ဇာတာစီးသူ

မချစ်တတ်ခင်ကတည်းက
အချစ်သီချင်းတွေ....ကြိုက်တတ်ခဲ့တယ်။
မလွမ်းတတ်ခင်ကတည်းက
အလွမ်းသီချင်းတွေ.... ကြိုက်တတ်ခဲ့တယ်။
အသည်းမကွဲခင်ကတည်းက
အသည်းကွဲသီချင်းတွေ....ကြိုက်တတ်ခဲ့တယ်။
ခုတော့
အကျိုးပေးကောင်းလိုက်ပုံများ
အချစ်မခံရခင်ကတည်းက
အလွမ်းသီချင်းတွေကို ရေးစပ်နေရပြီ။
ဟော...
မကြာခင်မှာ
အသည်းကွဲသီချင်းတွေလည်း ဆိုဖြစ်ဦးမယ်နဲ့တူတယ်။
တကယ်တော့
သူ့ဇာတာနဲ့ သူလာကြတာပဲ
အဆန်းတကျယ်တော့လည်း မဟုတ်ပါဘူးလေ။
ယတြာ...?
ငါ့...အတွက် မလိုတော့ပါဘူးကွယ်။
-------------------
အိမ်ဝေးသူ(KZ)

မဲ့

စကားလုံးမဲ့
အငိုအရှိုက်မဲ့
အရယ်အပြုံးမဲ့
ဒါပေမယ့်လည်း
ခံစားမှုတွေ ထုထည်နဲ့။
-------------------
အိမ်ဝေးသူ(KZ)

ခရမ်းရင့်ရောင်သင်္ချိုင်းထဲက အချစ်ကဗျည်းတိုင်

"မီးနဲ့လည်း မကစားနဲ့
အချစ်နဲ့လည်း အကျွမ်းမဝင်နဲ့"

"မီးနဲ့ကစားရင်
အရေပြားလောင်တတ်တယ်
အချစ်နဲ့ ကစားရင်
နှလုံးသား လောင်တတ်တယ်"

"အရေပြားကုတဲ့ ဆရာဝန်
မေမေခေါ်ပေးနိုင်ပေမယ့်
နှလုံးသားကုတဲ့ ဆရာဝန်အတွက်
မေမေ အာမ မခံရဲဘူး သားကြီး''

ခံစားလွယ်၊ ထိရှလွယ်တတ်လွန်းတဲ့
ကျွန်တော့်ကို
မေမေ ဆုံးမစကား ပြောတုန်းက
(ဟုတ်ကဲ့ပါမေမေ) လို့
ကတိတွေ အထပ်ထပ်
ကျွန်တော်...ပေးခဲ့ဖူးပါရဲ့...မေမေ။

ဒါပေမယ့် မေမေရယ်
နှလုံးသားက အရွယ်အလိုက်
တိတိကျကျ လှုံ့ ဆော်တတ်လွန်းတော့လည်း
ခရမ်းရင့်ရောင် ချစ်ခြင်းမေတ္တာက
ခံစားမှုရဲ့ ပြတင်းတွေကတစ်ဆင့်
ကျွန်တော့်ရင်ဘတ်ထဲကို စိမ့်ဝင်ပြိုကျရင်း
ကျွန်တော့်....ဘယ်ဘက်ရင်တစ်ခြမ်းလုံးလည်း
တငွေ့ငွေ့ လှိုက်စားခဲ့တယ်...မေမေ။

လက်တွေ့ကျတဲ့ လူ့ဘဝကြီးမှာ
စိတ်အခြေခံချင်း မတူညီတဲ့နောက်
အချစ်ရဲ့ အမည်ကွဲ ပုရပိုဒ်တစ်ခု ဖြစ်တဲ့
(ကျေနပ်စွာ...လမ်းခွဲခြင်း) အပိုဒ်မှာ...
ကျွန်တော်...သူမကို
ကျေနပ်စွာ..နေရစ်ခွင့် ပေးလိုက်တယ်။

မှန်ကြည့်တိုင်း ကိုယ့်မျက်နှာအစား
သူမ မျက်နှာကို မြင်တတ်တဲ့ ကျွန်တော်
ခုတော့....
ခရမ်းရင့်ရောင် နှလုံးသား တစ်စုံက
တစ်ဆတ်ဆတ် တုန်ခါလိုက်တိုင်း
အတိုင်းအဆမဲ့စွာ ပွင့်အန်တတ်တဲ့
ကဗျာ အပိုင်းအစ အချို့ နဲ့ 
အိပ်ရေးပျက်ညတွေ များခဲ့ပြီဆိုတာ
မေမေသာ...သိခဲ့မယ်ဆိုရင်....???

အိမ်ဝေးသူ (KZ)

အိပ်မက်ကောက်ကြောင်း

(အိပ်မက်နိဒါန်း)

ဟာသတစ်ခုက ဆိုတယ်
"လူငယ်ဆိုတာ
အိပ်မက်နဲ့ ရှင်သန်ရတယ်တဲ့
များများ အိပ်မက်ဖို့တော့
များများ အိပ်ပေးရမယ်တဲ့။"


အဲဒီအဆိုကို အတည်ပြုချင်စိတ်နဲ့
မကြားသင့်တာတွေ မကြားမိဖို့
နားတွေကို ပိတ်
မမြင်ချင်တာတွေကို မမြင်မိဖို့
မျက်လုံးအစုံကို မှိတ်
ကြားသင့်မြင်သင့်တာတွေကို
အလုံးစုံ မြင်နိုင်ကြားနိုင်ဖုို့
စိတ် ကို မိုင်ကုန်ဖွင့်ထားရင်း
အိပ်မက်တွေနဲ့ နိုးကြားချင်စိတ်နဲ့
လောကကြီးရဲ့ ရင်ခွင်မှာ စိတ်ချလက်ချ
ကျွန်တော်.....အိပ်ပစ်လုိုက်တယ်။


ကျွန်တော် မက်တဲ့ အိပ်မက်က
အရောင်တွေလည်း စုံလင်ပြီး
ဇာတ်ကွက်တွေလည်း ဆန်းလွန်းတယ်
တစ်ချို့နေရာမှာ
ဝံပုလွေကို သိုးက ပြန်သတ်တယ်
တစ်ချို့နေရာမှာ
ကိုးတောင်ကျားက စက္ကူကျားကို
တပည့်ခံနေတယ်
တစ်ချို့နေရာမှာတော့
ပခုံးနှစ်ဖက်ကြား ခေါင်းပေါက်တဲ့
လူမှုရေး သတ္တဝါတွေက
တကယ့်သတ္တဝါစစ်တွေအဖြစ်
တောင်းဆိုကြတယ်။


ကျွန်တော့် အိပ်မက်ထဲမှာ
ငါးကလေးတစ်ကောင်က
ဝါသနာ စိုးစဉ်းမျှ မပါဘဲ
တစ်သက်လုံးကူးခတ်ခဲ့ရတဲ့ အကြောင်း။
ပြီးတော့ ပင်လယ်ပြင်မှာ ပေါ်တဲ့ လမင်းဟာ
အတုဖြစ်တာ ရှာဖွေတွေ့ရှိပြီးဖြစ်လို့
မိုးပေါ်က လမင်းဆီကို
ငှက်တစ်ကောင်လို ပျံသန်းဖို့ ကြိုးစားချင်ကြောင်း
ငြီးတွားနေရှာတယ်။


ငှက်ကလေးတစ်ကောင်ကလည်း
မွေးရာပါ အတောင်ပံတစ်စုံကြောင့်
ပျံသန်းနေရပေမယ့် ငြီးငွေ့နေပြီဖြစ်တဲ့ အကြောင်း။
အနီးဆုံးလို့ ထင်ထားခဲ့တဲ့ မိုးပေါ်က လမင်းဆီကို
ပျံသန်းရတာ မောပန်းလွန်းပြီဖြစ်လို့
ပင်လယ်ပြင်ပေါ်က လမင်းဆီကိုပဲ
ငါးတစ်ကောင်လို့ ကူးခတ်သွားချင်ကြောင်း
ပြောပြရှာတယ်။


ကျားတစ်ကောင်ကတော့
ဥပုသ်စောင့်ရတဲ့ အရသာကို
မြည်းစမ်းချင်တဲ့အကြောင်း ရင်ဖွင့်ရှာတယ်
ဒါနဲ့ ဘယ်က ပြန်လာသလဲမေးတော့
သူက အစွယ်တွေ တုန်းနေလို့
သွေးပြီးပြန်လာတာ ဖြစ်ကြောင်းပြောပြတယ်
ကျွန်တော်...လုံးဝ မအံသြမိခဲ့ပါဘူး။


( ကျွန်တော်နှင့် အိပ်မက်နိဂုံး)

အိပ်မက်မက်ရတာကို
ကျွန်တော် ကြိုက်တယ်
အိပ်မက်ထဲမှာ
အိပ်မက်ထပ်မက်ရတာကိုတော့
ကျွန်တော် မြတ်နိုးတယ်
ကျွန်တော့်အိပ်မက်ကို
တစ်ချို့တွေက...
ဆွဲချပစ်ကြတယ်။
တစ်ချို့တွေက..
မြှောက်ပင့်ကော်ထိုး မိုးပေါ်တင်ကြတယ်။
တစ်ချို့ကျတော့...
အကြိမ်ကြိမ်အခါခါ သတ်ပစ်ကြတယ်။

ကျွန်တော့် အိပ်မက်ထဲမှာ
လောကကြီးက
လူတွေအတွက် ငိုကြွေးနေပြီး
လူတွေက
လောကကြီးအတွက် ငုိုကြွေးနေတယ်။

အိပ်မက်ထဲက တစ်ရေးနုိုးတော့
ကျွန်တော်က
ပျောက်ဆုံးလုမတတ် အိပ်မက်အရင်းအမြစ်
အိပ်စက်ခြင်းတွေအတွက် ငိုကြွေးနေလေရဲ့။


အိမ်ဝေးသူ (KZ)

Nelson Mandela

လူနေချုံကြား
စိတ်နေဘုံဖျား ဆိုတဲ့ စကား
ခြွင်းချက်မရှိ အသက်သွင်းခဲ့သူ...။

အသားအရေ မည်းပေမယ့်
စိတ်အခြေခံ...ဖြူစင်သူ...။

အနစ်နာခံလိုစိတ်နဲ့
မျိုးနွယ်စုတစ်စုအတွက်
လင်းယုန်တစ်ကောင်လို
တိုက်ပွဲဝင်ခဲ့သူ....။

သစ်တစ်ပင်ကြောင့်
ငှက်တစ်သန်းမကလည်း
နားခွင့် ပျိုးခဲ့သူ...။

အရောင်ခြားနားမှုနဲ့
ဓလေ့ကွာဟမှုကို
တစ်သားတည်း ဂဟေဆက်ခဲ့သူ။....

လူတစ်ယောက် သေလို့
လူတွေကြေကွဲရုံမက
ကြယ်တွေပါ သည်းသည်းလှုပ်ခဲ့တဲ့နေ့...
အဲဒီနေ့ဟာ...
Nelson Mandela ဘဝကူးခဲ့တဲ့နေ့ ....။

အိမ်ဝေးသူ (KZ)


မှတ်ချက်။

Nelson Mandela ဟာ လူမည်းတွေအတွက်တော့
ယုံကြည်မှု၊ လွတ်လပ်မှု၊အောင်မြင်မှု တခါးတွေ ဖွင့်လှစ်ပေးခဲ့သူပါ။
သူက သူယုံကြည်ရာကို ရဲရဲဝံ့ဝံ့ လုပ်ဆောင်ခဲ့ပါတယ်။
ကျွန်တော်တို့လည်း ကျွန်တော်တို့ ယုံကြည်မှုအတွက် ရှေ့ထွက်ကြမယ်ဆိုရင်
အဟန့်အတားဆိုတာ ခဏတာအတွက်ပါပဲ။