(၁)
ပ၊ ဒု၊ တ ငါ့မှာ မရှိ။
ပထမဆုံးမဖြစ်ရရင်
နောက်ဆုံးမှာ တန်းဝင်ချင်တာ … ငါ။
(၂)
ဘဝမှာ
ပထမဆိုတဲ့ပြဌာန်းချက်တစ်ခုနဲ့တင်
ကောင်းကင်တစ်ခုလုံး ညှို့မှိုင်းမတတ်
အလွမ်းတွေခင်းကျင်းထားတဲ့
ငါ့ရင်ခုန်သံတွေ တကယ့်ကို နွမ်းလျလွန်းခဲ့တယ်။
(၃)
တစ်ဘဝစာအတွက် ဒုတိယဆိုတာရှိခဲ့ရင်
ဒုတိယဆိုတာဟာ ငါ့အတွက်တော့ နောက်ဆုံး။
အဲ့ဒီ့နောက်ဆုံးဟာ
တွဲလွဲခိုနေတဲ့ အလွမ်းငွေ့တွေကို
မိုးအဖြစ်ရွာချစေမယ့် စနက်တံတစ်ချောင်းဆိုရင်
ပထမ + (ဒုတိယ)နောက်ဆုံး = (ငါ့)နိဂုံးပေါ့ကွယ်။
(၄)
တစ်ခါချစ်ဖူးရုံနဲ့ တစ်ခါလွမ်းခဲ့ဖူးတဲ့(ငါ)
နောက်ဆုံးအကြိမ်အတွက်သာ မျက်နှာပန်းမလှခဲ့ရင်
လက်သီးနှစ်ဆုပ်စာ အလွမ်းတွေကို
ကုလားအုတ်တစ်ကောင်လို (ဘို့)ထဲ သိုလှောင်ရင်း
ပထမ + (ဒုတိယ)နောက်ဆုံး =
တစ်ဘဝစာ လွမ်းပစ်လိုက်မယ်။
-------------------
အိမ်ဝေးသူ(KZ)
No comments:
Post a Comment