အတူ အပြုံး)

- ဤပွဲတော်ကို မိသားစုနှင့်အတူ ခင်ဗျားကျင်းပနေပါသလား။
  သို့ဆိုလျှင် စက္ကန့်၊မိနစ်တိုင်းကို ခင်ဗျားတန်ဖိုးထားတတ်ပါစေ။

- ကျွန်တော်အပါအဝင် ရေခြားမြေခြားရောက်နေသူများအတွက် ခင်ဗျားပူဆွေးစရာ မလိုပါ။
  ကျွန်တော်တို့အားလုံးသည် ခင်ဗျားတို့ ပျော်နေသည်ကို မြင်ရလျှင် လိုက်ပျော်တတ်သော
  ခရီးသွားများဖြစ်သည်။ ဖြစ်နိုင်လျှင် ကျွန်တော်တို့ကို မေ့ပြီးတော့သာ ပျော်လိုက်စမ်းပါဟု ဆိုချင်ပါသည်။

- မနက်စောစော ဘုရားဝတ်ပြုမည်။
  မိသားစုနှင့် ခင်ဗျားတို့တတွေကို ကျွန်တော့် တောင်းဆုမှာ သတိရမည်။
  ပြီးလျှင် ကျွန်တော် ကြိုဝယ်ထားသောအသားကို အတတ်နိုင်ဆုံး အရသာရှိအောင်ချက်မည်။
  အိမ်ကလူတွေကို ကျွေးမည်။ အပေါင်းအသင်း သိပ်မများသော ကျွန်တော့်အတွက် သူတစ်ပါးအိမ်မှာ
  စားသောက်ဖို့ အခွင့်အရေးနည်းသည်။ ခေါ်လျှင်လည်း ကျွန်တော် သွားလိမ့်မည်မဟုတ်။ ဤလမ်းကို
  ကျွန်တော်ကိုယ်တိုင် ကျေကျေနပ်နပ်ရွေးချယ်ခဲ့သည့်လမ်း ဖြစ်သည့်အတွက် ကျွန်တော့်မှာ နောင်တမရှိ။

- ကျွန်တော် ပျော်လွန်းသောကြောင့် ဤအက်ဆေးကို ရေးသည်ဟု မယူဆပါနှင့်။
  နာကျင်စရာအကောင်းဆုံးအလုပ်တစ်ခုကို ဤနေ့အမှတ်တရအဖြစ် ဖော်ကျူးခဲ့ခြင်းသာ ဖြစ်သည်။

- ကျွန်တော့်စာကိုဖတ်၍ ခင်ဗျားမှာရှိခဲ့ဖူးသော တစ်ခါတုန်းကချို မြိန်မှုတို့ကို သတိတရဖြစ်ပြီး
  အနည်းငယ်မျှ ကြည်နူးချမ်းမြေ့စိတ် ဖြစ်ထွန်းပြီဆိုလျှင်ပင် မျက်ရည်စများကြားက ပြုံးလိုက်သော
  ကျွန်တော့်အပြုံးကို ခင်ဗျား မြင်နိုင်စွမ်းရှိပါလ်ိမ့်မည်။

  အီးဒ်နေ့မှာ ပျော်ရွှင်ချမ်းမြေ့ပါစေဟု အားလုံးကို နှုတ်ခွန်းဆက်ပါသည်။

  -----------------
  အိမ်ဝေးသူ(KZ)
  -----------------