ငရဲဘုံ

တစ်ယောက်ကို တစ်ယောက်
မြင်အောင်............မကြည့်။
x
အ,ကုသိုလ်ပန်းတွေ
ပိုးစိုးပက်စက်.......ပွင့်နေမှဖြင့်။
x
ငါတို့
ကမ္ဘာမြေက............ငရဲဘုံအတိ။

----------------
အိမ်ဝေးသူ(KZ)
----------------

စိတ်ပျက်လက်ပျက် ရှုခင်း

၈၀ ခုနှစ်နှောင်းပိုင်း?
အဲ့ဒီ့ ရှုခင်းကို ကြည့်ခဲ့ပြီးပြီ။
(စိတ်ပျက်လက်ပျက်နဲ့)
x
၂၀၁၅ ရောက်ပြီ။
လက်ကျန် ရှုခင်းတွေလား?
ကျွန်တော် မကြည့်ချင်တော့ဘူး။
(စိတ်ပျက်လက်ပျက်ပါပဲ)

----------------
အိမ်ဝေးသူ(KZ)
----------------

သောကအစားအစာ

သား၊သမီး
-----------
သြော်...။
မေမေလည်း ကျန်းမာဖို့လိုတယ်။
ဖေဖေလည်း နေကောင်းဖို့လိုတယ်။
ဖေဖေမေမေတို့ နေကောင်းကျန်းမာနေမှ
ကျွန်တော်တို့ စိတ်ချမ်းသာခွင့်ရတယ်။
x
ဖေဖေ၊မေမေ
--------------
သြော်...။
ငါ့သားလေးတွေ ကျန်းမာဖို့လိုတယ်။
ငါ့သမီးလေးတွေ ချမ်းသာဖို့လိုတယ်။
သူတို့လေးတွေ ကျန်းမာချမ်းသာနေမှ
ငါတို့တွေလည်း စိတ်နှလုံးအေးချမ်းရတယ်။
x
သားသမီးတွေ
မကျန်းမမာဖြစ်ရင်၊ အဆင်မပြေဖြစ်ရင်
မိဘဖြစ်သူတွေက စိတ်မချမ်းမြေ့ ရသလိုပါပဲ
မိဘတွေက
မကျန်းမမာဖြစ်ရင်၊ အဆင်မပြေဖြစ်ခဲ့ရင်
သားသမီးတွေခမျာလည်း မပျော်ရွှင်နိုင်ရှာပါဘူး။
x
ပူပင်သောကတွေကသာ
စားသောက်ကုန်တစ်ခုခုများ ဖြစ်ခဲ့ရင်
ကျွန်တော်တို့ ကမ္ဘာမြေမှာ
ဆာလောင်မွတ်သိပ်မှုဆိုတာ.....................။

----------------
အိမ်ဝေးသူ(KZ)
----------------

ကဗျာသစ်

သူမကိုယ်
သူမက ချစ်သည်ထက်
ကျွန်တော်...ပိုချစ်ပါသည်။
x
ကျွန်တော့်ကိုယ်
ကျွန်တော်က ချစ်သည်ထက်
သူမကို...ပိုချစ်ပါသည်။
x
ခေါင်းစဉ်တစ်ခုအောက်မှာ
ကျွန်တော်...ပျောက်ဆုံးသွားသည်။
ပြီးတော့
သူမကို...ရှာဖွေတွေ့ရှိခဲ့ပါသည်။
x
သည်လိုနှင့်
အမည်နာမမဲ့သော
ကဗျာသစ်တစ်ပုဒ် ဖြစ်ထွန်းခဲ့တော့သည်။

----------------
အိမ်ဝေးသူ(KZ)
----------------

ငါ့ကို ဘိုးဘွားရိပ်သာ ပို့ပေးပါ

၁၉၉၁ ခုနှစ်
-------------
"သားကြီး ကျောင်းသွားတော့မှာလား"
"ဟုတ်ကဲ့ဖေဖေ"
"စာကြိုးစားတဲ့ သားကြီးကို မုန့်ဖိုးအများကြီး ပေးရမှာပေါ့ကွ"
"အဖေကြီး...ရှင့်သားကို ကျွန်မ-မုန့်ဖိုးပေးပြီးသားလေ တော်ရဲ့"
"ဟာ...မင်းပေးသလို ငါလည်း ပေးမှာပေါ့ကွ၊ ငါ့သားကြီးက စာတော်တဲ့သားကွ"
"ရော့...သားကြီးအတွက် မုန့်ဖိုး။ ဒါက ဖေဖေပေးတာနော်"
x
၂၀၀၂ ခုနှစ်
------------
"သားကြီးရေ၊ သားကြီး"
"မင်းအတွက် စဖို့ရှပ်လေး ဖေဖေ ဝယ်လာတယ်"
"သားကြိုက်တဲ့ အပြာနုရောင်လေးပဲ။ လိုက်၊မလိုက် ဝတ်ကြည့်စမ်းပါဦးကွ"
"ငါ့သားကြီးက တက္ကသိုလ်ကျောင်းသားကြီးတောင် ဖြစ်ပြီဆိုတော့
အကျီ င်္ကောင်းကောင်းလေးတွေ လိုမှာပေါ့။ ဖေဖေနောက်လည်း ဝယ်လာခဲ့မယ်"
"အဖေကြီး...ရှင့်ပုဆိုးက တော်တော်စုတ်နေပြီလေ"
"သားကြီးမှာက အကျီ င်္ကောင်းတာတွေ အများကြီး ရှိသေးတာပဲ တော်ရယ်"
"ရှင့်အတွက် ပုဆိုးကို ဝယ်မလာဘဲ ဘာလို့ သူ့အတွက် ဝယ်လာရတာလဲ ရှင်"
"ငါ့ ပုဆိုးက လှည့်ဝတ်ရင် အဆင်ပြေပါတယ်ကွာ။ ဘာမှ မဖြစ်ပါဘူး"
"မင်းသိလား....ငါ့သားကြီး ပညာတတ်ဘွဲ့ရ၊ အလုပ်ကောင်းကောင်းရတဲ့အခါ
ငါ့ကို ပုဆိုးတွေ ဒါဇင်လိုက် ဝယ်ပေးမှာကွ။ အဲ့ဒီ့တော့မှ မင်း ငါ့ကို ငေးကြည့်ရမယ်"
"အေးပါတော်...။ ရှင်ပဲ ပြောတော့။ ရှင်ပဲ ပြောတော့"
x
၂၀၁၂ ခုနှစ်
------------
"မိန်းမရေ...ငါ့သား ချစ်သူက အချောလေးပါလားကွ"
"ပိုက်ဆံလည်း ချမ်းသာတယ်ဆိုတော့ ငါတို့ဘက်ကလည်း တစ်ခုခုတော့
လုပ်ပေးဖို့လိုတာပေါ့။ မဟုတ်ရင် ငါ့သားကြီးခမျာ မျက်နှာငယ်ရရှာမှာ"
ငါတို့နေတဲ့ မြေက...တို့အဘိုးအဘွားကြီး နှစ်ယောက်အတွက် ကြီးမနေဘူးလားကွ"
"ပေ ၄၀ ထဲက ပေ ၂၀ ကို ထုတ်ရောင်းပြီး သားကြီး မင်္ဂလာဆောင်အတွက်
သုံးပေးလိုက်ရင် ကောင်းမယ်နော် မိန်းမ။ သူလည်း တော်တော် ပျော်ရှာမှာ"
"ရှင့်ကိုတော့ ကျွန်မ မပြောတော့ဘူး။ ရှင့်သားကြီးအတွက်ဆိုရင် ကျွန်မကိုပါ
ရောင်းစားပေးမလား မသိပါဘူးတော်။ ရှင့်သဘော၊ ရှင့်သဘော"
x
၂၀၁၄ ခုနှစ်
-------------
(က)
"ဟလို...သားကြီးလား...ဖေဖေပါ"
"ဖေဖေ အသုံးစရိတ်ပြတ်နေလို့
ဖေဖေ့ကို ငွေနည်းနည်းလောက် ပေးပါလား သားကြီးရယ်"
"ဟာ...ဖေဖေကလည်းဗျာ"
"ပြီးခဲ့တဲ့ လ,တုန်းကပဲ
ကျွန်တော် ဖေဖေ့ကို ငွေ သုံးသောင်း ပေးထားသေးတယ်မလား"
ဟုတ်တယ် သားကြီးရဲ့...
ဖေဖေ ဆေးဝယ်သောက်နေရလို့ ငွေက သိပ်အသုံးမခံဘူးကွယ်"
"မင်းမေမေ မရှိကတည်းက
ဖေဖေ့ ကျန်းမာရေးလည်း သိပ်မကောင်းတော့ဘူး သားကြီးရယ်"
(ခ)
"သားကြီးတို့ လင်မယားပါလား...ဘယ်က လှည့်လာတာလဲ"
"ကျွန်တော်...
ဟိုဘက် ရပ်ကွက်ထဲမှာ ကိစ္စတစ်ခုနဲ့လာရင်း လမ်းကြုံလို့ ဝင်လာတာ ဖေဖေ"
"ဒါဆို...သားကို ပြောစရာ ရှိတာနဲ့အတော်ပဲ"
"သားမလာရင် သားဆီကို ဖုန်းဆက်ပြီး ပြောမလို့"
"သားကြီး...ဖေဖေ့ မျက်မှန်က သိပ်ကြည့်လို့ မကောင်းတော့ဘူး"
"ဖေဖေ ပါဝါတိုးရမလားမသိဘူး"
"သားကြီး အဆင်ပြေရင်
ဖေဖေကို မျက်စိဆေးခန်း ခေါ်သွားပေးပြီး မျက်မှန်လေး လဲပေးပါလား သားကြီးရယ်"
"ဖေဖေကလည်း...မျက်မှန်က အကောင်းကြီး ရှိသေးတာပဲကို"
"ကျွန်တော်လည်း အခုက မအားသေးဘူး"
"ဖေဖေ့မြေးက ဖာလူဒါသောက်ချင်တယ်ဆိုလို့ သွားတိုက်ရဦးမှာ"
"ဒီလိုလုပ်လေ...ကျွန်တော် အားတဲ့တစ်နေ့ ဖေဖေ့ကို လာခေါ်မယ်လေ"
(ဂ)
"သားကြီးရေ"
"ဖေဖေ့ကျန်းမာရေးက သိပ်မကောင်းတော့ဘူးကွယ်"
"နေလို့ ထိုင်လို့လည်း သိပ်မကောင်းဘူး။ အမောလည်း ခဏခဏဖောက်နေတယ်"
"သားကြီး အဆင်ပြေရင် သားကြီးအိမ်မှာ ဖေဖေ့ကို ခေါ်ထားပါလား"
"သားကြီးအိမ်မှာ ဖေဖေလိုက်နေရမယ်ဆိုရင်
မြေးလေးမျက်နှာကို ကြည့်ရရုံနဲ့တင် ဖေဖေ့ကျန်းမာရေး တစ်ဝက်သက်သာပါပြီ"
"ဟာ...ဖေဖေ အဲ့ဒါတော့ အဆင်မပြေဘူးဗျ"
"ကျွန်တော့် မိန်းမက အိမ်မှာ အသက်ကြီးရွယ်အိုတွေ နေတာ သဘောမကျဘူး"
"အဲ့ဒါကြောင့် သူ့အဖေ၊ အမေကိုတောင် ခေါ်မထားဘူး"
"ကျွန်တော် လုံးဝ အဆင်မပြေလို့ပါ ဖေဖေ။ ကျွန်တော့်ကိုနားလည်ပေးပါ"
x
၂၀၁၅ ခုနှစ်။
-------------
လူဆိုတဲ့ သတ္တဝါဟာ
ကိုယ်စိုက်ခဲ့တဲ့ အသီးကို မစားရရင်တောင် အရိပ်ကလေးတော့ ခိုချင်ကြတာ
သဘာဝပါ သားကြီးရယ်။ သားကြီးအတွက် ဝန်ထုပ်ဝန်ပိုး ဖြစ်မှာစိုးလို့
ဖေဖေ့ ဆန္ဒနဲ့ ဖေဖေကိုယ်တိုင် ဆုံးဖြတ်ပြီး ဘိုးဘွားရိပ်သာမှာပဲ သွားနေဖို့
အသင့်ဖြစ်ပါပြီ။ သားကြီးတို့ မိသားစုဘဝလေး အေးချမ်းသာယာပါစေ။
ခလုတ်မထိ ဆူးမငြိပါစေနဲ့လို့ ဖေဖေ ဆုတောင်းခဲ့ပါတယ် သားကြီးရယ်။
x
၂၀၁၆ ခုနှစ်
------------
ဘိုးဘွားရိပ်သာတစ်ခု၏ ကုတင်နံပါတ် (၁၃)ရှိ အဘိုးအိုတစ်ဦး၏ မျက်ဝန်းမှ
မျက်ရည်တို့ တသွင်သွင် စီးကျနေသည်ကို စာဖတ်သူတို့ မြင်တွေ့ရပါလိမ့်မည်။
ထိုအဘိုးအို ဘာတွေ တွေးပြီး၊ အဘယ်ကြောင့် ငိုကြွေးနေရှာသလဲ ဆိုသည်ကိုလည်း စာဖတ်သူတို့ နားလည် သဘောပေါက်ကြမည်ကို ကျွန်တော် အသေအချာသိပါသည်။
----------------
အိမ်ဝေးသူ(KZ)
----------------

ကျွန်တော့်ကို ခွင့်လွှတ်ပါ...မေမေ

"မေမေ"လို့
ကျွန်တော် ထစ်ချုန်းတမ်းတပေမယ့်
"သားကြီး"လို့
ပြန်ထူးသံ မကြားခဲ့ရတာ လေးနှစ်ပြည့်ခဲ့ပြီ။
x
ဒီနေ့
မေမေနဲ့ ပက်သက်တဲ့
ခံစားချက်တချို့ကို ချရေးဖို့ ကြိုးစားကြည့်တယ်။
x
ဒါပေမယ့်
မိတ်ဆွေသားချင်းတချို့ရဲ့
မိခင်၊ဖခင်နဲ့ ပက်သက်ပြီး ရေးထားတဲ့
ခံစားချက်တွေ ဖတ်ရတော့ စိတ်မကောင်း ဖြစ်မိတယ်။
x
ကျွန်တော့်အရေးအသားကြောင့်
ခံစားချက် ရှိနေတဲ့သူတွေ ထပ်ပြီးခံစားရမှာစိုးလို့
မေမေနဲ့ ပက်သက်တဲ့ ခံစားချက်ကို (ဒီနေ့) မရေးတော့ဘူး။
x
ကျွန်တော့်ကို ခွင့်လွှတ်ပါ မေမေ...။

----------------
အိမ်ဝေးသူ(KZ)

(၈)နှစ်ကျော်ပြီးမှ ရသော အသိတရား

လွန်ခဲ့သော (၈) နှစ်ခန့်က ဖြစ်သည်။
x
ကျွန်တော်က လူကြီးပေါက်စလေး အရွယ်။
ကျွန်တော့်ညီလတ်က လူပျိုပေါက်စလေး အရွယ်။
ကျွန်တော်က အနေအထိုင် လူကြီးဆန်လွန်းသည်။
ညီလတ်ကတော့ လူငယ်ဆန်သည်၊ သွက်လက်သည်။
x
ကျွန်တော်က နေရာတကာမှာ စည်းကမ်းတွေ များလွန်းပြီး
ညီလတ်က ပေါ့ပါးလန်းဆန်းသည်၊ လွတ်လပ်မှုကို ခုံမင်သည်။
စရိုက်လက္ခဏာ သိပ်မတူသော ကျွန်တော်နှင့် ညီလတ်ကို
ဆွေမျိုးသားချင်းများက ကွဲကွဲပြားပြား သိကြသည်ဟု ဆိုရမည်။
သူတို့ အမြင်မှာ
ကျွန်တော်က လိမ္မာရေးခြားရှိပြီး ညီလတ်က ဆိုးပေသူတစ်ယောက် ပုံစံမျိုး။
x
မှတ်မှတ်ရရပင် ဖြစ်သည်။
တစ်ကြိမ်တွင် ကျွန်တော်ကြိုတင်သတိပေးထားသော ကိစ္စတစ်ခုကို သူကျူးလွန်သည်။
ယနေ့ ကျွန်တော်သေချာပြန်စဉ်းစားကြည့်သည့်အခါ သူကျူးလွန်ခဲ့သောအပြစ်က
မဆိုစလောက် အပြစ်မျိုး။ သို့သော် စည်းကမ်းသိပ်ကြီးသော ကျွန်တော်က
စိတ်မထိန်းနိုင်ဘဲ သူ့ကို ပါးရိုက်ခဲ့မိသည်။ ရိုက်ချက်က အဘယ်မျှ ပြင်းသည်ကို
ကျွန်တော်မသိခဲ့။ ကျွန်တော့် နားထဲမှာတော့ (ဖြောင်းကနဲ) ဆိုသော အသံကို
ယနေ့အထိ ကြားယောင်နေသေးသည်။
x
တကယ်တမ်းဆိုလျှင်တော့
သူက ဒေါသကြီးတတ်သည်၊ ကမူးကထိုး လုပ်တတ်သည်၊ လက်မြန်တတ်သည်။
လူပျိုပေါက်အရွယ်လည်း ဖြစ်နေရုံမျှမကဘဲ စိတ်ဆတ်တတ်သော ညီလတ်
ကျွန်တော့်ကို မည်သို့ တုန့်ပြန်ခဲ့သည်ဟု ထင်ပါသလဲ...?
ကျွန်တော့် ရိုက်ချက်ကြောင့် သူ့မျက်နှာ နီရဲသွားသည်။ ဒေါသကြောင့် သူ့မျက်လုံးတွေ
အရောင်လက်နေရုံမျှမက မျက်ရည်များ တပေါက်ပေါက်ကျနေသည်။
တကယ်ဆိုလျှင် သူနှင့်ကျွန်တော်ယှဉ်လျှင် သူ့အရပ်အမောင်း၊ ကိုယ်လုံးကိုယ်ထည်က
ကျွန်တော့်ထက် ကြီးသည်။ သို့သော် စိတ်ဆတ်သော ညီလတ်က ကျွန်တော့်ကို
လက်တုန့်ပြန်ခြင်း လုံးဝမပြုခဲ့။
x
သူ့ဒေါသကို သူမထိန်းနိုင်ခဲ့ဟန်တူသည်။ အိမ်နောက်ဖေးကို သွားပြီး
သူ့လက်သီးများဖြင့် နံရံကို တဝုန်းဝုန်းထိုးသည်။ သူ့လက်မှာ သွေးများ
ကျဆင်းသည်အထိ သူစိတ်တိုင်းကျ ထိုးခဲ့သည်။ နောက်ဆုံး မေမေက
ဝင်ဆွဲမှသာ ရပ်သွားသည်။ ကျွန်တော်ကတော့ ဝင်မဆွဲခဲ့။
(ကျွန်တော့်ကို ပြန်ထိုးမှာကို ကြောက်ခဲ့သည်)
x
ဤသည်မှာ
ကျွန်တော့်ဘဝတွင် တကယ်ကြုံခဲ့သည့် အဖြစ်အပျက်တစ်ခုဖြစ်သည်။
တကယ်ဆိုလျှင် ကျွန်တော် သူ့ကို ထိုသို့ ကိုယ်ထိလက်ရောက် ပါးမရိုက်သင့်ခဲ့။
ပြီးတော့ ကျွန်တော် သူ့ကို တောင်းပန်သင့်ခဲ့သည်မဟုတ်ပါလား...?
ကျွန်တော် သူ့ကို မတောင်းပန်ခဲ့သည့်အပြင် သူရဲဘောကြောင်ခဲ့သည်။
တကယ်တမ်းဆိုလျှင် အများအမြင်မှာ လိမ္မာလွန်းသည့် ကျွန်တော်က ပို၍
အသိတရားနည်းပါးခဲ့သည် မဟုတ်ပါလား။
အကယ်၍ သူသာ ဒေါသအလျောက် ကျွန်တော့်ကို လက်ဖြင့်တုန့်ပြန်ခဲ့လျှင်
ကျွန်တော်တို့ ညီအစ်ကို သမိုင်းတစ်လျှောက်တွင် ညီဖြစ်သူက အစ်ကိုဖြစ်သူကို
ပြန်၍ လက်တုန့်ပြန်သည်ဟူသော အရိပ်မည်းကြီး ကပ်ပါခဲ့ချေမည် မဟုတ်ပါလား။
x
အများအမြင်တွင် ဆိုးသွမ်းသည်ဟု မြင်ရသော ညီလတ်တွင် ကောင်းမွန်သော
အကျင့်များစွာ ရှိသည်ကို ကျွန်တော် ပြန်တွေးမိသည်။ မေမေက
စိုးရိမ်ပူပန်လွန်းရသည်မှာလည်း သူ့အတွက်ပင်ဖြစ်သည်။ သူက အပြစ်တစ်ခုခု
လုပ်ပြီးလျှင် သူ့လက်တံရှည်ရှည်ကြီးဖြင့် မေမေ့ကို တပွေ့တပိုက်ဖက်ပြီး
မျက်နှာပြင်အပြည့် (အာဗွား)များ တရွှတ်ရွှတ် ပေးတတ်သည်။ နောက်ဆုံးတော့
မေမေက (မေမေ...အသက်ရှူ ကြပ်လာပြီ...သားငယ်) ဟုပြောပြီး လွှတ်ပေးရန်
တောင်းဆိုရသည်။ ထိုမျှမကသေး (အဲ့ဒါဆိုရင် သားကိုခွင့်လွှတ်တယ်လို့ ပြောမှ
လွှတ်ပေးမယ်) ဟု ပြောမှသာ မေမေ့ကို ဖက်ထားခြင်းမှ လွှတ်ပေးတတ်သည်။
မေမေက (မင်းကို မေမေ ခွင့်လွှတ်ပါတယ်...မေမေ့ကို မြန်မြန်လွှတ်ပါတော့) ဟု
ပြောယူရသည်။
x
ညီလတ်ထံတွင် ရှိသော ချစ်စရာအကောင်းဆုံး အမူအကျင့်တစ်ခုမှာ
သူ့ကို အကြီးတစ်ယောက်ယောက်က ရိုက်နှက်ဆုံးမလျှင် ခွန်းတုန့်မပြန်ခြင်းဖြစ်သည်။
မေမေက ဆူလျှင်လည်း သူဘယ်တုန်းကမျှ ခွန်းတုန့်မပြန်ခဲ့။ ဖေဖေက ဆူပူကြိမ်းမောင်း
လျှင်လည်း သူကြည်သာစွာ နားထောင်ခဲ့သည်ချည်း ဖြစ်သည်။ အသက်အရွယ်အားဖြင့်
ကြီးသူများ၊ ဝါကြီးသူများကို မိုက်ရိုင်းကြမ်းတမ်းစွာ ဘယ်တော့မှ မတုန့်ပြန်ခဲ့။
x
လွန်ခဲ့သော (၈)နှစ်ခန့်က ကျွန်တော် ကိုယ်ထိလက်ရောက် ကျူးလွန်ခဲ့သော
ထိုအပြစ်ကို အဘယ့်ကြောင့် ဝန်ချတောင်းပန်ခဲ့ခြင်းမရှိသည်ကို ကျွန်တော် အံသြ
မိပါသည်။ တကယ်ဆိုလျှင် ကျွန်တော် ရှက်မိသည်။ ကျွန်တော် သူရဲဘော
ကြောင်ခဲ့သည် မဟုတ်ပါလား။ ကျွန်တော့်ထက် အသက်ငယ်သည့်အတွက်
ကျွန်တော် သူ့ကိုမတောင်းပန်ခဲ့ခြင်းဖြစ်နိုင်သည်။ ကျွန်တော်တို့ မြန်မာလူမျိုး
အများစုမှာ အကြီးက အငယ်ကို မိမိမှားယွင်းမှု တစ်စုံတစ်ရာအတွက်
တောင်းပန်သည့် အလေ့အထ ပျောက်ဆုံးမတတ် ဖြစ်နေသည်မဟုတ်ပါလား။
x
(၈) နှစ်ကျော်ပြီးမှ အသိတရားတစ်ခုကို ကျွန်တော် ရရှိခဲ့သည်ကို ကျေးဇူးတင်မိသည်။
နောက်ကျသည်မှာ လုံးဝမဖြစ်သည်ထက်စာလျှင် အပုံကြီး သာသည်မဟုတ်ပါလား။
ဘာပဲဖြစ်ဖြစ်...ညီလတ်ကို ကျွန်တော် ပါးရိုက်ခဲ့သည့်အတွက် တောင်းပန်စကားကို
ကျွန်တော် ဆိုမည်။ ထိုမျှမက ထိုစဉ်အခါက ကျွန်တော့်ကို ဒေါသအလျောက်
လက်တုန့်မပြန်ခဲ့သည့်အတွက် (ကျွန်တော့်သိက္ခာအဖတ်ဆယ်နိုင်ခဲ့သည်) လည်း
ကျေးဇူးတင်သည့်အကြောင်းကို ကျွန်တော် ပြောရပေဦးမည်....။ မည်သို့ပင်ဖြစ်စေ
သူ့ကို တောင်းပန်စကားဆိုရတော့မည်ဟူသော အတွေးဖြင့် ကျွန်တော့်စိတ်သည်
လန်းဆန်းတက်ကြွနေသည်မှာ အသေအချာပင် ဖြစ်တော့သည်။
------------------
အိမ်ဝေးသူ(KZ)
----------------
မှတ်ချက်။
ဤပို့စ်နှင့် စပ်ဆက်သော အကြောင်းအရာများကို ရေးရန်ကျန်ပါသေးသည်။
အလျဉ်းသင့်သည့်အခါ ထပ်ရေးပါဦးမည်။

ပြောင်းလဲလိုသူတို့၏ ရမသွာန် (၂၀၁၅)

အသျှင်...
ကျွုန်ုပ်တို့၏ ညများအား
ခ,ဝပ်မှုဖြင့် နိုးကြားဖျတ်လတ်စေပါ။
x
အသျှင်...
ကျွုန်ုပ်တို့၏ နေ့တာ များအား
တ,သ မှုဖြင့် လန်းဆန်းစေပါ။
x
အသျှင်...
ကျွုန်ုပ်တို့၏ မျက်ဝန်းများကို
အသျှင့်ကြောက်စိတ်ဖြင့် မျက်ရည်တို့ ပြည့်လျှမ်းစေတော်မူပါ။
x
အသျှင်...
ကျွုန်ုပ်တို့၏ နှလုံးသားများကို
ဖန်ဆင်းရှင်အား တာဝန်ကျေပွန်စိတ်ဖြင့် ထုံမွှမ်းပေးတော်မူပါ။

(အာမီးန်)

တောင်ပံနှစ်ဘက် ပြိုင်တူယှက်

***********************
ဘဝဆိုတာ ပျံသန်းခြင်းဆိုရင်
သင်ယူခြင်းက (ညာ) တောင်ပံ၊
ကျင့်သုံးခြင်းက (ဘယ်) တောင်ပံပေါ့။

ပျံသန်းခြင်း အနုပညာမြောက်ဖို့
(သင်ယူခြင်း+ကျင့်သုံးခြင်း) ဆိုတဲ့
အတောင်ပံ နှစ်ဘက်စလုံးကို
စည်းချက်ညီညီ အလုပ်,လုပ်ခိုင်းရတယ်။
ဟန်ချက်ပျက်ရင်တော့ ခံ,ရ ခက်ရပါလိမ့်မယ်။
မှတ်ချက်။
တစ်ချို့ က သင်ယူရင်းနဲ့ အချိန်တွေကုန်လွန်ပစ်လိုက်ကြတယ်။
နောင်တစ်ချိန်မှာ ကျင့်သုံးမှာပေါ့လို့ ပေါ့ပေ့ါဆဆ တွေးတတ်ကြတယ်။
အဲဒါမျိုးက ရာနှုန်းပြည့် မသေချာဘူး။
သင်ယူရင်းနဲ့ မိမိဘဝထဲကို သွတ်သွင်းအသုံးချခြင်းက
နောင်တ, ကင်းရာကင်းကြောင်း ဖြစ်တယ်။

ကိုယ်ကလွဲပြီး အခြားမရှိ

၁) အကျဉ်းကျခြင်း
----------------------
အကျဉ်းကျခြင်းတွေထဲမှာ
မိမိထံမှာ...
မိမိကိုယ်တိုင် အကျဉ်းကျနေတာမျိုးက
အန္တရာယ်အကြီးဆုံးပဲ။
x
၂) လွတ်မြောက်ခြင်း
----------------------
လွတ်မြောက်ခြင်းတွေထဲမှာ
မိမိထံကနေ...
မိမိကိုယ်တိုင်လွတ်မြောက်သွားတာမျိုးက
ကျေနပ်စရာ အကောင်းဆုံးပဲ။
x
ဘာဖြစ်လို့
အန္တရာယ်အကြီးဆုံးနဲ့
ကျေနပ်စရာအကောင်းဆုံး ဖြစ်ရသလဲ?
x
ကိုယ်ကလွဲပြီး
ကိုယ့်ကို ကုသပေးနိုင်တဲ့သူ
အခြားတစ်ယောက် လုံးဝမရှိနိုင်လို့ပါ။
x
ကိုယ့်ကိုယ်ကို ကုစားရတာက
ပိုပြီးလွယ်တယ်လို့ ပြောချင်ပါသလား?
x
လောကမှာ
ကိုယ့်ကိုယ်ကို မသိသေးတဲ့သူတွေ
ကိုယ့်ကိုယ်ကို နားမလည်သေးတဲ့သူတွေ
အများကြီး ရှိနေသေးတယ်ဆိုတာကို လက်ခံရင်
ကျွန်တော်ပြောတာကိုလည်း နားလည်နိုင်ပါလိမ့်မယ်။

----------------
အိမ်ဝေးသူ(KZ)
----------------

သတ္တိရှိတဲ့ ယောက်ျား

ယေက်ျားတွေရဲ့
သတ္တိရှိတဲ့ အပြုအမူတွေ တော်တော်များများ ရှိပါတယ်။
x
အဲ့ဒီ့လို ရှိတဲ့အကြောင်းအရာများစွာထဲ
အကြောင်းအရာတစ်ခုကတော့...အိမ်ထောင်ပြုခြင်းပါပဲ။
x
ယောက်ျားတစ်ယောက်က
မိန်းမတစ်ယောက်ကို အထိုက်အလျောက် ပြည့်စုံအောင် ထားရမယ်။
မိန်းမနဲ့ ပေါင်းသင်းပြီး ရလာမယ့် သွေးသားတွေကို ပြုစုပျိုးထောင်ရမယ်။
အဲ့ဒါတွေကို သိရဲ့သားနဲ့ အိမ်ထောင်ပြုရဲတဲ့ ယောက်ျားတစ်ယောက်က
သတ္တိရှိပြီး ရင်ဆိုင်ရဲတဲ့ ယောက်ျားတစ်ယောက်လို့ ပြောလို့ရတယ်။
x
ကျွန်တော်တို့လို အသက် (၃၀) ပတ်လည် ရောက်နေကြတဲ့
ယောက်ျားလေး လူပျိုကြီးတွေအများစုကို လေ့လာလိုက်ရင်
အများစုက မိန်းမတစ်ယောက်ကို တာဝန်ယူရမယ့် အခြေအနေကို
အတိုင်းအတာ တစ်ခုအထိ စိုးရိမ်ကြောက်လန့်နေတတ်ကြတယ်။
x
တစ်နည်းအားဖြင့်
ကိုယ့်အရည်အချင်းနဲ့ မိသားစုတစ်စုကို ထူထောင်မွေးမြူဖို့
သတ္တိမရှိသေးဘူးလို့ သတ်မှတ်ချင် သတ်မှတ်လို့ ရပါတယ်။
ကျွန်တော်နဲ့ အသက်တူအရွယ်တူ တစ်ယောက်ကို
သတ္တိရှိရှိနဲ့ အိမ်ထောင်တစ်ခုကို ထူထောင်ပြီး၊ ဇနီးသားသမီးတွေအတွက်
ရုန်းကန်လှုပ်ရှားနေတဲ့ အိမ်ထောင်ရှင် ယောက်ျားတစ်ယောက်အဖြစ်
မြင်တွေ့ရတဲ့အခါတိုင်း ကိုယ့်ထက်ပိုပြီး တာဝန်ယူရဲတဲ့ သတ္တိရှိသူတစ်ယောက်လို့
ကျွန်တော် အမြဲအမွှန်းတင်နေမိတတ်တယ်။ (အားကျတယ်ပေါ့ဗျာ)
x
ကျွန်တော်လား...?
ကျွန်တော်ကတော့ အခုထိ သတ္တိနည်းနေတုန်းပါပဲ။
သူများတွေ မေးရင် ပိုက်ဆံရှာတုန်းလို့ ကျွန်တော် ဆင်ခြေပေးတတ်တယ်။
သူများတွေ မေးရင် အကြိုက်မတွေ့သေးဘူးလို့ ကျွန်တော် ဆင်ခြေပေးတတ်တယ်။
(ဆင်ခြေတွေနဲ့အတူ ကျွန်တော် သတ္တိနည်းသူတစ်ယောက် ဖြစ်နေတော့တယ်)

အိမ်ဝေးသူ(KZ)

ဒုတိယ အဖေတဲ့

အကြောင်းအရာ တစ်ခုအတွက်
ကျွန်တော် ညီလတ်နဲ့စကားပြောဖြစ်တယ်။
x
တစ်ယောက်နဲ့ တစ်ယောက်
အပြန်အလှန်နားလည်မှုတွေ ဝတ်မှုန်ကူးခဲ့ကြတယ်။
x
ဖုန်းချခါနီးမှာ သူစကားတစ်ခွန်းပြောသွားတယ်။
"အစ်ကိုကြီးက ကျွန်တော့်အတွက်တော့ ဒုတိယအဖေပါပဲ" တဲ့
x
သူကတော့ ရိုးရိုးရှင်းရှင်းလေး ပြောသွားတာပါပဲ။
ဒါပေမယ့်...။
ကျွန်တော့်ရင်ထဲမှာ စီးဆင်းသွားတဲ့ စမ်းချောင်းတစ်ခုရဲ့
အေးမြချိုမြိန်မှုကိုတော့...သူ(ညီလတ်) သိသွားရှာမှာမဟုတ်ပါဘူး။
x
ဘာပဲဖြစ်ဖြစ်
ကျွန်တော့် အသွေးအသားနဲ့ ဖြစ်တည်တဲ့ သား၊သမီးတွေ မရှိသေးလည်း
ကျွန်တော်ကတော့ အဖေတစ်ယောက် နေရာကို ရခဲ့ဖူးပြီလေ...။

----------------
အိမ်ဝေးသူ(KZ)
----------------
မှတ်ချက်။
အလှအပတစ်ခုက မိမိအနီးအနားမှာ ရှိနေတဲ့အချိန်မျိုးမှာ မိမိကိုယ်တိုင်
အဲ့ဒီ့အလှအပကို သတိမပြုမိတတ်ကြဘူးဗျ။ ကျွန်တော်သာ သူနဲ့ တစ်နေရာတည်းမှာ ရှင်သန်ရုန်းကန်နေရမယ်ဆိုရင် သူ့မှာ ရှိတဲ့အလှတရားကို ကျွန်တော် မြင်မိမှာ
မဟုတ်သလို၊ ကျွန်တော့်မှာ ရှိတဲ့ အလှတရားကိုလည်း သူက လေးစားချစ်ခင်နိုင်မှာ မဟုတ်ဘူးဗျ။ အခုကျတော့ ကျွန်တော်တို့တွေ မိုင်တွေ ထောင်သောင်းဝေးတဲ့
နေရာမှာ နေကြရတယ်။ ဒါပေမယ့် နှလုံးသားချင်း တဖြည်းဖြည်း နီးသထက်
နီးလာကြတယ်။ တစ်ခါတရံမှာ ဝေးကွာမှုကပဲ နီးစပ်ခြင်းတွေကို ဆောင်ကျဉ်း
ပေးတတ်တယ်လို့ ကျွန်တော် ယုံကြည်တယ်။

ရွေးချယ်ခွင့်တွေ နည်းလာတယ်

အသက်ကြီးလာလေ
ရွေးချယ်ခွင့် နည်းလာလေပဲ။
x
သိပ်ငယ်လွန်းတဲ့အခါတုန်းက
ပျော်ချင်သလို ပျော်လို့ရတယ်။
အော်ငိုချင်သလို အော်ငိုလို့ရတယ်။
ဟန်ဆောင်စရာမလိုဘဲ
လုပ်ချင်တာတွေကို လုပ်လို့ရတယ်။
(ဘယ်သူမှ စိတ်မဆိုးတတ်ကြဘူး)
x
အရွယ်အသင့်အတင့် ဖြစ်လာတော့
ပျော်စရာလည်း သိပ်မပျော်ရတော့ဘူး။
အော်ငိုချင်တိုင်လည်း ငိုလို့မရတော့ဘူး။
ဟန်ဆောင်မှု အနည်းအကျဉ်း ရှိမှသာ
ဘဝက အထိုက်အလျောက် ခရီးပေါက်တယ်။
(သင့်၊မသင့်ဆိုတာတွေက နေရာ..ရလာတယ်)
x
ဟော...
အခုအရွယ်ကျတော့ ပိုဆိုးသွားပြီ။
ထိန်းချုပ်မှုတွေ များလာတယ်။
ဟန်ဆောင်မှုတွေ တိုးလာတယ်။
ရွေးချယ်ခွင့်တွေကလည်း
အလိုအလျောက် လမ်းပိတ်လာတယ်။
x
ဥပမာ...။
ကိုယ့်အရွယ်ကြောင့် မဝတ်ရတာတွေ၊
ကိုယ့်အသက်ကြောင့် မစားရတာတွေ၊
ကိုယ့်ကျန်းမာရေးကြောင့် ရှောင်ရှားရတာတွေ၊
ကိုယ့်အခြေအနေကြောင့် မလုပ်သင့်တာတွေ၊
အစရှိသဖြင့် ရွေးချယ်ခွင့်တွေ၊ လုပ်ပိုင်ခွင့်တွေ
ကန့်သတ်လာတယ်၊ ကျဉ်းလာတယ်၊ နည်းလာတယ်။
x
သေချာတယ်။
အသက်ကြီးလာတာနဲ့အမျှ
စဉ်းစားတွေးတောနိုင်စွမ်းတွေ ဘယ်လောက်များပါစေ၊
လုပ်နိုင်စွမ်းအားတွေ ဘယ်လောက်ကျယ်ပြန့်နေပါစေ၊
ရွေးချယ်ခွင့်တွေကတော့ နည်းသထက်နည်းလာတယ်။

-------------------
အိမ်ဝေးသူ(KZ)
-------------------

ပြောင်းလဲသင့်တာ ကြာခဲ့ပါပြီ။

ယစ်မူးခြင်းမဲ့သော ချစ်ခြင်းဖြင့် ချစ်တတ်ပါစေ

ချစ်ခြင်းမေတ္တာဆိုတာ
မိန်းမတစ်ယောက်အတွက်တော့
ချိုမြိန်ယစ်မူးစေတတ်တဲ့ ယမကာလိုပါပဲ။
x
ယမကာ သောက်ထားသူတစ်ယောက်က
အမှန်တရားကို သေချာကွဲပြားစွာ မမြင်ရသလို
အချစ်ရဲ့ ချိုမြိန်မှုမှာ ယစ်မူးနေသူတစ်ယောက်ကလည်း
မှားယွင်းမှုတွေ အများကြီးနဲ့ မိတ်ဆွေဖြစ်သွားနိုင်တယ်။
x
ချစ်တယ်ဆိုမှတော့
သာယာမိန်းမောတတ်ကြတယ်လို့ ပြောမလား?
x
မိန်းကလေးတစ်ယောက်အနေနဲ့
ယောက်ျားတစ်ယောက်ရဲ့ချစ်ခြင်းမှာ
ရီဝေစီးမျောနေတဲ့အဆင့် ဖြစ်လာပြီဆိုရင်
အဲ့ဒီ့ မိန်းကလေးက
မိမ်ိမှာရှိနေတဲ့ ချစ်ခြင်းမေတ္တာနဲ့
ကံကြမ္မာဆိုတာကြီးကို အလောင်းအစားလုပ်သလိုပဲ။
(အမှန်တရားက ၅၀% ရာခိုင်နှုန်းလောက်ပဲ ရှိတယ်)
x
မိန်းကလေးတစ်ယောက်က
အချစ်တစ်ခုမှာ သာယာမိန်းမောနေတဲ့အချိန်မှာ
အရာရာတိုင်းက လှပကြည်နူးခြင်းတွေဝေနေတတ်ပေမယ့်
ရီဝေစီးမျောမှုတွေကနေ ရုန်းထွက်လိုက်တဲ့အခါမှာတော့
သူမနှလုံးသားမှာ ဒဏ်ရာအချို့က နေရာယူပြီးသား ဖြစ်တတ်တယ်။
x
မိန်းကလေးတစ်ယောက်အနေနဲ့
ချစ်ခြင်းမေတ္တာရဲ့ အရသာကို တစိမ့်စိမ့်ခံစားနိုင်သလို
ချစ်ခြင်းမေတ္တာရဲ့ အရိပ်မှာလည်း စိတ်ကြိုက်ကွန်းခိုနိုင်ပါတယ်။
ဒါပေမယ့်.ဘယ်တော့မှ ယစ်မူးစီးမျောသွားခြင်း မရှိပါစေနဲ့။
(လက်ရှိ ယစ်မူးနေတယ်ဆိုရင်လည်း ရုန်းထွက်နိုင်အောင် ကြိုးစားပါ)

-------------------
အိမ်ဝေးသူ(KZ)
-------------------
မှတ်ချက်။
ယောက်ျားလေးတွေကိုကျတော့ ဘာလို့ထည့်မပြောတာလဲ...?
မိန်းကလေးတွေပဲ ယစ်မူးသာယာတတ်ကြတာလား?
ကျွန်တော်တို့ ယောက်ျားလေး(အများစုက) ကိုယ်တိုင်ယစ်မူးထုံရီနေတာထက်စာရင်
တစ်စုံတစ်ယောက်က မိမိရဲ့ ချစ်ခြင်းမေတ္တာအောက်မှာ ယစ်မူးသာယာနေတာကို တစိမ့်စိမ့်ထိုင်ကြည့်နေတတ်တာမျိုးက ပိုများပါတယ်။

ဆင်ခြေနဲ့လိမ်လည်မှု

လူတစ်ယောက်က
မိမိကိုယ်ကို လိမ်လည်တော့မယ်ဆိုရင်
ပထမဆုံး ရှာဖွေတာ
အကျိုးအကြောင်းခိုင်လုံမှုမရှိတဲ့ "ဆင်ခြေ" ပါပဲ။
x
ခင်ဗျားတစ်ယောက်စာနဲ့ပဲ သက်ဆိုင်တဲ့
အကြောင်းအရာတစ်ခုခုအတွက်
ခင်ဗျားကိုယ်တိုင်က
ဆင်ခြေတစ်ခုခုကို သဲကြီးမဲကြီးရှာနေပြီဆိုရင်
သေချာသလောက်ကတော့
ခင်ဗျား..ကိုယ့်ကိုယ်ကို လိမ်ညာတော့မယ်ဆိုတာပဲ။
x
တစ်ခုတော့ရှိပါတယ်။
ကိုယ့်ကိုယ်လိမ်တော့မယ်ဆိုရင်
ဆင်ခြေကို အဓိကရှာတတ်ကြတယ်ဆိုပေမယ့်
ဆင်ခြေရှာတတ်သူတိုင်းကတော့
ကိုယ့်ကိုယ်ကို လိမ်နေသူကြသူတွေ မဟုတ်ပါဘူး။

-------------------
အိမ်ဝေးသူ(KZ)
-------------------
မှတ်ချက်။
ကျွန်တော်တွေးမိ၊ မြင်မိတာလေးကို ပြောပြခြင်းပါ။
မတူတဲ့အမြင်ရှိမယ်ဆိုရင် အများသိအောင် Comment ပေးနိုင်ပါတယ်။

အထူးအဆန်းမဟုတ်

ဘာသာခြားတွေက
ဘာသာအစွဲ၊ လူမျိုးအစွဲရှိတာ မဆန်းလှပါဘူး။
(သဘာဝကျသေးတယ်လို့ ပြောရမှာပေါ့လေ)
x
ဘာသာတူအချင်းချင်းတောင်
ကိုယ်နဲ့အဆင်မပြေဖြစ်တဲ့အခါ (သို့) စော်ကားခံရတဲ့အခါ
လူမျိုးနွယ်စု နာမည်ကို ကိုင်ပြီး ပြောဆိုဆက်ဆံတတ်ကြသကိုး။
(မလိုအပ်ဘဲ ပြဿနာကြီးထွားပြီး သူ့ဘက်ကိုယ့်ဘက်တွေ ဖြစ်လာတယ်)
x
တကယ်တော့
ကျွန်တော်တို့တွေ အဘက်ဘက်က နောက်ကောက်ကျနေရတာတွေက
သိပ်တော့လည်း အထူးအဆန်းကြီး မဟုတ်လှပါဘူးလေ။
(မီးတောက်ကြီးတာကို လက်ခုပ်လက်ဝါးတီးချင်သူတွေ များလာတာကိုး)

--------------------
အိမ်ဝေးသူ(KZ)
--------------------
မှတ်ချက်။
မိမိအမြင်ကို မိမိကြိုက်သလို တင်ပြသည်။ မည်သူ့ကိုယ်ရေးကိုယ်တာကိုမျှ
အမည်ကိုင်ပြီး ပုတ်ခတ်စော်ကားရေးသားခြင်းမဟုတ်ကြောင်း နားလည်စေလိုသည်။

ဇွန်လ (ဝေဒနာ)

ကားအကောင်းစားကြီး စီးသလို စိတ်ဓာတ်အကောင်းစားလည်း မွေးကြစေချင်

ဒီနေ့ စိတ်မကောင်းစရာ သတင်းတစ်ခု ဝင်လာတယ်။
ညီမလေး သဲသဲ ကျောင်းကအပြန်လမ်းမှာ ခြေထောက်ကို ကားကြိတ်ခံရတယ် တဲ့။
အိမ်မှာ အကူလုပ်ပေးနေတဲ့ မိန်းကလေး(၁၆)နှစ်က သဲသဲ(၁၀နှစ်)နဲ့ သူ့အကိုဖြစ်သူ
(၁၂)နှစ် တို့ကို ကျောင်းအပြန်သွားကြိုပြီး သုံးယောက်သား အိမ်ကိုပြန်လာနေကြတုန်း
ဖြစ်တာပါ။ ညီမအလတ်ကလည်း တစ်ခြားနိုင်ငံကနေ ဖုံးဆက်ပြီး အသိပေးတယ်။
သူ့လက်ပေါ်မှာ ကြီးလာတဲ့ ညီမလေးဖြစ်လို့ သူစိုးရိမ်လွန်ပြီး ငိုယိုနေတယ်။
ညီလတ်က ကျွန်တော့်ဆီ ဖုံးဆက်တဲ့ အချိန်မှာ အသံတွေ တုန်ရီနေတယ်။
ဒေါသလည်း ထွက်နေတယ်။
x
အကြောင်းရင်းက ကားအကြိတ်ခံရတာဟာ ကျောင်းဆင်းချိန် နေ့လည် (၃)
နာရီဝန်းကျင်ဖြစ်ပြီး၊ သူဖုံးဆက်တဲ့အချိန် ညနေ(၅)နာရီ ကျော်တဲ့အထိ
အဆက်အသွယ်လုံးဝ မရဘူးတဲ့။ ဘယ်သူကမှလည်း ဖုံးဆက်မလာဘူးတဲ့။ သူလည်း အနီးစပ်ဆုံး ဆေးခန်းတွေ၊ ဆေးရုံတွေ လိုက်သွားတယ်။ ကျွန်တော်နဲ့ စကားပြောတဲ့
အချိန်မှာ သူက ကားမောင်းရင်း ရန်ကုန်ဆေးရုံကြီးကို လိုက်သွားနေတဲ့အချိန်။
ဆေးရုံကြီးမှာလည်း ရှာလို့မရတဲ့အဆုံး ပြန်လာတော့မှ အိမ်အပြန်လမ်းမှာ ကလေးတွေ အိမ်ကို ပြန်ရောက်ပြီဖြစ်တဲ့အကြောင်း အိမ်ကိုရောက်နေတဲ့ အဒေါ်တစ်ယောက်က ဖုံးဆက်ပြီး ပြောတယ်။
x
ညီလတ်လည်း အိမ်ကိုအမြန်လိုက်သွားပြီး အခြေအနေကို လိုက်ကြည့်တယ်။
ဖြစ်ပုံက....ဒီလိုပါ။
ကားအကြိတ်ခံရတဲ့နေရာက လမ်းသွယ်ဖြစ်တဲ့အတွက် ကားအရှိန်က နည်းတယ်။
အဲ့ဒါကြောင့် ခြေထောက်က သိပ်ပြီးဆိုးဆိုးရွားရွား ဖြစ်မသွားဘူးလို့ ဆိုတယ်။
ကားမောင်းတာကတော့ အမျိုးသမီးလို့ ပြောတယ်။ ကားကြိတ်ပြီးတာနဲ့ အနီးနားက
ဆေးခန်းကို ခေါ်သွားတယ်လို့ ပြောတယ်။ ဆေးခန်းက လက်မခံဘဲ ဆေးရုံကြီးကို
ပို့ပေးဖို့ ညွှန်ကြား လိုက်တယ်။ အဲ့ဒါနဲ့ အဲ့ဒီ့အမျိုးသမီးက ပုဂ္ဂလ္လိက ဆေးရုံတစ်ခုမှာ ဓာတ်မှန်ဝင်ရိုက်ပေး၊ ပတ်တီးစည်းပေးပြီးတော့ ကလေး(၃) ယောက်ကို ဆေးဖိုးဆိုပြီး
ငွေ ငါးသောင်းပေးပြီး ကားငှားပေးလိုက်တယ်လို့ပြောတယ်။
x
ကလေးတွေကို သေချာမေးကြည့်တော့မှ အကျိုးအကြောင်းကို သေချာသိရတယ်။
ကားအကြိတ်ခံရတဲ့နေရာက အိမ်နဲ့ ၃မိနစ်-၅မိနစ် လောက်ပဲ ဝေးတဲ့နေရာမှာဖြစ်လို့
ကလေးတွေက အိမ်က အစ်ကိုတွေကို ဖုံးဆက်ပြီး အကြောင်းကြားဖို့ ကားမောင်းတဲ့
အမျိုးသမီးကို ပြောတယ်တဲ့။ ဒါပေမယ့် အမျိးသမီးက လုံးဝ ဖုံးမဆက်ဖို့တားတယ်လို့
ဆိုတယ်။ အိမ်က စိတ်ပူနေမယ်လို့ ပြောတော့လည်း စိတ်မပူနဲ့လို့ပဲ ပြောတယ်တဲ့။
နောက်ဆုံး ပုဂ္ဂလ္လိက ဆေးရုံတစ်ခုမှာ ပတ်တီးစည်းပေးခိုင်း၊ ငွေငါးသောင်းပေးပြီး
ကားငှားပေးလိုက်တယ်တဲ့။ ကလေးတစ်ယောက်ကတော့ အဲ့ဒီ့ ကားနံပါတ်ကို
သေသေချာချာ မှတ်ခဲ့တယ်တဲ့။
x
လူဆိုတာ အရေးအကြောင်းဖြစ်လာရင် ကိုယ့်ဘက်ကို အရင်ကြည့်တတ်ကြတာကို
ကျွန်တော် နားလည်ပေးနိုင်ပါတယ်။ ဒါပေမယ့်ဗျာ...
(၁)
ယဉ်တိုက်မှု ဖြစ်တာနဲ့ ကားမောင်းသူအနေနဲ့ မိဘအုပ်ထိန်းသူကို အကြောင်း
ကြားသင့်တယ်လေ။ ဘယ်ဆေးခန်းမှာ ပြနေတယ်ဆိုတာကို အသိပေးသင့်တာပေါ့။
(၂)
ကလေး(၃) ယောက်မှာ (၂)ယောက်က ဖုန်းပါတယ်။ ကလေးတွေက အိမ်ကအစ်ကို
တွေကို ဖုံးဆက်ပြီး အကြောင်းကြားလိုက်မယ်လို့ ပြောတာကို ဘာလို့လက်မခံခဲ့တာလဲ။
(၃)
ဖုန်းပေးမဆက်တဲ့ ကိစ္စကိုဘေးဖယ်ထားလိုက်ဦး။ ပတ်တီးစည်းပေးပြီး ငွေငါးသောင်း
ပေးလိုက်ရုံနဲ့ ပြီးသွားရောလား၊ မိဘအုပ်ထိန်းသူတွေဆီကို အရောက်လိုက်ပို့ပြီးတော့
အကျိုးအကြောင်း သေချာပြောပြသင့်တယ်မဟုတ်လား။
x
ကားမောင်းရင် ကားတိုက်မှု ဖြစ်တတ်တယ်ဆိုတာ ကျွန်တော်လက်ခံနိုင်ပါတယ်။
ဒါပေမယ့် တစ်ဘက်သားပေါ်မှာလည်း ကိုယ်ချင်းစာစိတ်လေးတော့ ရှိသင့်တာပေါ့။
ဒါတောင် ကားတိုက်တာက ရပ်ကွက်ထဲမှာဖြစ်တဲ့အတွက် ထွက်ပြေးလို့မရလို့သာ
ဆေးခန်းလိုက်ပြပေးတာလို့ ယူဆရမလိုဖြစ်နေတယ်။ ကားတိုက်လိုက်ပေမယ့်
ကားတိုက်မိမိချင်း မိသားစုကို ဖုန်းဆက်အကျိုးအကြောင်းပြောပြမယ်ဆိုရင်
တော်သေးတယ်။ အခုတော့ နိုင်ငံရပ်ခြားမှာ ရောက်နေတဲ့ အစ်ကိုဖြစ်သူနဲ့
အစ်မဖြစ်သူရဲ့ ရင်ထဲမှာ ဗလောင်းဆန်နေတာ၊ ရန်ကုန်မှာရှိနေတဲ့ အစ်ကိုလတ်ရဲ့ ဆေးရုံဆေးခန်းတွေ၊ တစ်ခုပြီးတစ်ခု လိုက်ရှာလိုက်ပြီး သောက
များနေရတဲ့ ဒုက္ခ၊ ရန်ကုန်နဲ့ ၃နာရီနီးပါး ကားမောင်းရတဲ့ ခရီးဝေးတစ်ခုကို ရောက်နေတဲ့ အဖေတစ်ယောက်ရဲ့ ဝေဒနာတွေကို ဘယ်လိုပုံစံနဲ့ အလျော်ပေးမှာလဲ...။
x
အခု ကျွန်တော် ဒီစာကို ရေးနေတဲ့ရန်ကုန်အချိန် ည(၁၀း၃၀) မှာ အဖေနဲ့ ညီလတ်က
ကလေးနဲ့အတူ ရန်ကုန်ဆေးရုံကြီးမှာ ရှိနေတယ်။ ကလေးခြေထောက် အခြေအနေကို
သေသေချာချာမသိရသေးလို့ ဆေးရုံကို ပြန်ခေါ်သွားကြတာပါ။ ကျွန်တော်နဲ့ အဖေ
ခဏလေး စကားပြောဖြစ်တယ်။ အဖေက တော်ရုံအမှုအခင်းကိစ္စတွေ
လုံးဝမလုပ်ချင်သူပါ။ ကိုယ်နစ်နာရင်တောင် အနစ်နာခံပြီး အမှုအခင်းကိစ္စတွေနဲ့
ဝေးဝေးနေတဲ့သူပါ။ ဒါပေမယ့် ဒီကိစ္စမှာတော့ လမ်းဘေးက မိဘမဲ့သားသမီးတွေကို လုပ်နေကျပုံစံအတိုင်း အဲ့ဒီ့လို လုပ်တတ်တဲ့ အဲ့ဒီ့အမျိုးသမီးရဲ့  အပြုအမူကို လုံးဝ
မကျေနပ်တဲ့အတွက် ရဲစခန်းမှာ အမှုဖွင့်တိုင်ကြားခဲ့ပါတယ်။ အဖေ့အတွက်က
သူ့သမီး ကားအတိုက်ခံရတဲ့ကိစ္စထက်၊ ကလေးတွေက ဖုံးဆက်ပြီး မိသားစုကို
အကြောင်းကြားဖို့ ခွင့်တောင်းခဲ့တာကို လက်မခံခဲ့ရုံမျှ မကဘဲ ငွေငါးသောင်းပေးပြီး
အိမ်ပြန်လွှတ်လိုက်တဲ့ အဲ့ဒီ့ ကားမောင်းသူအမျိုးသမီးရဲ့ လူမဆန်တဲ့ လုပ်ရပ်နဲ့
စိတ်ဓာတ်ကို လုံးဝမကျေနပ်တဲ့အတွက် အမှုဖွင့်တိုင်ကြားလိုက်တယ်လို့ ဆိုပါတယ်။ အဖေ့ခမျာ သမီးဇောနဲ့ အလုပ်တွေအားလုံးကို ပစ်ပြီး ၃နာရီခရီးကို အမြန်ဆုံးနည်းနဲ့
ပြန်လာ ရရှာတယ်။ ၃ နာရီတာ အဖေခံစားခဲ့ရတဲ့ အဲ့ဒီ့သောကကို ကားမောင်းတဲ့
အမျိုးသမီး ပြန်လျော်ပေးနိုင်မှာလားဗျာ။
x
ဘာပဲဖြစ်ဖြစ်
အသျှင့်ကျေးဇူးတော်နဲ့ သိပ်ပြီး ဆိုးဆိုးရွားရွားကြီး ဖြစ်မသွားတာကိုပဲ
ကျေနပ်မိပါတယ်။ ကိုယ်လွတ်ရုန်းတတ်တာ လူ့သဘာဝဆိုပေမယ့် တစ်ဘက်သား
ကိုလည်း ကိုယ်ချင်းစာငဲ့ညှာပေးကြပါလို့ အကြံပြုလိုပါတယ်။ ကားအကောင်းစားကြီး
စီးနိုင်သလို စိတ်ဓာတ်အကောင်းစားကိုလည်း ပိုင်ဆိုင်နိုင်ကြပါစေဗျာ။ ပြီးတော့
စာဖတ်သူတွေအနေနဲ့လည်း မိမိသားသမီးတွေကို ကားအတိုက်ခံရတာမျိုး၊ အက်စီးဒင့်တစ်ခုခုဖြစ်လာရင် ဘယ်လိုတွေ လုပ်သင့်တယ်ဆိုတာကို သေသေချာချာ
ပြောဆိုသင်ကြားပေးထားစေချင်ပါတယ်လို့ ပြောရင်း။
-------------------
အိမ်ဝေးသူ(KZ)