Life

Yesterday,
I was laughing with beloved one !

Today,
I am crying while no one !
------------------------
Eainwaaythu(KZ)
------------------------

CONGRATULATIONS PALESTINE

Dear Palestine,
Finally, YOU really did it .

Tons of congratulations ?
---------------------------------->>> Only for YOU !
I
----------------->>>Salute
-------------------------------->>>YOU.
WE
----------------->>>Salute
-------------------------------->>>YOU.
WORLD
----------------->>>Salute
-------------------------------->>>YOU.
============
Eainwaaythu(KZ)
============
Dear Palestine,
Try to be happy,
But do not forget your brothers/ sisters from The Central African Republic.

အပြောကောင်းသူ သတိထား

ဤအဆိုကို
စာဖတ်သူ...ဘယ်လိုထင်မြင်ယူဆပါသလဲ?

- မှန်တယ်လို့ ယူဆပါသလား ?
- ဘာကြောင့် မှန်တယ်လို့ ယူဆပါသလဲ ?
- မှားတယ်လို့ ယူဆပါသလား ?
- ဘာကြောင့် မှားတယ်လို့ ယူဆပါသလဲ ?
-အပြောကောင်းသူတိုင်း ကြောက်စရာကောင်းပါသလား ?
-အကောင်းပြောသူတိုင်းရော ကြောက်စရာမကောင်းဟု ထင်ပါသလား ?
ယောက်ျားလေးများ
အပြောကောင်းလျှင် အန္တရာယ်ရှိသည်ဟု ပုံသေ ယူဆနိုင်ပါသလား ?
မိန်းကလေးများ
အပြောကောင်းလျှင်...ယောက်ျားလေးများ မည်သို့ ယူဆရမည်နည်း ?
အပြောကောင်းသူနှင့်
စကားပြောကောင်းသူ ကွာခြားမှု ရှိပါသလား ?
စာဖတ်သူတို့၏
အတွေ့အကြုံနှင့် အယူအဆများအား ကြားနာလိုပါသည်။
---------------------
အိမ်ဝေးသူ(KZ)
---------------------

ကတိဆိုတာ…(တည်)ရတယ်လို့ ဆိုကြပေမယ့်လည်း

ကတိဆိုတဲ့ ပို့စ်မှာ
ကတိတစ်ခုကို တစ်ကြိမ်တစ်ခါတည်း ပေးသင့်ကြောင်းနဲ့
အဲဒီကတိကို တစ်သက်လုံးတည်သင့်ကြောင်း ပြောခဲ့ပါတယ်။
ကတိဆိုတာနဲ့ စပ်ဆက်ပြီး
တစ်ခြား ပုံစံတစ်မျိုး ကျွန်တော် တွေးမိတာလေးတွေကို မျှဝေလိုက်ပါတယ်။
တကယ်တော့
ကတိ ပေးခဲ့ဖူးတယ်ဆိုတာ
ထိုစဉ်အခါမှာ ဖြစ်တည်ခဲ့တဲ့
(အခြေအနေ၊ အချိန်အခါ၊ လိုအပ်ချက်တွေ) ကြောင့်လို့ ပြောလို့ရသလို။
ကတိ ဖျက်လိုက်တယ် ဆိုတာ
ပစ္စုပ္ပန်မှာ မိမိရင်ဆိုင်နေရတဲ့
(အခြေအနေ၊ အချိန်အခါ၊ လိုအပ်ချက်တွေ) ကြောင့်လို့လည်း ပြောလို့ရပါသေးတယ်။
ကျွန်တော်တို့တတွေဟာ
ကတိဆိုတာကို မိမိဂုဏ်သိက္ခာနဲ့အတူ တွဲပြီးတော့ တန်ဖိုးထားကြပါတယ်။
ဒါဆိုရင်…
(သူ့ဘက်ကိုယ့်ဘက်) အကျဉ်းအကျပ် ကြုံရတာမျိုး လူတိုင်းရဲ့  ဘဝမှာ ရှိနိုင်ပါတယ်။
၁)
မိမိက မလွှဲသာမရှောင်သာ ကတိပေးခဲ့ပြီး အဲ့ဒီကတိကို ကိုယ်တိုင် ဖျက်လိုက်ရတယ်ဆိုရင်။
၂)
ကျွန်တော်တို့ ကိုယ်တိုင် တစ်စုံတစ်ယောက်ကို ရှေ့မတိုးနောက်မဆုတ်သာ
အခြေအနေမျိုး ရောက်အောင်ပို့ပေးပြီး ကတိကို ညှစ်ယူခဲ့တယ်ဆိုရင်။
၃)
အဲ့လိုအခြေအနေမျိုးမှာ ပေးခဲ့တဲ့ ကတိကို ဒီနေ့ ဖျက်လိုက်ရတဲ့အခါ
ကတိဖျက်သူဟာ တကယ်ပဲ ဂုဏ်သိက္ခာကျဆင်းသူ ဖြစ်သွားပါသလား?
၎)
အမှတ်စဉ် (၁ နဲ့ ၂ အရ)
ကတိတောင်းတဲ့သူနဲ့ ကတိပေးသူမှာ ဘယ်သူက ပိုပြီး ဂုဏ်သိက္ခာမဲ့ပါသလဲ?
ညီမျှခြင်း ချလို့ ရပါသလား?
(၅)
ဥပမာ။
နှစ်ဘက်မိဘတွေ သက်ရှိထင်ရှား ရှိစဉ်အခါမှာ သားသမီးချင်း သဘောတူထားပြီး
တစ်နေ့ကျရင် ပေးစားမယ်လို့ အပြန်အလှန် ကတိကဝတ်တွေ ပေးခဲ့တယ်ဆိုပါစို့။
မိဘတွေ ကွယ်လွန်သွားတဲ့အခါ မိဘတွေရဲ့ ကတိကို သားသမီးတွေက
ဖြည့်ဆည်းလိုက်နာပြီး ကတိတည်ကြရမှာလား?
အကယ်၍ မတော်တဆ တစ်စုံတစ်ယောက်က တစ်ခုလပ်ဖြစ်သွားခဲ့မယ်ဆိုရင်
အဲ့ဒီ တစ်ခုလပ်ကို ကတိတည်တဲ့အနေနဲ့ တစ်ဘက်အပျို၊ လူပျိုက အနစ်နာခံ လက်ထပ်သင့်ပါသလား?
(၆)
ကတိဖျက်သူဟာ ဂုဏ်သိက္ခာမဲ့သူဖြစ်တယ်လို့ တရားသေ ယူဆမယ့်အစား
တစ်ခါတရံမှာ အခြေအနေ၊ အကြောင်းအရာ အကြီးအသေးကို အခြေခံပြီး
မဖြစ်နိုင်တဲ့ ကတိမျိုးကို တောင်းခံတတ်သူကလည်း ဂုဏ်သိက္ခာမဲ့သူ မဖြစ်နိုင်ဘူးလား?
ကျွန်တော်တို့ သင်ခန်းစာ ယူနိုင်တာကတော့
-------------------------------------------------------
(က)
တစ်စုံတယောက်က ကတိမတည် ဖြစ်သွားတဲ့အခါ
အလျင်စလို အထင်မသေးလိုက်သင့်ဘူး။ ကတိမတည်ရတဲ့ အကြောင်းအရင်း (ခက်ခဲအဆင်မပြေမှု တစ်စုံတရာ) ကို လေ့လာသင့်တယ်။
အကယ်၍ မိမိကိုယ်တိုင် ကျေနပ်နိုင်မယ်လို့ သေချာရင် (ကတိ+အကြောင်းအရာ)
ကျေအေးပေးသင့်တယ်။
(ခ)
မိမိကိုယ်တိုင် တစ်ဘက်သားကို ကတိပေးရတဲ့အခါမှာ မိမိအပြင် မိမိမျိုးဆက်ကပါ
အဲ့ဒီ ကတိအကြွေးကို ဆက်ခံရစေနိုင်တဲ့ ကတိမျိုးကို ရှောင်သင့်ပါတယ်။
ကတိတစ်ခုပေးလိုက်လို့ ရလာမယ့် လွယ်ကူချောမွေ့မှုထက် ကတိမပေးဘဲ
ကိုယ်တိုင်ရုန်းကန် ရင်ဆိုင်လို့ အဆင်ပြေမယ်ဆိုရင် ကတိပေးတာကို မလုပ်တာ ပိုကောင်းပါတယ်။ ကတိဆိုတာ ဂုဏ်သိက္ခာနဲ့ တိုက်ရိုက်ပက်သက်တဲ့အတွက်
မိမိရဲ့ ဂုဏ်သိက္ခာကျဆင်းမှုဟာ မိမိရဲ့ မျိုးဆက်ကိုပါ သက်ရောက်စေနိုင်ပါတယ်။
ကတိပေးပြီးလို့ အဲဒီကတိကို မတည်နိုင်ဘူးလို့ ယူဆရင်…
အနည်းဆုံးတော့ တစ်ဘက်လူက အထင်အမြင်မမှားခင် မိမိက ကြိုပြီး အသိပေးသင့်ပါတယ်။
လိုအပ်ရင် ခွင့်လွှတ်ကြေအေးပေးဖို့ တောင်းဆိုသင့်ပါတယ်။
------------------၀၀၀---------------------၀၀၀----------------------------
ကျွန်တော် တွေးမိသည်များကို တင်ပြထားခြင်း ဖြစ်ပါသည်။
ယတိပြတ် မှန်ပါသည်ဟု ခံယူထားခြင်း လုံးဝ မရှိပါ။
အမှန်တကယ်တွင်တော့ စာဖတ်သူရဲ့ အမြင်အယူအဆများကို ကြားနာလိုခြင်း ဖြစ်ပါသည်။
စာဖတ်သူ၏ မတူညီသောရှုထောင့်မှ မတူညီသောအယူအဆများကို မျှော်လင့်လျက်။
----------------------
အိမ်ဝေးသူ(KZ)
----------------------

ကတိ

ကတိဆိုတာ
တစ်သက်မှာ…တစ်ခါပေးရုံနဲ့ လုံလောက်တယ်။

ပေးပြီးသားကတိ အတွက်
ဒုတိယအကြိမ်မြောက် ရှင်းပြစရာ မလိုဘူး။
အဲဒီ ကတိကို
ထပ်ခါထပ်ခါ ပေးပြီး
ကတိတည်သူဖြစ်ကြောင်း သက်သေထူစရာမလိုဘူး။
အကယ်၍
တစ်စုံတစ်ယောက်က
သူ…ကတိတည်တတ်ကြောင်း
ဒုတိယအကြိမ်အဖြစ် ထပ်ဆင့်ကတိပေးလာခဲ့ရင်တော့….။
---------------------
အိမ်ဝေးသူ(KZ)
---------------------

ရလာဒ်

တစ်ခါတုန်းက
သူမ…ကျွန်တော့်ကို မေးခဲ့ဖူးတယ်
“ကျွန်မအတွက် မောင်…သေရဲသလား” တဲ့ ။

တစ်ခါတုန်းက
ကျွန်တော်...သူမကို ကတိပေးခဲ့ဖူးတယ်
“မောင်
သေဖို့ထက် ရှင်သန်ရဲအောင် မင်းနဲ့အတူ ကြိုးစားမယ်” ။
တစ်ခါတုန်းက
ရိုးသားခြင်း သစ်တစ်ပင်
ကျွန်တော်…ပျိုးထောင်ခဲ့ဖူးတယ် ။
ဒီနေ့
သစ်ပင်ငယ်ကပေးတဲ့
ကြည်နူးခြင်း အကိုင်းအလက်တွေ
ဘဝနှစ်ခုစာ ဖြိုးဖြိုးဖြိုက်ဖြိုက်ဝေတယ် ။
--------------------
အိမ်ဝေးသူ(KZ)
--------------------

ပြသနာကို ရင်ဆိုင်ဖြေရှင်းရာဝယ်

 

                                                                             အိမ်ဝေးသူ(KZ)

"(ဘာ)ကုတ်၊ (ဘာ)ကုတ်"

ဒီနေ့ ---
အင်တာဗျူးတစ်ခုသွားရင်း
(မျက်စိရှေ့ တိုက်တိုက်ဆိုင်ဆိုင် မြင်ခဲ့ရတဲ့ အဖြစ်အပျက် တစ်ခုကြောင့်)
ကျွန်တော်တို့ မြန်မာလူမျိုးတွေ
အပြောများတဲ့ စကားလေး တစ်ခွန်းရဲ့  အဓိပ္ပါယ်ကို
စဉ်းစားမိပြီး ပြုံးမိတယ်။ ပြီးတော့မရေမရာလည်း ဖြစ်သွားတယ်။

စကားလေးက....
"--င်ကုတ် ခေါင်းကုတ်" တဲ့။
ဘာလို့....ကုတ်တာလဲ ဆိုတာကို ဆက်စပ်တွေးကြည့်တော့လည်း
- လုပ်စရာ မရှိလို့ ကုတ်တာလည်း ဖြစ်နိုင်တယ်။
- ပျာယာခတ်ပြီး ဘာလုပ်ရမှန်း မသိလို့ ကုတ်နိုင်တာလည်း ဖြစ်နိုင်တယ်။
- တစ်ခုခုကို ယောင်စိန်လုပ်ရင်း အမှတ်မထင် ကုတ်မိတာလဲ ဖြစ်နိုင်တယ်။
ဘယ်လိုကြောင့် ကုတ်သည် ဖြစ်စေ....။
အဲ့ဒီ ကုတ်တဲ့ နေရာနှစ်ခုက တော်တော်လေး အလှမ်းဝေးတာကို သတိထားမိတယ်။
"ခေါင်းကုတ်၊ နားရွက်ကုတ်"
"ခေါင်းကုတ်၊ ပခုံးကုတ်"
"ခေါင်းကုတ်၊ လက်မောင်းကုတ်"
ဆိုရင်လည်း တော်သေးတယ်။
တစ်ခုနဲ့တစ်ခု နီးစပ်မှုလည်း ရှိပြီးတော့
ပိုပြီးတော့လည်း ကုတ်ရတာလွယ်တယ်လို့ လည်း ထင်မိတယ်။
တော်တော်ဝေးတဲ့ နေရာနှစ်ခုကို ကုတ်နိုင်တာရယ်...
"ခေါင်းကုတ်၊--င်ကုတ်" လည်း မဟုတ်ဘဲ အစီအစဉ် စနစ်တကျကြီးကို
ဘာလို့များ အောက်ဘက်ကို ကုတ်ပြီးမှ အပေါ်ဘက်ကို သွားတာလဲ
ဆိုပြီးတော့လည်း တွေးမိပြန်တယ်။
တကယ်ဆို..ံHygiene သန့်ရှင်းရေး အရ..
အပေါ်ကို ကုတ်ပြီးမှ အောက်ကို ကုတ်သင့်တယ် လို့လည်း ထင်မိပြန်တယ်ဗျာ။
ဒါပေမယ့်....စကားကိုက....
"--င်ကုတ် ခေါင်းကုတ်"
ဆိုတော့လည်း ဖတ်ရတာလည်း တစ်မျိုးကြီးပဲဗျ။
ဒါနဲ့....စကားမစပ်
စုံစမ်းလေ့လာဖူးသူများနဲ့ ကိုယ်တိုင် မြင်ဖူးသူများ ရှိပါက
သရုပ်ဖော် အရေးအသားနဲ့ တင်ပြလို့ ရပါတယ်။
ပြီးတော့...အဲ့လို လုပ်နေတာကို
တစ်ယောက်ယောက်က လှမ်းကြည့်လို့ မျက်လုံးချင်းဆုံမိရင်....
ဘယ်လို တုန့်ပြန်မှု မျိုး ရတတ်ပါသလဲ ဆိုတာလေးလည်း
အဆင်ပြေရင် သိချင်ပါသေးတယ်။
အရှက်ပြေ ရယ်ပြသလား?
အကြည့်ချင်း လွှဲသွားသလား?
ပူထူပြီး နောက်တစ်ကြိမ် ထပ်ကုတ်သလား?
ယောက်ျားလေး ဦးရေ များသလား?
မိန်းကလေး ဦးရေ များသလား?
Procedure အစဉ်လိုက် ကုတ်တဲ့သူများသလား?
ဖြစ်သလို အစီအစဉ်မကျ ဘဲ ကုတ်တဲ့သူ များသလား?
ရေးကြီးခွင်ကျယ်...--င်ကုတ်၊ခေါင်းကုတ်အကြောင်း အချိန်ကုန်ခံပြီး
ရေးတယ်လို့လည်း မထင်စေချင်ပါ။
---------------------
အိမ်ဝေးသူ (KZ)
---------------------
မှတ်ချက်။
ဘာရယ်မဟုတ်ပါဘူး။
တစ်ခါတလေတော့လည်း ပေါ့ပေါ့ပါးပါး တွေးမိရင်း ရယ်မိတာလေးကို
စာဖတ်သူထံ မျှဝေတဲ့ သဘောပါ။

အစွန်း / အထင်း

“သေးငယ်လွန်းသော အစွန်းအထင်းတစ်ခုသည်

ကြီးကျယ်ခမ်းနားလွန်းသော သင့်ဘဝတစ်ခုလုံးကို

ထိခိုက်နစ်နာမှုများဖြင့် ပြည့်လျှံသွားအောင်… နှစ်မြှုပ်ပစ်နိုင်စွမ်းရှိသည်။”

အိမ်ဝေးသူ(KZ)


ကျွန်တော်သည် အပြစ်အနာအဆာ ကင်းစင်လွန်းသော လူသားတစ်ဦး မဟုတ်ပါ။
သို့သော်…ကျွန်တော်သည် အစွန်းအထင်းများကို ကြောက်ပါသည်။
သေးငယ်ပမွှားလွန်းသော အစွန်းအထင်းတစ်ခုခုကို ကျွန်တော် ကြောက်ပါသည်။
မြင်သာထင်သာလွန်းသော အစွန်းအထင်းတစ်ခုခုကိုလည်း ကျွန်တော် ကြောက်ပါသည်။

ကျွန်တော့် ဘဝနှင့်ချီသော အတွေ့အကြုံတစ်ခုကို စာဖတ်သူတို့အား မျှဝေပါမည်။

ကျွန်တော့်ဘဝ သက်တမ်းတစ်လျှောက် အရက်သေစာ သောက်စားမူးယစ်ခဲ့ခြင်း လုံးဝမရှိပါ။
ဘာသာတရား အဆုံးအမကြောင့် အရက်သည် တားမြစ်ကုန်စည်ဖြစ်ကြောင်း ကျွန်တော်
နားလည်ထားပါသည်။ အရက်သောက်လျှင် မူးတတ်ကြောင်း ကျွန်တော်သိထားသည်။
အရက်သောက်လျှင် မကောင်းမှုများ ကျူးလွန်တတ်ကြောင်း ကျွန်တော် မှတ်သားထားသည်။
ထို့ကြောင့် ထိုအရက်နှင့် အဝေးဆုံးမှာ ကျွန်တော် နေဖြစ်သည်။
လုပ်ငန်းသဘောအရကြောင့် ဖြစ်စေ၊ မိတ်ရင်းဆွေရင်းများက တိုက်တွန်း၍ ဖြစ်စေ၊
ကျွန်တော့်ထံပါးတွင် သတိနှင့် အသိ ရှိနေသရွေ့  ကျွန်တော် အရက်ခွက်ကို မကိုင်ခဲ့။
အရက်ကို လုံးဝမသောက်ခဲ့။

အရက်သောက်သည်ဆိုသော ကိစ္စတစ်ခုကြောင့် ကျွန်တော့်ဘဝကို
ဘယ်တော့မှ အစွန်းအထင်းမခံ။ အရက်သောက်ခြင်း၊ အရက်ကို ထိတွေ့ကိုင်တွယ်ခြင်းများကို
ရှောင်ကြဉ်သည့်အတွက် ကျွန်တော့်ဘက်က နစ်နာမှုအချို့ ရင်ဆိုင်ရသည်။

ဥပမာ။။

အလုပ်အကိုင် အခွင့်အရေးနှင့် ပက်သက်၍ နစ်နာရသည်။
နိုင်ငံခြား ရောက်ခါစက ဟိုတယ်အချို့ နှင့် စားသောက်ဆိုင် အချို့တွင်
လုပ်ခငွေကောင်းမွန်သော အခြေအနေများစွာကို ကြုံတွေ့ခဲ့ရသည်။ အခွင့်အရေးကောင်းဟု
ဆိုနိုင်သော်လည်း မိမိဆွဲကိုင်ထားသော အယူအဆကြောင့် ထိုငွေကြေး၊ ရာထူးဆိုင်ရာ
အခွင့်အရေးများကို ကျေကျေနပ်နပ် လက်လွှတ်ခဲ့သည်။

ဤနေရာတွင်

“သင်၏ ကုလားအုတ်ကိုလည်း ကြိုးဖြင့် တိုင်တွင်မြဲမြံစွာ ချည်နှောင်ပါလေ။
ထိုကုလားအုတ် မပျောက်မပျက် ရှိစေရန် ဘုရားသခင်ထံပါးတွင်လည်း ဆုပန်ပါလေ”

ဟူသော ဘာသာတရား အဆုံးအမတစ်ခုကို လေ့လာမှတ်သားဖူးခဲ့ပါသည်။
ကုလားအုတ်ကို ကြိုးဖြင့် တိုင်တွင် ချည်နှောင်ခြင်း မပြုဘဲ ဆုတောင်းရုံသက်သက်သည်
အချည်းအနှီးဖြစ်သည်။ ထို့အတူ ကုလားအုတ်ကို ချည်နှောင်ထားသော်လည်း ဆုတောင်းခြင်း
လုံးဝ ပြုစရမလိုဟု သတ်မှတ်ခြင်းသည်လည်း မပြည့်စုံဟု ဆိုလိုခြင်း ဖြစ်ပေသည်။

ကျွန်တော့်အနေဖြင့်...

“ငါ အရက်သောက်တာမှ မဟုတ်တာ၊
အရက်လာသောက်မယ့် Customers ကို ဧည့်ခံတာပဲ၊ ဘာဖြစ်မှာလဲ”

ဟူသော အတွေးမျိုး မရှိစေရ။ ကျွန်တော်သည် ထိုအစွန်းအထင်း တစ်ခုကို မကျူးလွန်ချင်သူ
အမှန်တကယ် ဖြစ်ပါက ကျွန်တော် ပထမဆုံး လုပ်ရမည့် အလုပ်မှာ

“ အရက်များနှင့် ဝေးရာမှာ နေခြင်း၊ အရက်ရှိသည့် နေရများနှင့် ဝေးရာမှာ နေခြင်း”

မဟုတ်ပါလား။ အရက် အလွယ်တကူ ရရှိနိုင်သည့် နေရာတွင် နေထိုင်ပြီး "ငါ လုံးဝ
အရက်မသောက်ဘူး"ဟု စိတ်ပိုင်းဖြတ် ထားသော်လည်း ထိုဆုံးဖြတ်ချက်သည်
မည်မျှ ခိုင်မာတည်တံ့နိုင်ပါမည်နည်း။ ပတ်ဝန်းကျင်က ကျွန်တော့်ကို တွန်းအားပေးလွန်းသည့်
တစ်နေ့တွင် ထိုအစွန်းအထင်းကို ကျွန်တော်ကိုယ်တိုင် ကျူးလွန်မိပေလိမ့်မည်။

အစွန်းအထင်းများသည် တစ်ခုနှင့်တစ်ခု ဆက်စပ်လျက်ရှိသည်။
အရက်သောက်ခြင်း ဟူသော အစွန်းအထင်း တစ်ခုသည်

သူတစ်ပါး သားပျိုသမီးပျိုများကို ဖျက်ဆီးခြင်း၊
သူတစ်ပါးအသက်အန္တရာယ်ကို ထိပါးရန်စခြင်း၊
မိမိကိုယ်ကိုယ် မထိန်းသိမ်းနိုင်ဘဲ အသက်ဘေးဖြင့် ကြုံစေနိုင်ခြင်း


စသည့် ဆင့်ကဲအစွန်းအထင်းများစွာနှင့် ဆက်စပ်လျက်ရှိသည်။
ကျွန်တော် အရက်မသောက်သော်လည်း အရက်ဆိုင်မှာ အလုပ်လုပ်မည်ဆိုပါက အချိန်ကာလ
ကြာမြင့်သောအခါ ပတ်ဝန်းကျင်၏ တွန်းပို့မှုကြောင့် ကျွန်တော် အရက်သောက်တတ်လာမည်။
တစ်လမှာ အရက်တစ်ခွက်၊ တစ်ပတ်မှာ အရက်တစ်ခွက်၊ နေ့စဉ် အရက်တစ်ခွက် အစရှိသဖြင့်
တစ်ဖြည်းဖြည်း မိမိကိုယ်ကို တစ်ဆင့်စီ လျှော့ချပစ်လိုက်မိမည်။

အရက်ကိုပါ တွဲရောင်းသည့် စားသောက်ဆိုင်တွင်ပင် အလုပ်မလုပ်နိုင်ဟု သတ်မှတ်ထားခဲ့သည့်အတွက်
ထိုခိုင်မာသော စိတ်ဓာတ်က ကျွန်တော့်ကို အရက်မှ ကင်းဝေးအောင် ထိန်းသိမ်းသည်။ အကယ်၍
ကျွန်တော်သာအလွယ်လမ်းကိုလိုက်၍ အရက်ဆိုင်တွင် တစ်လမျှ အလုပ်လုပ်ခဲ့ဖူးသူဖြစ်လျှင်
အလုပ်အကိုင် အကျပ်အတည်းဖြင့် ကြုံတွေ့လာပါက

“ အရင်တုန်းက ငါ... ဒီအလုပ်ကို လုပ်ခဲ့သေးတာပဲ၊ ဒီတစ်ခါလေး လုပ်တော့လည်း ဘာဖြစ်သွားမှာလဲ”

ဟူသော စိတ်က အနိုင်ယူပေလိမ့်မည်။

မိမိဘဝတွင် အစွန်းအထင်း တစ်ခုမျှ မရှိစေလိုလျှင် မိမိကိုယ်တိုင် ထိုအရာကို ရွံရှာတတ်ရမည်။
ထိုအစွန်းအထင်းမျိုးနှင့် ဝေးကွာစွာနေရမည်။ “တစ်ခါလောက်တော့ စမ်းကြည့်တာပေါ့” ဟူသော
စူးစမ်းစိတ်မျိုးကို ရှောင်ကြဉ်ရမည်။ အစွန်းအထင်းတစ်ခု ရှိနေပြီဆိုပါက
နောက်ထပ်အစွန်းအထင်းတစ်ခု မိမိဘဝထဲသို့ ဝင်ရောက်ဖို့ လွယ်ကူသည်။
အစွန်းအထင်းများစွာဖြင့် ပြည့်နှက်လာပြီဆိုပါက မိမိဘဝ လူလုံးမလှ ဖြစ်ရပေလိမ့်မည်။

နိဂုံးချုပ်ပါမည်။

အစွန်းတစ်ခုသည်
သေးငယ်သည် ဖြစ်စေ၊ ကြီးမားသည် ဖြစ်စေ
အများအမြင်၌ မတင့်တယ်ဘဲ အထင်းသား ဖြစ်နေပေလိမ့်မည်။

အိမ်ဝေးသူ(KZ)


ဝန်ခံချက်။
{အရက်သောက်ခြင်းဟူသော အစွန်းအထင်း} ကို ဖော်ပြခြင်းမှာ မြင်လွယ်သော
ဥပမာတစ်ခု ပေးခဲ့ခြင်းသာ ဖြစ်ပါသည်။ အကြောင်းအမျိုးမျိုးကြောင့် ယမကာကို
သုံးစွဲနေရသူများကို နစ်နာစေလိုသောစိတ်ဖြင့် တင်ပြခဲ့ခြင်း အလျဉ်းမဟုတ်ပါကြောင်း။

မှားကြပါ (သို့သော်) ထိုအမှားကို မကျူးလွန်ခင် ကြောက်စိတ်မွေးမြူပါ

“A collection of Small things will change the entire world in a day”
ကြီးမားသောအမှားကို မကျူးလွန်ခင် သေးနုပ်သောအမှားများအား
မကျူးလွန်မိအောင် ကျွန်တော်တို့ ဦးစွာကြိုးပမ်းရမည်ဖြစ်သည်။ မှားယွင်းစွာ ဆုံးဖြတ်ချက်ချတတ်ခြင်း၊ အလျင်စလို ဆုံးဖြတ်တုံ့ပြန်တတ်ခြင်းများကို
သေးငယ်နုံချာလွန်းသော အစွန်းအထင်းများအဖြစ် ယူဆနိုင်ပါသည်။
သို့သော်
-ဆိုက်ကားသမားတစ်ယောက်၏ အလျင်စလို ဆုံးဖြတ်ခြင်းသည်
အများဆုံး လူ(၄) ယောက်ကို ထိခိုက်နိုင်သော်လည်း
-လေယာဉ်ပိုင်းလော့ထ် တစ်ဦး၏ အလျင်စလို ဆုံးဖြတ်မှုကမူ ရာချီသောလူတို့၏ အသက်အန္တရာယ်များကို ထိပါးစေနိုင်သည်။တူညီသော အစွန်းအထင်းတစ်ခုကပင်
မတူညီသော ရလာဒ်များကို ပေးနိုင်စွမ်းသည်ကို မြင်သာထင်သာ ရှိပါသည်။
သမိုင်းကို သမင်လည်ပြန်ကြည့်ပါက..
-ဂျပန်ကို အနုမြူဗုံးကြဲချရန် ခွင့်ပြုခဲ့သည့် ခေါင်းဆောင်
( မည်သူပင်ဖြစ်စေ၊ မည်သည့်အကြောင်းပြချက်ကြောင့် ဖြစ်စေ) နှင့်၊
ကိုယ်တိုင်လေယာဉ်ကို မောင်းနှင်ပြီး (အမိန့်ကိုနာခံခြင်းတစ်ခုတည်းဖြင့်)
ဟီရိုးရှီးမားကို အနုမြူဗုံးကြဲခဲ့သည့် လေယာဉ်ပိုင်းလော့ထ် တို့၏
အစွန်းအထင်းသည် သူတို့ကိုယ်တိုင်က သေးငယ်သော အစွန်းအထင်းများဟု
မိမိကိုယ်ကို သတ်မှတ် မည်ဖြစ်သော်လည်း ကမ္ဘာသူ၊ကမ္ဘာသားတို့ကမူ
ဖျောက်ဖျက်၍မရသော အစွန်းအထင်းများအဖြစ် အမြဲအမှတ်တရ ဖြစ်နေကြရသည်။
စာဖတ်သူ ပစ္စည်းတစ်ခုကို ဝယ်ယူသောအခါ
လိုချင်သည့် လျှော့ဈေး (Discount) သည် ပမာဏ အများကြီးဖြစ်ပါသလား၊
သေးငယ်လွန်းသော ပမာဏ ဖြစ်ပါသလား?
သေချာသည်မှာ ကျွန်တော်တို့၏ အသိစိတ်နှင့် မသိစိတ်တွင်
သေးငယ်လွန်းသည်တို့က ကြီးကျယ်သော အပြောင်းအလဲများကို ဖြစ်ပေါ်စေကြောင်း တိုက်ရိုက်ဖြစ်စေ၊ သွယ်ဝိုက်၍ ဖြစ်စေ လက်ခံထားကြပြီး ဖြစ်သည်။
လူသားသည် အမှားအယွင်းများဖြင့် ပျော်ပိုက်တတ်သော သတ္တဝါဖြစ်ကြောင်း
ကျွန်တော် ခြွင်းချက်မရှိ လက်ခံပါသည်။
သို့သော်…အမှားတွင်
ပြင်ဆင်ခွင့် ရှိသောအမှား (မှားနိုင်၏)
ပြင်ဆင်ခွင့် မရှိသောအမှား (မမှားသင့်၊အလျော်အစားကြီး၏)
ဟူ၍ အမှား နှစ်မျိုး ရှိကြောင်း မှတ်မှတ်ရရ သတိပြုရမည်ဖြစ်သည်။
ကမ္ဘာဦးဖခင်ကြီး အာဒမ်သည် “မစားရ” ဟူသော အသီးကို ကနဦးအစတွင်
မျက်စောင်းပင် မထိုးခဲ့။ “စားမည်” ဟူသော အမှားမျိုးကို လုံးဝ ကျူးလွန်ခဲ့ခြင်း မပြုခဲ့။
သို့သော် ပတ်ဝန်းကျင်တွန်းအားဖြစ်သော မိခင်ကြီးဟာဝါ (စေတန်၏ သွေးဆောင်လှည့်ဖြားခြင်းကိုခံရသူ) ၏ အကြိမ်ကြိမ်တိုက်တွန်းမှုကြောင့်
“မစား” ခြင်းမှ “စားမည်” ဟု လုံးဝ ပြောင်းလဲသွားခဲ့သည်။ အဆုံးတွင် ကိုယ်ထိလက်ရောက် စားသုံးမိသည် အထိဖြစ်ပြီး ထိုမှားယွင်းခြင်း၏ အကျိုးဆက်ကို နှစ်ဦးစလုံး ခံစားခဲ့ရသည်။ သို့သော် အမှားကို သိသူပီပီ ထိုအမှားမှ ကင်းလွတ်ခွင့်ရစေကြောင်း နှစ်ပေါင်းများစွာ ငိုကြွေးဆုပန်ခဲ့သည်။
သို့ဆိုလျှင်…
ကျွန်တော်တို့၏ ခေတ်သမယတွင်
အမှားကျူးလွန်ရန် (သေး/ကြီး) ကြောက်ရွံစိုးရိမ်သူ အဘယ်မျှ ရှိပါသနည်း။
အမှားကျူးလွန်ပြီးလျှင် ဝန်ချတောင်းပန်ပြီး ထိုအမှားနှင့်အဝေးဆုံးနေရာတွင်နေသည့်သူ
အဘယ်မျှ ရှိပါသနည်း။
ဦးသန်းရွှေသည် အလွန်ကောင်းမွန်သည့် လူသူတော်ကောင်းတစ်ဦးဖြစ်သည်ဟု
ဆိုလျှင်ပင်(တကယ်ကောင်းသည်ဟု မဆိုလို) သူ၏
ဇနီးဖြစ်သူ၏ မတော်လောဘကြောင့် မြန်မာပြည်သူသန်း၆၀ကျော်၏ ဘဝများစွာကို
လျစ်လျူ ရှု နိုင်စွမ်း ရှိလာနိုင်သည်မဟုတ်ပါလား။ တစ်ဦးတစ်ယောက်အတွက်၊ မိသားစုတစ်စုအတွက် လူ့အသက်ပေါင်းများစွာ ကိုလည်း ချနင်းနိုင်စွမ်းရှိလာသည်ကို သံသယရှိပါသလော။
ဂျူးလူမျိုး တစ်ယောက်က အစ္စလာမ်ဘာသာဝင် တစ်ဦးကို မုန်းခြင်းက
အစွန်းအထင်း ကြီးကြီး မဟုတ်။
သို့သော်….အစွန်းရောက် ဂျူးဝန်ကြီးတစ်ဦးက မွတ်စလင်များကိုမုန်းသည်ဆိုလျှင်မူ
အလျော်အစား ကြီးမားလွန်းပါသည်။
ထို့ပြင် အစွန်းအထင်း၊ အမှားအယွင်းများသည် မြင်သာထင်ရှားစွာ ရှိနေတတ်သလို၊
ပုန်းလျှိုးကွယ်လျှိုးလည်း ရှိနေတတ်သည်။
အလွယ်တကူယုံတတ်ခြင်း၊ ကြောက်တတ်လွန်းခြင်း၊
ဒေါသကြီးခြင်း၊ ကုန်းချောတတ်ခြင်း၊ ရက်စက်ကြမ်းကြုတ်တတ်ခြင်း စသည်တို့သည် တွဲဖက်မကောင်းမှု တစ်ခုခုဖြင့် ပေါင်းစပ်လိုက်ပါက ကြီးမားသော အစွန်းအထင်းမျိုးကို ဖြစ်ပေါ်စေနိုင်သည်။
ဥပမာ…။
ရက်စက်တတ်သူ တစ်ဦးက အရက်သောက်တတ်ခြင်းနှင့် တွဲလိုက်လျှင်?
အမုန်းတရားကြီးသူ တစ်ယောက်က နိုင်ငံ့ထိပ်သီးတာဝန်ကို ထမ်းဆောင်မည် ဆိုလျှင်?
ကောင်းကျိုးဆိုးကျိုးကို စာဖတ်သူ သိနှင့်ပြီး ဖြစ်ပါသည်။
လူသည် အမှားများနှင့် ကင်းစင်နေသည်ဟု ဆိုလိုခြင်းမဟုတ်။
ကျွန်တော် ရှင်းရှင်းလင်းလင်း ပြောလိုသည်မှာ…
အမှားတစ်ခုကို ကျူးလွန်ရန် တွန်းပို့တတ်သော မိမိစိတ်နှင့် ပတ်ဝန်းကျင်တွန်းအားကို
တွန်းလှန်ခုခံဖို့ ဖြစ်သည်။ တနည်းအားဖြင့် အမှားမကျူးလွန်ခင် ဖြစ်တတ်သော
“ကြောက်စိတ်” ကို မွေးမြူ စေလိုခြင်းဖြစ်သည်။
နိဂုံးချုပ်အားဖြင့်။
လူသည် မှားခွင့် ရှိသည်။
အမှားမှ သင်ခန်းစာ ယူခွင့် ရှိသည်။
သို့သော် အချို့ သင်ခန်းစာတို့ကို ရရှိရန် ပေးဆပ်လိုက်ရသော ရင်းနှီးမြှုပ်နှံမှုသည်
တန်ဖိုးကြီးမားလွန်းတတ်ကြောင်း သတိပြုရမည်။ ပြင်ဆင်ခွင့် ရှိသော အမှားများမှ
သင်ခန်းစာ ယူပြီး ပြင်ဆင်ခွင့်မရှိသော အမှားများကို ရှောင်နိုင်သမျှ ရှောင်သင့်သည်။
ထို့ပြင် အမှားများသည် အမှန်ကဲ့သို့ ဟန်ဆောင်၍ ကျွန်တော်တို့ လူဘောင်လောကတွင်
ကျင်လည်ကျက်စားလျက် ရှိသည်။ သတိထားကာမှ တော်ရုံကျမည်ဟု ယူဆပါသည်။
နောက်ဆုံးပြောချင်ပါသည်။
လူတိုင်း မှားနိုင်ပါသည်။
သို့သော် ထိုအမှားကို ကျူးလွန်ရန်လည်း ကြောက်တတ်စေချင်ပါသည်။
အမှား၏ ရလာဒ်ကိုလည်း ထည့်သွင်းစဉ်းစားစေချင်ပါသည်။
အားလုံးစဉ်းစားသုံးသပ်ပြီးဖြစ်ပါက (မှားမည်၊ မမှားတော့ပါ) သင်ကိုယ်တိုင်ဆုံးဖြတ်ချက်ကို
ရဲဝံ့စွာ ချလိုက်နိုင်ပြီဖြစ်ပါသည်။
---------------------
အိမ်ဝေးသူ(KZ)
---------------------

ခင်ဗျားသည် ရဲပတောင်းခတ်နေသော အနီရောင်စစ်စစ် ဖြစ်သည်

(၁)
အဝါရောင် (၁၀) ခု ရှိသည်။
၎င်းတို့သည် သူတို့ အဝါရောင် ဖြစ်ကြောင်း သက်သေထူကြသည်။
ဝါချင်တိုင်း ဝါကြပါသည်။ ဝါထိန်နေဖို့သာ သူတို့ ကြိုးစားကြသည်။
အဝါရောင် (၁၀)ခုထဲတွင် သမ္ဘာအနိမ့်အမြင့်အရ အနုအရင့်တော့ ခြားနားကြသည်။
အနုအရင့်ကွာခြားသည်မှလွဲ၍ အခြားသောအရောင်ကွဲများအဖြစ် သူတို့ စိတ်မဝင်စားကြ။
သူတို့ ဘယ်တော့မှ ပြောင်းလဲလိုခြင်း အလျင်းမရှိကြ။
အဝါရောင် ဖြစ်သည့်အတွက်၊ အဝါရောင်လို ကျင့်ကြသည်။
အဝါရောင် ဖြစ်သည့်အတွက် အဝါရောင်တို့ တကယ် ဝမ်းမြောက်ကြပါသည်။
(၂)
အဝါရောင်တို့ လှုပ်လှုပ်ရွရွ ဖြစ်နေကြပြီ။
အကြောင်းရင်းက အနီရောင်တစ်ခု သူတို့အကြား ရောက်ရှိလာခြင်းကြောင့် ဖြစ်သည်။
ဒီကောင် ဘာကောင်တုန်း ဟူသော အကြည့်ဖြင့် သူတို့ဝိုင်းဝန်း စူးစမ်းကြသည်။
ဘယ်လိုကြည့်ကြည့် သူတို့နှင့် အရောင်အသွေး မတူကြောင်း ဆုံးဖြတ်လိုက်ကြသည်။
အနီရောင်သည် အဝါရောင်ကြားတွင် ဝင်ဆန့်ချင်သည်။ ကူးလူးဆက်ဆံလိုသည်။
(၃)
အနီရောင်။
သူပျာတီးပျာယာ ဖြစ်နေသည်။
အဝါရောင်တို့ကြားမှာ သူ…နီလုံးမလှ ဖြစ်နေရှာသည်။
အနီရောင် ဖြစ်ရတာကို သိမ်ငယ်သလို ခံစားရသည်။
အနီရောင်၏ အလှအပကို သူလျစ်လျူရှုချင်လာသည်။
သူ့ကိုယ်သူ အဝါရောင်အဖြစ် ပြောင်းလဲပစ်ချင်စိတ်တွေ ဖြစ်နေသည်။
အဝါရောင်တို့၏ မတူမတန်သလို အကြည့်များထဲတွင် သူ ခံရခက်သည်။
သူ့ကိုသူ တဖြည်းဖြည်း အရောင် ဖျော့ကြည့်မည်။
အချိန်ကာလတစ်ခု လွန်မြောက်ပြီးလျှင်တော့ နီရာမှ ဖျော့၊ ဖျော့ရာမှ ဝါထိန်လာမည်ဟု
သူ ယုံကြည်သည်။
သူ…အနီရောင်လို မနေတော့။
ရဲပတောင်းခတ်နေသည့် သူ့အလှကို သူ ပျက်ရယ်ပြုရင်း…
အဆုံးတစ်နေ့တွင်တော့
သူသည်… ဝါလည်း မဝါ၊ နီလည်း မနီသော
တတိယမြောက် အရောင်တစ်ခု ဖြစ်သည့် လိမ္မော်ရောင် ဖြစ်လာတော့သည်။
(၄)
(လူ့ဘောင်လောက)
အနီရောင်လို ရဲရဲတောက် နေရသည်ကို သိမ်ငယ်သူမျိုးကို ခင်ဗျား မြင်ဖူးမည် ဖြစ်သလို
အဝါရောင်လို အုပ်လိုက်သင်းလိုက် ဝါထိန်ချင်သူတွေ ရှိကြောင်း ခင်ဗျား သတိပြုမိပါလိမ့်မည်။
ခင်ဗျား...အနီရောင် ဖြစ်ပါသလား?
သို့ဆိုလျှင်…ခင်ဗျားကို လိမ္မော်ရောင် ဖြစ်ခဲ့ဖူးသည့် ကျွန်တော်က အကြံပေးချင်ပါသည်။
ခင်ဗျား အနီရောင် ဖြစ်သည့်အတွက် အနီရောင် ဖြစ်အောင်သာ ကြိုးစားပါ။
အဝါရောင်များကြားမှာ ဦးမညွတ်ပါနှင့်။
အချိန်ကာလ ဘယ်လောက်ကြာကြာ ခင်ဗျားကို အသိအမှတ်ပြုလိမ့်မည်ဟု မယူဆပါနှင့်။
အနီရောင် ဖြစ်ရသည့်အတွက် ဘယ်တော့မှ မသိမ်ငယ်ပါနှင့်။
တစ်ချိန်တည်းမှာ ခင်ဗျား၏ အနီရောင်ကို မြှင့်တင်နိုင်သမျှ မြှင့်တင်ပစ်လိုက်ပါ။
နီရဲတတ်လာသည်နှင့်အမျှ တစ်နေ့နေ့တွင် အဝါရောင်တို့ ခင်ဗျားကို အသိအမှတ် ပြုလာလိမ့်မည်။
တိတိကျကျ ပြောရလျှင် သူတို့ ခင်ဗျားကို ဦးညွတ်အလေးပြုလာကြလိမ့်မည်။
ကတယ်တော့ ခင်ဗျားသည် သူတို့နှင့် မတူသော အမှတ်စဉ် (၁၁) မြောက် အနီရောင်ရဲရဲ
ဖြစ်နေသည် မဟုတ်ပါလား?
တတိယမြောက် လိမ္မော်ရောင် ဖြစ်ခြင်းသည် အနီရောင် ဖြစ်ခြင်းနှင့် အတူတူပင်ဖြစ်သည်။
အဝါရောင်များအကြား၌ အချိန်ကာလ ကြာမြင့်စွာ သိမ်ငယ်ရိုကျိုးပြီးဖြစ်လာသည့် လိမ္မော်ရောင်
နှင့် နှိုင်းယှဉ်လျှင် မူလလက်ဟောင်း အနီရောင်သည် ဂုဏ်သိက္ခာကြီးမားလွန်းပါသည်။
တစ်ခုတော့ ရှိသည်။ ခင်ဗျား ရဲပတောင်းခတ်တတ်ဖို့တော့ လိုသည်။
ခင်ဗျားသည် အဝါရောင် မဟုတ်သော အနီရောင် ဖြစ်သည်။
အဝါရောင်နှင့် ကွဲပြားခြင်းအတွက် ခင်ဗျား ဂုဏ်ယူမည်လား?
အနီရောင် ဖြစ်ခြင်းအတွက် ခင်ဗျား သိမ်ငယ်နေမည်လား?
ခင်ဗျားမှာ အပြည့်အဝ ရွေးချယ်ခွင့် ရှိပါသည်။
ခင်ဗျားသည် မူလလက်ဟောင်း အနီရောင်စစ်စစ် ဖြစ်ပါသည်။
နိဂုံးချုပ်ပါမည်။
ခင်ဗျား တတိယမြောက် လိမ္မော်ရောင် ဖြစ်လာမည်ကို
တစ်ခါတုန်းက လိမ္မော်ရောင်ဖြစ်ခဲ့ဖူးသော ကျွန်တော်.. လွန်စွာစိုးရိမ်မိပါသည်။
မှတ်ချက်။
အရောင်များဖြင့် ရှုပ်ထွေးမနေစေချင်ပါ။
------------------
အိမ်ဝေးသူ(KZ)
------------------

မျက်ရည်

သင်...
သူတစ်ပါးကို
ကြိမ်ဖန်များစွာ မျက်ရည် ကျစေတတ်သူ ဖြစ်ပါသလား?

သို့ဆိုလျှင်
အမြန်ဆုံး ရပ်တန်းက ရပ်လိုက်ပါ။
တစ်ခါတရံ
မျက်ရည်သည်
ကျိန်စာ၏ အကိုင်းအလက် တစ်ခု ဖြစ်သည်။
အထူးသဖြင့်။
မိန်းမသား တစ်ဦး၏ မျက်ရည်အား သတိထားပါ။
---------------------
အိမ်ဝေးသူ(KZ)
---------------------

ကြမ္မာ

သူ..
ငါ့ကို
အပျင်းပြေ (လိုက်)တယ်။

ငါ…
သူ့ဆီက
အစွမ်းကုန် (ပြေး)တယ်။
ပြေးသူ၊ လိုက်သူ
ထိပ်တိုက်ရင်ဆိုင်ပွဲက အလျော်အစား (ကြီး)တယ်။
တစ်ခါတလေတော့လည်း
လွဲလွဲလေးပဲ (ကောင်း)ပါတယ်။
--------------------
အိမ်ဝေးသူ(KZ)
--------------------
မှတ်ချက်။
မတူသော အမြင်များ၊ အယူအဆများအား ကြိုဆိုလျက်။

မဲ့ပြုံး

ကျွန်တော် ပြုံးတယ်
ခင်ဗျား ပြုံးပြတယ်။

ကျွန်တော် ရယ်တယ်
ခင်ဗျား ရယ်ပြတယ်။
ကျွန်တော် တသောသော ရယ်တယ်
ခင်ဗျား တသောသော ရယ်ပြတယ်။
ကျွန်တော် ခွက်ထိုးခွက်လန် ရယ်တယ်
ခင်ဗျား ခွက်ထိုးခွက်လန် ရယ်ပြတယ်။
ကျွန်တော် အရယ်ရပ်လိုက်တယ်
ကျွန်တော် မဲ့ လိုက်တယ်
ပြီးတော့…
ကျွန်တော် နှစ်နှစ်ခြိုက်ခြိုက် ပြုံးတယ်။
ဆိုလိုရင်းတွေ ပြန့်ကျဲသွားတယ်
နားလည်မှုတွေ ကွင်းဆက်ပြတ်သွားတယ်
ကန့်လန့်ကာ တစ်ခု ကျလာတယ်။
နောက်ဆုံးတော့…
ပွဲစဉ် အသစ်တစ်ခု ဖြစ်သွားတယ်။
ရလာဒ်…?
ခင်ဗျား…ပိုသိတယ် ။။။
---------------------
အိမ်ဝေးသူ(KZ)
---------------------

တစ်ကိုယ်စာ သာတဲ့ စူပါမွန်း

ကိုယ့်တံတောင်ဆစ်ကို
လိပ်တစ်ကောင်လို
ကိုယ့်ဘက်ပါအောင် ဆွဲစိပစ်လိုက်တယ်။

လက်ညှိုးနဲ့ လက်မကို
မျက်ဝန်းတစ်ညွတ်စာကွေးပြီး
အကြည့်တွေကို လိုသလို ဘောင်ချဲ့ ကြည့်လိုက်တော့
လူသားတို့ရဲ့  အမှတ်တရ ခရီးသည်ကြီး…စူပါမွန်းတဲ့။
အလွမ်းတွေကို စိတ်လိုလက်ရ ဆွဲဆန့်လိုက်တယ်
အတိတ်နဲ့ ပစ္စုပ္ပန်ကို စိတ်တစ်ကြိုက်စာကွေးပြီး
အလင်းဖြာကျခဲ့ဖူးတဲ့ နှလုံးသားချောင်းကြည့်ပေါက်က တဆင့်
စိတ်တဝပ်စာ ခိုးကြည့်လိုက်တော့
လပြည့်၊ လဆုတ် မရှိခဲ့ဖူးတဲ့ သူမ...မျက်နှာဝိုင်းလေး။
တကယ်တော့လည်း
ဖျော့တော့တဲ့ ကျွန်တော့်ကောင်းကင်မှာ
တစ်ကိုယ်စာ စူပါမွန်းတစ်စင်း တည်တံ့ခဲ့တာ အတော်ကြာခဲ့ပေါ့...။
--------------------
အိမ်ဝေးသူ(KZ)
--------------------

ကဗျာဆိုတာ

သီးခြားခြင်း၊
---------------စုဝေးခြင်း။

တွယ်တာခြင်း၊
------------------စွန့်ခွာခြင်း။
ပျော်ရွှင်ခြင်း၊
----------------ကြေကွဲခြင်း။
ဝေဝါးခြင်း၊
--------------ပြတ်သားခြင်း။
ကျရှုံးခြင်း၊
-------------အောင်မြင်ခြင်း။
ပူလောင်ခြင်း၊
------------------အေးမြခြင်း။
ခက်ထန်ခြင်း၊
-----------------သိမ်မွေ့ခြင်း။
ဆန့်ကျင်ခြင်း၊
-----------------ညီညွတ်ခြင်း။
မြတ်နိုးခြင်း၊
---------------မုန်းတီးခြင်း။
(ကျား)ဆန်ခြင်း၊
--------------------(မ)ဆန်ခြင်း။။။
#########################
အသိပေးခြင်း။။။
ယခု(ကဗျာဆိုတာ)သည်
ယခင်(ကဗျာ) ဟူသော ကဗျာ၏ ရှင်းလင်းချက်အဖြစ် သတ်မှတ်စေချင်ပါသည်။
ကဗျာတစ်ပုဒ်တွင် ပါဝင်တတ်သော ခံစားမှုတို့ကို
မည်သူ၏ လောင်းရိပ်မျှ ပါဝင်ပေါင်းစပ်ထားခြင်းမရှိသော
မိမိတစ်ဦးတည်း၏ အမြင်ဖြင့် တင်ပြထားပါသည်။
အယူအဆမတူလျှင် ဝမ်းမြောက်ကျေနပ်စွာဖြင့်သာ ကျော်သွားကြပါကုန်။
လိုအပ်သည်များရှိခဲ့ပါကလည်း ဖေးဖေးမမ ဖြည့်တင်းကြပါကုန်။
ကဗျာတစ်ပုဒ်သည် ဘောင်အကန့်အသတ်မဲ့တတ်သည်။
ကဗျာတစ်ပုဒ်သည် ခံစားမှု ပေါင်းစုံတို့ဖြင့် ပြည့်နှက်နေတတ်သည်။
ကဗျာတစ်ပုဒ်သည် အရောင်များစွာဖြင့် တည်ဆောက်ထားသောသက်တန့်နှင့် တူတတ်ပါသည်။
စာဖတ်သူ၏ ခံစားနိုင်စွမ်းပေါ်မူတည်၍ စာရေးသူထက် အဆများစွာ
ငိုကြွေးရတတ်ပါသည်၊ ပျော်ရွှင်ရတတ်ပါသည်၊ ဒေါသထွက်ရတတ်ပါသည်။
ကြမ်းတမ်းသူတစ်ဦး ရေးသားသော နူးညံ့ခြင်း ကဗျာ။
ကြေကွဲသူတစ်ဦး ဖော်ကျူးသော ကြည်နူးခြင်း ကဗျာ။
သူဆင်းရဲတစ်ဦး ခံစားသော ချမ်းသာခြင်း ကဗျာ။
ဆိုလိုသည်မှာ ကဗျာရေးသူနှင့် ကဗျာတို့သည်....
တစ်ခါတရံ တိုက်ရိုက်အချိုးကျမည်။ တစ်ခါတရံတွင် ဆန့်ကျင်စွာ အချိုးကျမည်။
(ကျား) ကဗျာရေးသူတစ်ဦး၏ ကဗျာတစ်ပုဒ်တွင်
ကျားဝါဒများဖြင့် အစွန်းထွက်နေမည်ဟု ပုံသေမရှိ။
ထို့အတူ (မ) ကဗျာဖန်တီးသူတစ်ဦး၏ ကဗျာတစ်ပုဒ်တွင်လည်း
မ,ဝါဒများဖြင့်သာ လွန်ကျူးနေမည်ဟု သတ်မှတ်စရာမလို။
ကဗျာတစ်ပုဒ်ကို ဖတ်ရှု ရာတွင်
ဝါဒ(ဝါဒီ) ကင်းလွတ်သော
စိတ်ဗလာ(သန့်ရှင်းခြင်း) ဖြင့် ဖတ်မည်ဆိုပါက
စာဖတ်သူ တစ်စုံတရာ ရမည်ဟု အသေအချာ ပြောဝံ့ပါသည်။
----------------------
အိမ်ဝေးသူ(KZ)
----------------------

ကဗျာ

ကျွန်တော်က
ကဗျာတွေကို ရေးမယ်ကြံသေး။

ကဗျာတွေက
ကျွန်တော့်ကို ရေးသွားကြတယ်...။
--------------------
အိမ်ဝေးသူ(KZ)
--------------------
မှတ်ချက်။
ကျွန်တော်ရေးခဲ့ဖူးသမျှ ကဗျာတွေထဲမှာ အတိုဆုံးနဲ့
အကြိုက်ဆုံး ကဗျာတစ်ပုဒ်ပါ။

နှုတ်ခွန်းဆက်ခြင်းရဲ့  နောက်ကွယ်က အလှတရား

ဒီနေ့ ဂျွမ္မာနေ့။
ဗလီရှေ့ ဆောင်ဆရာ တရားဟောတာကို နားထောင်နေမိတယ်။
ကျွန်တော့်ဘေးမှာလည်း ချာတိတ် (၁၂-၁၃ နှစ်အရွယ်) တစ်ယောက် ထိုင်နေတယ်။
ရုတ်တရက် ကောင်လေးရဲ့ သူငယ်ချင်းဖြစ်သူ နောက်ထပ်ကောင်လေးတစ်ယောက် ဝင်လာတယ်။
သူတို့ သူငယ်ချင်း အချင်းချင်း မျက်နှာချင်းဆိုင်အနေအထားတွေ့ကြတော့
( အက်စလာမုအာလိုက်ကွမ် ) ဆိုပြီး တစ်ယောက်က စတင် နှုတ်ဆက်တယ်။
နောက်တစ်ယောက်ကလည်း...
( ဝအာလိုက်ကွမုစ္စလာမ် ) ဆိုပြီး ပြုံးပြုံးရွှင်ရွှင် နှုတ်ဆက်တယ်။
ဒီမြင်ကွင်းကို ကြည့်ပြီး...ကျွန်တော် တော်တော် ကြည်နူးမိပါတယ်။
ကြည်နူးခြင်းရဲ့ နောက်ဆက်တွဲ အတွေးကတော့....။
ကောင်လေးတစ်ယောက် ဝတ်ထားတာက ဂျွဗ္ဗာဟ် အရှည်ကြီး ဖြစ်ပြီး
နောက်ကောင်လေးတစ်ယောက် ဝတ်ထားတာက ဂျင်းဘောင်းဘီ အရှည်နဲ့၊ စပို့ရှပ်အကျီ င်္။
ကောင်လေးတစ်ယောက်က လူဖြူ ဖြစ်ပြီး နောက်တစ်ယောက်ကတော့ လူမည်း။
သူတို့ နှစ်ယောက်ရဲ့  ဝတ်စားဆင်ယင်မှု နဲ့ နောက်ခံလူမျိုး မတူကြပေမယ့်
နှုတ်ခွန်းဆက်ခြင်းနဲ့ တုံ့ပြန်ခြင်းတို့ တူညီကြတာဟာ ကျေနပ်စရာ ကောင်းလွန်းတယ်။
သူတို့ နှစ်ယောက်နေရာမှာ....
အစ္စလာမ်ဘာသာဝင်မဟုတ်တဲ့ ဘာသာခြား နှစ်ဦး ဆုံတွေ့ကြရင်....လို့
တွေးမိတော့...ကျွန်တော် ရင်မောမိတယ်။
မြင်နေရတာတွေက....
"Yoh Yoh, What's up dude" ဆိုတာတွေ များနေတဲ့ ခေတ်ကာလကိုး။
"How are you" လို့ မေးတဲ့သူတွေလည်း ရှိပါရဲ့ ။
ဘယ်လို ပုံစံနဲ့ပဲ နှုတ်ဆက်သည် ဖြစ်စေ... ဆိုလိုရင်းကတော့
(နေကောင်းလား၊ ဘာတွေထူးလဲ) ဆိုတဲ့ သဘောမျိုးပဲ သက်ရောက်တာ များပါတယ်။
ကျွန်တော် စဉ်းစားကြည့်မိတယ်။
ဥပမာ....
မင်းနေကောင်းလား လို့ မေးတဲ့ မေးခွန်းကို ဖြေရင်...
၁) နေကောင်းပါတယ်၊ နေမကောင်းပါဘူး။
ဆိုတဲ့ အဖြေအပြင်
၂) နေမကောင်းရင်ရော ခင်ဗျား ဘာကူညီနိုင်မလဲ။
ဆိုပြီး ဆန့်ကျင်ဘက် အဖြေမျိုး ပေးလို့ရနိုင်သေးတယ်။
ဒါပေမယ့်
( အက်စလာမုအာလိုက်ကွမ် ဝရဟ်မသုလ္လာဟိ ဝဗရကာသုဟ် ) ဆိုတာကျတော့...
"သင့်အပေါ်ကို အသျှင်မြတ်ရဲ့  အေးချမ်းသာယာမှု နဲ့ မင်္ဂလာအဖြာဖြာ ကျရောက်ပါစေ" တဲ့။
နှုတ်ခွန်းဆက်တာကို တုံ့ပြန်တဲ့
(ဝအာလိုက်ကုမုစ္စလာမ် ဝရာဟ်မသုလ္လာဟိ ဝဗရကာသုဟ်) ဆိုတာကလည်း
"သင့်အပေါ်ကိုလည်း အသျှင်မြတ်ရဲ့  အေးချမ်းသာယာမှု နဲ့ မင်္ဂလာအဖြာဖြာ ကျရောက်ပါစေ"တဲ့။
ပြည့်စုံလွန်းတဲ့ နှုတ်ဆက်ခြင်းမျိုး ဖြစ်တဲ့အတွက်...
တစ်ဘက်က ဆန့်ကျင်ဘက် စကားမျိုးကို တုံ့ပြန်လို့လည်း မရနိုင်ပါဘူး။
အစ္စလာမ် ဘာသာဝင်တွေမှာသာ ရှိတဲ့ အလှအပ တစ်ခုလို့ ပြောရင်ရင် လွန်မယ် မထင်ပါ။
ကလေးဘဝက စပြီး ပျိုးထောင်ခဲ့တဲ့ ဒီအမူအကျင့်၊ ဒီစည်းကမ်းလေးဟာ
အဘိုးအဘွားကြီးတွေ ဖြစ်တဲ့အထိ စွဲစွဲမြဲမြဲ ရှိနေတတ်တာ ဂုဏ်ယူစရာပါ။
စလာမ်ပေးပြီး နှုတ်ခွန်းဆက်သခြင်း၊
စလာမ်ပေးခြင်းကို ပြုံးရွှင်စွာ အကြောင်းပြန်ခြင်း တွေဟာ
အစ္စလာမ့်ရဲ့  ပြယုဂ် (Symbol) တစ်ခု ဖြစ်ပါတယ်။
ဒါပေမယ့်
အခုခေတ် မွတ်စလင်မ်လူငယ်တစ်ချို့ ကတော့ ဒီအလှတရားကနေ ရှောင်တိမ်းတတ်လာကြပြီ။
ပြီးတော့ အချို့ မိဘတွေကလည်း မိမိရင်သွေး သား၊သမီးငယ်များရဲ့  စလာမ်နှုတ်ဆက်တဲ့
အလေ့အကျင့်ထက် အင်္ဂလိပ်လို နှုတ်ဆက်တတ်ခြင်းကို ပိုပြီး ဂုဏ်ယူတတ်လာကြပြီ။
သတိပြု ဆင်ခြင်ဖွယ်ရာ ဖြစ်ပါတယ်။
Hi, Hello တွေနဲ့ လုံးချာလိုက်နေတဲ့ ခေတ်ပညာတတ်သူတို့ လည်း အလေးထားသင့်ပါတယ်။
နိဂုံးချုပ်အနေနဲ့...။
နှုတ်ခွန်းတစ်ခါ ဆက်တိုင်း
ကုသိုလ်ကောင်းမှုတွေ အစုအဝေးလိုက် သယ်ယူနိုင်တာဟာ
အစ္စလာမ်တို့ရဲ့  နှုတ်ခွန်းဆက်ခြင်းကလွဲပြီး တစ်ခြား မရှိပါဘူး။
မိမိနဲ့ မ်ိမိကိုးကွယ်ရာ ဘာသာတရားမှာ ရှိတဲ့ အလှတရားကို အမြဲ ဂရုတစိုက် ရှိသင့်ပါတယ်။
ဘာသာရေးဆရာ မဟုတ်တဲ့အတွက်၊ ( ပိုင်၏၊ မပိုင်ပါ ။ ဆောင်ရန်၊ ရှောင်ရန် ) တွေ
ကျွန်တော် ပြောမထားဘဲ မိမိတို့ ဂုဏ်ယူရမယ့် အလှတရား တစ်ခုကို အလေးအနက်ထား
စေချင်တဲ့ သဘောကိုသာ တင်ပြထားပါတယ်။
ကမ္ဘာ့ တစ်တောင့်တစ်နေရာမှာ နေထိုင်တဲ့...
ကျွန်တော်က...
ကမ္ဘာ့ နေရာအနှံ့အပြားမှာရှိကြတဲ့ သူငယ်ချင်း၊ မိတ်ဆွေများကို နှုတ်ခွန်းဆက်သလိုက်ပါတယ်။
( အက်စလာမုအာလိုက်ကွမ် ဝရဟ်မသုလ္လာဟိ ဝဗရကာသုဟ် )
---------------------
အိမ်ဝေးသူ(KZ)
---------------------

ရူးချင်ယောင်ဆောင်ခြင်း၏ နောက်ကွယ်၌

တစ်ခေတ်တစ်ခါတုန်းက အိန္ဒိယနိုင်ငံအလယ်ပိုင်းက ရွာတစ်ရွာမှာ အလွန်ထင်ရှာကျော်ကြားတဲ့
သင်္ချာပညာရှင်ကြီးတစ်ယောက်ရှိခဲ့တယ်။ သူဟာ သင်္ချာပညာမှာ တော်လွန်းတဲ့အတွက်
မကြာမကြာဆိုသလို နယ်စားမင်းကတောင် ခေါ်ပြီးတော့ စီးပွားရေးနဲ့ ဆိုင်တဲ့ တွက်ချက်မှုတွေ၊
အကြံဥာဏ်တွေ တောင်းယူရပါသတဲ့။ သူ့ရဲ့ ဂုဏ်သတင်းဟာ ပတ်ဝန်းကျင် တစ်ခွင် ပြဲပြဲစင်ဆိုပဲ။
ဒါပေမယ့် သူနေတဲ့ ရွာက ရွာလူကြီးရဲ့ ကဲ့ရဲ့ လှောင်ပြောင်မှုက သူ့ကို တော်တော်နာကျင်စေတယ်။

“ဗျို့ ဆရာကြီး...ခင်ဗျားကတော့ နယ်စားကြီးကိုတောင် စီးပွားရေးနဲ့ ပက်သက်တဲ့
အကြံဥာဏ်တွေ ပေးနိုင်တဲ့ တကယ့်  သင်္ချာပညာရှင်ကြီးပဲဗျာ။ ဒါပေမယ့် ခင်ဗျားသားကတော့
သိပ်သနားဖို့ ကောင်းရှာတယ်။  ရွှေနဲ့ ငွေမှာ ဘယ်ဟာက  ပိုတန်ဖိုးကြီးသလဲဆိုတာတောင် မသိရှာဘူးဗျာ”

တစ်ရက်လည်းမဟုတ်၊ နှစ်ရက်လည်း မဟုတ်၊ နေ့ စဉ်ဆိုသလို ဖြစ်လာတော့ သင်္ချာပညာရှင်လည်း
သူ့ သားကို ခေါ်ပြီး မေးရတော့တယ်။

သင်္ချာပညာရှင်။
လူလေးရေ...ရွှေနဲ့ ငွေမှာ ဘယ်ဟာက ပိုတန်ဖိုး ကြီးသလဲကွ?

သား။
ရွှေက ပိုတန်ဖိုး ကြီးတာပေါ့ အဖေရ။ 

သင်္ချာပညာရှင်။
အေး၊ အဲဒါ အမှန်ပဲလေ။ ဒါနဲ့များတောင် ရွာလူကြီးက မင်းဟာ ရွှေနဲ့ ငွေရဲ့ တန်ဖိုးကိုတောင်
မသိသူလို့ ဘာကြောင့် ငါ့ကို လှောင်ပြောင်ရသလဲ? ငါ့ကို အမြဲတမ်း သားကို ဂရုမစိုက်ဘဲ
ပစ်ထားတဲ့ ဖခင်တစ်ယောက်အဖြစ် အခြားလူကြီးတွေရှေ့ မှာ ကဲ့ရဲ့ ဝေဖန်တယ်။
အဖေ..ဘယ်လောက်နာကျင်ရသလဲ မင်းသိရဲ့ လား။ အဖေထင်တာက မင်းက တကယ့်ကို
ရွှေနဲ့ ငွေ တန်ဖိုးကို မသိလို့ အဖေ့နောက်ကွယ်မှာ မင်းအကြောင်းကို လှောင်ပြောင်ကဲ့ရဲ့ ကြတာလို့ 
ထင်ခဲ့တာကွ။ အဲဒီကိစ္စကို အဖေ့ကို နားလည်အောင်ရှင်းစမ်း။ အဲဒါနဲ့ သားဖြစ်သူဟာ ဖခင်
သင်္ချာပညာရှင်ကြီးကို ရွာသူကြီးက သူ့ကို ဘာကြောင့် အထင်မြင်သေးစွာ ဆက်ဆံသလဲဆိုတာကို
အခုလို ရှင်းပြတယ်။

သား။      
ဒီလိုအဖေရ..နေ့စဉ်နေ့တိုင်း ကျွန်တော် ကျောင်းသွားတဲ့အခါ သူကြီးအိမ်ရှေ့ရောက်တဲ့အခါတိုင်း
ရွာသူကြီးက ကျွန်တော့်ကို အိမ်ထဲဝင်ဖို့ခေါ်တယ်။ အိမ်ထဲမှာ အခြားရွာလူကြီးတွေလည်း
အပြည့်ပေါ့ဗျာ။ အားလုံးရှေ့မှာ သူကလက်တစ်ဖက်မှာ ရွှေပြားတစ်ပြားနဲ့ အခြားလက်တစ်ဖက်မှာ
ငွေပြားတစ်ပြားကိုင်ထားပြီးတော့ ပိုတန်ဖိုးကြီးတဲ့တစ်ခုကို ရွေးပြီးယူခွင့်ပေးပါတယ်။
ကျွန်တော်က ငွေပြားကိုရွေးပြီးယူတော့ သူအပါအဝင်အခြားလူကြီးတွေအားလုံးက ကျွန်တော်က
ရွှေနဲ့ ငွေတန်ဖိုးမသိသူအဖြစ် ရယ်စရာ သတ္တဝါတစ်ကောင်လို လှောင်ပြောင်ကြပါတယ်။
ကျွန်တော်လည်း ငွေပြားကိုယူပြီးရင် ကျောင်းကို ဆက်သွားပါတယ်။ ဒါက  ခုဆိုရင်
နေ့ စဉ်ရက်ဆက်ကို ဖြစ်နေတာပါ။ အဲဒါကြောင့်ပဲ သူတို့က အဖေ့ရှေ့မှာ ကျွန်တော်ဟာ
ငတုံးဆိုတဲ့ သဘောမျိုးနဲ့ လှောင်ပြောင်ကြတာပါ။

သင်္ချာပညာရှင်။
ဟေ...!!!

သားဖြစ်သူရဲ့ စကားကို ကြားတော့ ဖခင်ဖြစ်သူ သင်္ချာပညာရှင်လည်း ခေါင်းရှုပ်သွားတော့တယ်။
သူ့ သားဟာ ရွှေနဲ့ ငွေရဲ့ တန်ဖိုးကို သိသိကြီးနဲ့ ဘာကြောင့် အလှောင်ခံပြီး
ငွေကိုပဲ နေ့ စဉ်ရွေးနေတာလဲပေါ့။ အဲဒါနဲ့ သားဖြစ်သူကို ခုလိုမေးလိုက်တယ်။

သင်္ချာပညာရှင်။
လူလေး..မင်းက တကယ့်တန်ဖိုးကိုလည်း သိတယ်။
ရွှေကို ယူလို့ ရတယ်ဆိုတာသိရဲ့ သားနဲ့ ဘာကြောင် အဲဒီလို လုပ်ရသလဲကွာ?။ 

သား။          
အဖေသိချင်ရင် ကျွန်တော့် အခန်းကို လိုက်ခဲ့ပါ။ ကျွန်တော် အဖေ့ကို ရှင်းပြပါမယ်။ 
သားဖြစ်သူရဲ့ အခန်းထဲကို သင်္ချာပညာရှင်ကြီးလည်း အတူလိုက်ဝင်သွားတာပေါ့။
အဲဒီမှာ သူ့သားက သူ့ ကို သေတ္တာလေးတစ်လုံး ပြတယ်။ သေတ္တာထဲမှာ အနည်းဆုံး
ငွေပြားတစ်ရာလောက်ကို ရှိနေတယ်။ ပြီးတော့...သူ့ဖခင်ကို အခုလို ရှင်းပြပါတယ်။

သား။
အဖေ..သိလား တကယ်လို့ သာ ကျွန်တော် တစ်နေ့ နေ့ မှာ ရွှေကို ရွေးပြီး ယူခဲ့မယ်ဆိုရင် 
အဲဒီနေ့ကစပြီး ကစားပွဲက ပြီးပြီ။ သူတို့ ကျနော့်ကို လှောင်ပြောင်ကဲ့ရဲ့ ကြမှာ မဟုတ်တော့သလို
ကျွန်တော်လည်း နေ့ စဉ် နေ့တိုင်း ငွေပြားတစ်ပြားစီ ရစရာ အကြောင်းမရှိတော့ဘူးလေ...အဖေ။

_________________________________________________________

မူရင်းစာရေးသူရဲ့ သုံးသပ်ချက်။

ဘဝမှာ တစ်ခါတလေကျရင် ကျွန်တော်တို့ လည်း လုပ်ဖော်ကိုင်ဖက်တွေကြားမှာ၊
ကိုယ့်အထက်လူကြီးတွေကြားမှာ ရူးချင်ယောင်ဆောင်ကြရပါတယ်။ အဲဒါဟာ ကျွန်တော်တို့ 
တကယ်ရူးနေတယ်လို့ ယူဆစရာမလိုပါဘူး။ ဘဝကစားပွဲမှာလည်း ကျွန်တော်တို့ ရှုံးနေတယ်လို့ 
မဟုတ်ပါဘူး။ တစ်ဖက်က သူတို့ နိုင်ပြီလို့ ယူဆနေချိန်မှာ ကျွန်တော်တို့ လည်း ကိုယ့်နည်းကိုယ့်ဟန်နဲ့ 
အဲဒီကစားပွဲမှာ အနိုင်ရနေတာပါပဲ။ ဒါပေမယ့် ဘယ်လိုအနေအထားမှာ အရှုံးပေးချင်ယောင်ဆောင်ပြီး
ဘယ်လို နေရာမျိုးမှာ အနိုင်ယူပြရမလဲဆိုတာတော့...ကျွန်တော်တို့ ရွေးရမှာပါ။

________________________________________________________________

ဘာသာပြန်သူရဲ့  သုံးသပ်ချက်။

တစ်ခါမှာ မောင်ကကြီးဟာ ခရီးတိုတစ်ခုကို တက္ကစီ ငှားစီးပြီး သွားပါတယ်။
သူလိုချင်တဲ့ နေရာကိုရောက်တော့ စကားတစ်ခွန်းမှ မပြောဘဲ တက္ကစီပေါ်က ဆင်းလိုက်ပါတယ်။
အဲဒီနောက် ရှပ်အင်္ကျီအိတ်ထဲကို နှိုက်တယ်။ ပြီးတော့ ပိုက်ဆံအိတ်၊ လွယ်အိတ် တစ်ခုချင်းစီ
နှိုက်တော့ ကားဆရာ မောင်ခခွေးက သူ့ကို သေချာကြည့်နေပါတယ်။
အိတ်ပေါင်းစုံ နှိုက်ပေမယ့် ပိုက်ဆံကတော့ တစ်ပြားသားမှ ထွက်မလာ။
အဲဒါနဲ့ မောင်ကကြီးလည်း စိတ်ပျက်လက်ပျက်သံနဲ့ ပြောလိုက်တယ်။

"ကျွန်တော့် ဒေါ်လာတစ်ရာတန်တစ်ရွက် ခင်ဗျားကားထဲမှာ ကျနေတယ်နဲ့ တူရဲ့ ဗျာ" 

အဲဒီစကားကို ကြားတာနဲ့ တစ်ပြိုင်နက်တည်း ကားဆရာ မောင်ခခွေးလည်း ကားလီဗာကို
တအားနင်းပြီး တစ်ရှိန်ထိုး မောင်းထွက်သွားပါတော့တယ်။ ဒေါ်လာ တစ်ရာတန် ဆိုတဲ့ အတွေးက
သူ့ကို ခွန်အားဖြစ်စေတယ်လေ။ မောင်ခခွေးရဲ့ ကားမောင်းထွက်သွားတာကို အဆုံးထိ ကြည့်ပြီး
မောင်ကကြီးလည်း အားရပါးရကြီးကို ပြုံးလိုက်တယ်။ ပြီးတော့....

"မင်း...လည်သလောက်ကတော့ ငါ...ပျင်းတောင် ပျင်းသေးတယ်"

လို့ ရွတ်ပြီး သူသွားချင်တဲ့နေရာကို ပေါ့ပေါ့ပါးပါး ဝင်သွားပါတော့တယ်။ တကယ်တော့
ဒီလို အဖြစ်အပျက်မျိုးတွေ ကျွန်တော်တို့ ပတ်ဝန်းကျင်မှာ ဒုနဲ့ ဒေးပါ။ တစ်ခါတရံမှာ
ကျွန်တော်တို့ဟာ မိမိအတွေးမှာ မုဆိုးလို့ ထင်မြင်တတ်ပေမယ့် အခြားသူတစ်ယောက်အမြင်မှာ
သနားစရာ သားကောင်လေး တစ်ကောင် ဖြစ်နေတတ်ပါတယ်။ သင်္ချာပညာရှင်ကြီးရဲ့သားဟာ
အများအမြင်မှာအရူးတစ်ယောက်၊ ကျပ်မပြည့်သူ တစ်ယောက် အဖြစ် ကျေကျေနပ်နပ်
ခံယူခဲ့ပြီးတစ်ဖက်မှာ သူလိုချင်တဲ့ ငွေပြားကိုတော့ ရအောင်ယူသွားခဲ့ပါတယ်။

သူ့ကို ကျွန်တော်တို့ အရူးတစ်ယောက်၊ အဖြစ် သတ်မှတ်လို့ ရနိုင်ပါသလား?

သူကြီးဘက်ကို ပြန်ကြည့်ရင်လည်း သူ တစ်နေ့တစ်ပြားစီ ဆုံးရှုံးနေရတာကိုတောင်
သတိမပြုမိလောက်အောင် သူတစ်ပါးကို လှောင်ပြောင်ကဲ့ရဲ့ ချင်စိတ်များလွန်းတယ်။
ဒါပေမယ့် ဒီနေရာမှာ သူကြီးက သင်္ချာပညာရှင်ကြီးရဲ့ သိက္ခာကျစေလိုတဲ့ ဒုက္ခပေးချင်တဲ့
စိတ်ဓာတ်ကြောင့်သာ ငွေတစ်ပြားစီ နေ့စဉ် ဆုံးရှုံးတာကို သတိမမူမိနိုင်တာပါ။

အခြား သာမန် ရွာသူ ရွာသားတစ်ဦးဦးရဲ့  သားဆိုရင်တော့ ဒီလို လုပ်မယ်လို့ ထင်ပါသလား?

သားဖြစ်သူ ရှင်းပြတဲ့ အဖြစ်မှန်ကို နားထောင်ပြီးတဲ့ နောက်ပိုင်းမှာ နာမည်ကျော် သင်္ချာပညာရှင်ကြီးက
သူ့သား လုပ်နေတဲ့ လုပ်ရပ်ကို  

(အရူးအဖြစ်ခံပြီး ငွေအသပြာတစ်ပြားစီ နေ့စဉ်ယူခြင်း) ဆက်ပြီးလုပ်ခွင့် ပေးနိုင်ပါ့မလား ?

ဒီနေရာမှာ လူတစ်ဦးချင်းစီရဲ့ ခံယူချက်ကသာ အဓိက ကျတယ်လို့ထင်မိပါတယ်။
သင်္ချာပညာရှင်ကြီးရဲ့ သားဖြစ်သူဟာ သူလိုချင်တာကို ရဖို့ တွက် သူ့သိက္ခာကို စွန့် 
လွှတ်ရဲတဲ့ သတ္တိရှိခဲ့တယ်။

ဒါပေမယ့် သူ့နေရာမှာ သူ့ ဖခင် သင်္ချာပညာရှင်ကြီးဆိုရင်ရော...သူ့လို လုပ်ပါ့မလား?
ဂုဏ်သိက္ခာနဲ့ ငွေကို လဲပါ့မလား....?

အကြံပေးချက်။ 

သူတစ်ပါးကို လိုအပ်တာထက် ပိုပြီးလည်း အထင်အမြင် မကြီးမိပါစေနဲ့။
သူတစ်ပါးကို မလိုအပ်ဘဲနဲ့ လည်း အသားလွတ် အထင်အမြင် မသေးမိပါစေနဲ့။

အိမ်ဝေးသူ (KZ) 

##############################################################
အသိပေးခြင်း။
M-Media မှာ ရေးခဲ့တဲ့ အကြောင်းအရာဖြစ်ပြီး
The Smart Game – Gold or Silver? ဆိုတဲ့ ပုံပြင်လေးကို
ဆိုလိုရင်းမပျောက်စေဘဲ အနီးစပ်ဆုံး ဘာသာပြန်ထားခြင်းပါ။
နေရာဒေသ အတိအကျ မဖော်ပြခြင်းမှာ အမှတ်မမှားစေလိုခြင်းကြောင့်ဖြစ်ပါတယ်။
ဘသာပြန်ဆရာ မဟုတ်သည့်အတွက် အမှားအယွင်းပါရှိခဲ့ပါက ဖြည့်စွက်ပြီး ဖတ်စေလိုကြောင်း။
###############################################################

    

   

တကယ် စေတနာရှိကြပြီလား

Page တွေထဲမှာပါသွားတဲ့ ( ညီမ၊ အစ်မ ) တွေ အတွက်
report တင်ပေးရုံက လွဲပြီး ကျွန်တော်တို့...ဘာမှ မလုပ်ပေးနိုင်ကြပါဘူး။

ဒါပေမယ့်...။
Page တွေထဲမှာ မပါသေးတဲ့ ( ညီမ၊ အစ်မ ) တွေ အတွက်တော့
ကျွန်တော်တို့ လုပ်ပေးနိုင်တာတွေ ရှိပါသေးတယ်။
အဲဒီလို လုပ်ပေးနိုင်ဖို့အတွက်
ဘယ်လို ရည်ရွယ်ချက်မျိုးနဲ့ ဖြစ်စေ
၁) အဲ့ဒီ Page တွေကို Like မလုပ်ကြပါနဲ့။
၂) အဲ့ဒီ Page တွေကို Share မလုပ်ကြပါနဲ့။
သင့်မှာ...
တကယ် စေတနာ ရှိပြီလား?
အဲဒါဆိုရင်...
သင်သည် ယောက်ျားလေး ဖြစ်စေ၊ မိန်းကလေး ဖြစ်စေ
သင်နဲ့ ပက်သက် ရင်းနှီးတဲ့
( ညီမ၊ အစ်မ၊ သူငယ်ချင်း ) တွေကို
Chat Box ကနေ တိုးတိုးတိတ်တိတ် အသိပေးသင့်ပါတယ်။
ဆန့်ကျင်ဘက် တုံ့ပြန်မှုကို သင်ရကောင်း ရပါလိမ့်မယ်။
အဲဒါဆိုရင်....လိုအပ်တဲ့ ရှေ့ဆောင်လမ်းပြများရဲ့ 
သက်သေအထောက်အထားတစ်ချို့ ကို တိုးတိုးတိတ်တိတ် ပြကြည့်ပါ။
လုံးဝ လက်မခံဘူး ဆိုရင်...
ရေအေးအေးတစ်ခွက် ထ, သောက်ပြီး ကျေနပ်လိုက်ပါ
( သင်...အလုပ်သင့်ဆုံးအလုပ်ကို လုပ်ခဲ့ပြီးပြီ ဖြစ်သည် )
သင်...အသိပေးရမှာက...
၁) ပုံမတင်ဖို့။
၂) ပုံတင်ရင်လည်း only me လုပ်ဖို့။
( ကိုယ့်မျက်နှာ ကိုယ်ပဲ မြင်ရမယ် )
၃) ပုံတင်တတ်လွန်းရင်လည်း သူငယ်ချင်း စာရင်းကို စိစစ်ထားဖို့။
၎) ဝါဝါမြင်တိုင်း ရွှေမထင်ဖို့....အပနားမြင်တိုင်းလည်း......မထင်ဖို့။
အခု ပို့စ်မှာ
အမှား အမှန်ကို မဝေဖန်ဘူး။
သာတာ နာတာကို မပြောဘူး။
လုပ်သင့်လုပ်ထိုက်တာကို လုပ်ဖို့ပဲ ကျွန်တော် ပြောခဲ့တယ်။
P.S
Suggestions----->>> Take it or Leave it.
But Protection your own sisters----->>> Must be continued.
----------------------
အိမ်ဝေးသူ(KZ)
----------------------

မိခင်ချင်း ယှဉ်ရဲသလား

အစ္စရေးလ်မိခင်၏ ခံယူချက်။

ငါတို့ အနာဂတ်အတွက်
မြွေပွေးလေးတွေ ဖြစ်လာမယ့် ပါလက်စတိုင်းက ကလေးတွေကို
ကြိုတင် သုတ်သင်ရှင်းလင်းထားတာ သိပ်ကောင်းတယ်။
ပါလက်စတိုင်းန်မိခင်၏ ခံယူချက်။
ငါ့ရဲ့ သားအကြီး ၂ ယောက်က ရှဟီးဒ် အဖြစ် သွားနှင့်ကြပြီ။
အခု…ငါ့မှာ နောက်ထပ် ရှဟီးဒ်အဖြစ်ခံဖို့ သားသမီးအငယ်လေးတွေ
၃ ယောက်တောင် ကျန်သေးတယ်။
----------------------
အိမ်ဝေးသူ(KZ)
----------------------