အမည်မဲ့စာအုပ်

မိသားစုဆိုတာ စာအုပ်တစ်အုပ်ဆိုရင်။
x
ဖေဖေက
မာကျောခန့်ငြားလွန်းတဲ့ စာအုပ်အဖုံးပါ။
(သူ့ခန့်ငြားမှုနဲ့ အန္တရာယ်တွေကို ကာကွယ်ထားတယ်လေ)
x
မေမေက
ပျိုးထောင်မှုညွန်းကိန်းပြတဲ့ စာအုပ်အမည်ပါ။
(သူမက စာအုပ်ကုန်သွားမယ့်အထိ ပါဝင်နေချင်တာလေ)
x
သားသမီးတွေကတော့
စာအုပ်ထဲက အကြောင်းအရာလေးတွေပဲပေါ့။
(ပုံသေဖြစ်မနေတတ်ဘဲ အန်ိမ့်အမြင့်လည်း ရှိတတ်တယ်လေ)
x
အခု
အဲ့ဒီ့ စာအုပ်မှာ
အမြဲပါဝင်ချင်ရှာတဲ့ စာအုပ်အမည် မရှိတေ့ာဘူး။
ပြီးတော့ အကြောင်းအရာတွေလည်း ပြန့်ကျဲနေတယ်။
အဲ့ဒီစာအုပ် တစ်စစီဖွာလန်ကြဲဖို့
ကံကြမ္မာဇာတ်ဆရာက အမျိုးမျိးအဖုံဖုံ ဖန်တီးကြိုးကိုင်နေတယ်။
(ခေါင်းစဉ်မပါတော့ မဖတ်ချင်ဘဲ ကျော်သွားသူတွေလည်း ရှိတယ်လေ)
x
အဲ့ဒီ့ စာအုပ်ရဲ့ အဖုံးကြီး
ရှင်သန်ရပ်တည်ဖို့ အကြောင်းအရာလေးတွေက ဖေးမနေတယ်။
အဲ့ဒီ့ အကြောင်းအရာလေးတွေ
ဘေးမသီရန်မခစေဖို့လည်း စာအုပ်အဖုံးက ကာကွယ်ပေးနေတယ်။
x
ဘာပဲဖြစ်ဖြစ်
အပြန်အလှန်မှီတင်းနေထိုင်မှုအောက်မှာ
အဲ့ဒီ့စာအုပ်လေးက
မိုးရေထဲမှာ စုတ်ပြတ်မသွားဖို့ ကြိုးစားနေသလို
နေပူထဲမှာ လောင်ကျွမ်းမသွားဖို့လည်း ရုန်းကန်နေရှာတယ်။
x
အဲ့ဒီ့ စာအုပ်မှာ
ပျိုးထောင်မှုညွန်းကိန်းပြတဲ့ အမည်နာမ မရှိတော့ဘူး။
ဒါပေမယ့်
စာအုပ်အဖုံးကြီးနဲ့ စာလုံးလေးတွေရှိနေသရွေ့
အဲ့ဒီ့စာအုပ်လေး ရပ်တည်ရှန်သန်နေနိုင်ဦးမှာပါ။
x
အရေးအကြီးဆုံးကတော့
စာရွက်တွေ တစ်ရွက်ပြီးတစ်ရွက် ခရီးဆက်နေဖို့ပါပဲ။
(တစ်နေ့နေ့တော့ "ပြီးပါပြီ" ဆိုတဲ့ စာတန်းလေး ရှိလာဦးမှာပါ)

-------------------
အိမ်ဝေးသူ(KZ)
-------------------