သာမန် ကာတွန်းပြကွက်လေးတစ်ခုပါပဲ။
ဒါပေမယ့်...
ဒီ ရုပ်ပြကာတွန်းလေးထဲ မှာ
၁)
သားဖြစ်သူရဲ့  လုပ်ငန်းနဲ့ ပက်သက်တာ (အရေးကြီးမှု ) ကို
မိခင်ကြီးခမျာ သေသေချာချာ မသိရှာဘူး။
(ပညာရေးချို့ တဲ့တာကြောင့်လည်း ဖြစ်နိုင်တယ်)
သို့သော် သူ့ခမျာ သူ့သားနဲ့ ပက်သက်တဲ့ တာဝန်ကိုတော့
ကြိုးစားပြီး ကျေပွန်ရှာတယ်။
၂)
မိဘမေတ္တာကြီးမားမှု
အထူးသဖြင့် မိခင်ရဲ့  မေတ္တာတရားကြီးမားမှုနဲ့
သားသမီးအပေါ်မှာ တာဝန်ကျေတတ်မှုကို ဖော်ကျူးထားတယ်။
၃)
လေထဲမှာ သေရေးတမျှ ဖြစ်ပျက်နေတဲ့ အချိန်ရောက်တော့မှ
လေထီးအရွက် ပါမလာမှန်း သိတယ်။
ဒါပေမယ့်
သားဖြစ်သူဟာ (သူ့မိခင်) လက်ချက်မှန်း တန်းသိတယ်။
(ငါ့အမေကတော့ လုပ်ချလိုက်ပြန်ပြီလို့တွေး
တစ်ခဏတာ စိတ်အလိုမကျတာ ဖြစ်ကောင်းဖြစ်မယ်)
ဒါပေမယ့်...
မိခင်ဖြစ်သူရဲ့ 
အသိပညာနည်းပါးတာကြောင့်ပဲ ဖြစ်စေ၊
ဂရုစိုက်အား နည်းလို့ပဲ ဖြစ်စေ၊
မေ့လျော့ပေါ့ဆမှုကြောင့်ပဲ ဖြစ်စေ၊
အဲ့ဒီ့ သားခမျာ မြေပြင်နဲ့သူ့ ခန္ဓာကိုယ် ရိုက်မိပြီး
အသက်ထွက်ခဲ့ရင်တောင်
သူ့ကို သိပ်ချစ်ရှာလွန်းတဲ့ သူ့မိခင်ကြီးကို
ဘယ်တော့မှ အပြစ်တင်ရက်မှာ မဟုတ်ပါဘူး။
(၄)
အမေများ ခင်ဗျာ။
အမေတို့ ပေါ့ဆကောင်း ပေါ့ဆမိကြလိမ့်မယ်။
အမေတို့ မေ့လျော့ကောင်း မေ့လျော့ကြလိမ့်မယ်။
အမေတို့ အသိပညာနည်းပါးကောင်း နည်းပါးကြပါလိမ့်မယ်။
သို့သော်
အမေတို့ရဲ့  လုပ်ရပ်တွေ ဘယ်လောက်မှားမှား
အမေတို့ရဲ့ စေတနာမမှားခြင်း၊
အမေတို့ရဲ့ မေတ္တာတရားဟာ
နွေမိုးဆောင်း သုံးရာသီစလုံး မလစ်ဟင်းခြင်းတို့အတွက်
ကျွန်တော်တို့ သား/သမီးများဟာ
အမေတို့ ပယောဂတစ်ခုခုကြောင့်
(အသက်စွန့်ခဲ့ရရင်တောင် ကျေနပ်စွာ စွန့်ကြမှာပါ ခင်ဗျာ)
အမေအားလုံးသို့ ရည်ညွှန်းလျက်
--------------------
အိမ်ဝေးသူ(KZ)
No comments:
Post a Comment