ပီတိစားအိပ်မက်

အိပ်ရင်းနဲ့မက်တဲ့ အိပ်မက်။
တကယ်မဟုတ်တော့လည်း လွမ်းလောက်စရာမရှိ။
သို့သော်...။
ညတုန်းက မက်ခဲ့သည့်အိပ်မက်လေးကို ကျွန်တော်လွမ်းနေမိသည်။
x
အိပ်မက်ထဲမှာ။
ကျွန်တော်က ကိုယ့်တိုင်းပြည်ကို ကိုယ်ပြန်သွားသည်။
တခြား နေရာများကို မမြင်မိဘဲ
ကျွန်တော် ငယ်စဉ်ဘဝက သင်ယူဆည်းပူးခဲ့သော
အလယ်တန်းကျောင်းကို အိပ်မက်ထဲမှာ သီးသန့်မြင်ခဲ့သည်။
x
မြင်တော့လည်း ရိုးရိုးတန်းတန်းမဟုတ်။
ထိုကျောင်းကို မိမိရောက်သွားခြင်းမှာလည်း သာမန်မဟုတ်။
ထိုကျောင်း၏ ကျောင်းအုပ်ဆရာကြီးအဖြစ်
တာဝန်ထမ်းဆောင်ရန် ရောက်သွားခြင်း ဖြစ်သည်။
x
ကျောင်းအုပ်ကြီး ဆိုတာလည်း ရိုးရိုးကျောင်းအုပ်ကြီးမဟုတ်။
ကျောင်းစာသင်ခန်းတွေကို တစ်ခန်းဝင်တစ်ခန်းထွက်
ပညာရေအေး တိုက်ကျွေးနေသော ကျောင်းအုပ်ဆရာကြီးမျိုးဖြစ်သည်။
မှတ်မှတ်ရရ။
ကလေးငယ်တစ်ယောက်က " ပလာတာ" ဟုပြောလာခြင်းကို
အိပ်မက်ထဲမှာ "ပရာတာ" ဟု ကျွန်တော် (ကျောင်းအုပ်ဆရာကြီး) က
သေသေချာချာ ပြင်ပေးခဲ့သေးသည်။
x
ထိုအချိန်မှာ
ကျွန်တော်က အလျှံငြီးငြီးတောက်နေသော ဖယောင်းတိုင်တစ်တိုင်ဖြစ်သည်။
ကျွန်တော့်အသားများလည်း တစ်စစီ လောင်ကျွမ်းပျော်ဝင်နေသည်။
ကျွန်တော့်ထံမှာ ရှိနေသော အလင်းရောင်များကို
နောက်ထပ် ဖယောင်းတိုင်များစွာကို မနားမနေ အလင်းကူးပေးနေသည်။
မကြာခင် ကျွန်တော်ပျောက်ဆုံးသွားမည်ကိုလည်း သိနေသည်။
သို့သော် ကျွန်တော် အလင်းကူးပေးနေခြင်း အလုပ်ကို လုံးဝမရပ်နားခဲ့။
x
မနက်မိုးလင်းတော့
ကျွန်တော့်အိပ်မက်ကလေး ဆောင်းလေနှင့်အတူ
လွင့်မျောပျောက်ကွယ်သွားသည်။
သို့သော်...ထို အိပ်မက်ထဲက တဒင်္ဂ ခံစားချက်ကလေးမှာမူ
မပျောက်မရှနိုင်ဘဲ စွဲထင်စွာ ကျန်ရစ်ခဲ့သည်။
x
အိပ်မက်ထဲက ကျွန်တော်လား....?
ဘယ်ပြောကောင်းမလဲ...ခန့်ခန့်ငြားငြားကြီးပဲပေါ့။
ပုဆိုးအကွက်နှင့် လည်ကတုံးအကျီ င်္၊ တိုက်ပုံကိုလည်း သေချာဝတ်ထားသည်။
နဖူးမပြောင်သေး။ ဗိုက်ကတော့ နည်းနည်းရွှဲနေပြီဖြစ်သည်။
အသံလည်း တော်တော် အောင်သည်။ (မှန်ချိုတောင်မလို)
x
အခုလောလောဆယ်တော့
အိပ်မက်က နိုးထပြီးဖြစ်သည့်အတွက်
ဝမ်းတစ်ထွာအတွက် ကျွန်တော်ရုန်းကန်ဖို့ ထွက်ခဲ့ပြီဖြစ်သည်။
(တစ်နေ့နေ့တော့..............................................................)
-----------------
အိမ်ဝေးသူ(KZ)
-----------------
မှတ်ချက်။
ဖြူဖြူကျော်သိန်းရဲ့ ဝါးတားဖာထီ လိုတော့ မလှောင်ကြပါနဲ့ဗျာ။
ပလာတာနဲ့ ပရာတာဆိုတာ
ကျွန်တော် နိုင်ငံခြားရောက်ခါစက ကိုယ်တွေ့ကြုံခံ့ရတာပါ။
ဆိုင်တစ်ဆိုင်မှာ မြန်မာသံပီပီသသနဲ့ ပလာတာ ရမလားလို့
အင်္ဂလိပ်လို မေးမိတော့ ငါတို့ဆီမှာ ပလာတာ မရောင်းဘူးဆိုပြီး ပြန်ဖြေတယ်။
(ဆိုင်ဝန်ထမ်းအချင်းချင်းလည်း တစ်ယောက်မျက်နှာတစ်ယောက်ကြည့်ပြီး
စပ်ဖြီးဖြီးလုပ်ကြတယ်) ပြီးတော့မှ...ပရာတာ တော့ရှိတယ်လို့ ပြောတယ်။
ကျွန်တော်ပြောချင်တာက...။
စာဖတ်သူအနေနဲ့ မြန်မာပြည်မှာပဲ ရာသက်ပန်ခေါင်းချမယ်လို့ စိတ်ကူးထားတယ်
(ဘယ်တော့မှ ဘယ်လိုကြောင့်မှ နိုင်ငံခြားမသွားတော့ဘူးဆိုရင်ပေါ့) ဆိုရင်တော့
ပလာတာကို ပလာတာလို့ပဲ ဆက်ဖတ်ပါ။ အဆင်ပြေပါတယ်။ ဒါပေမယ့်
တခြားနိုင်ငံတစ်ခုခုကို သွားပြီး ပညာသင်တာပဲဖြစ်ဖြစ်၊ စီးပွားရှာမှာပဲ ဖြစ်ဖြစ်
စဉ်းစားထားရင်တော့..........ကျွန်တော်ပြောတဲ့အကြောင်းအရာဟာ လှောင်စရာ
ကိစ္စ မဟုတ်မှန်း သိသာလာပါလိမ့်မယ်။