ကြွကြွရွရွ နင်းဖြတ်သူ
ဝုန်းဝုန်းဒိုင်းဒိုင်း နင်းဖြတ်သူ
စာစာနာနာ နင်းဖြတ်သူ
ရက်ရက်စက်စက် နင်းဖြတ်သူ
ညစ်ညစ်ထေးထေး နင်းဖြတ်သူ
ကြည်ကြည်လင်လင် နင်းဖြတ်သူ
လူအမျိုးမျိုး စိတ်အထွေထွေရယ်နဲ့
ကောင်းခြင်းဆိုးခြင်း ထောင်သောင်းမကလည်း
ငါဟာ...
နင်းဖြတ်မှုများစွာကို အပြုံးနဲ့ခံယူရင်း
အမြင့်ရောက်လူသားအတွက်
စွန့်လွှတ်ကျေနပ်ခြင်းတို့နဲ့ ပျော်မွေ့နေတတ်တဲ့
လှေကားတစ်စင်းပေါ့ကွယ်။
အိမ်ဝေးသူ (KZ)
လှေကား။
ယေဘုယျအားဖြင့် လှေကားတို့ မည်သည် အမြင့်သို့ တက်ရန် သုံးကြသည်..။
(စကားချပ်-အနိမ့်သို့ဆင်းလိုသောအခါ သုံးသော လှေကားလည်း ရှိပါသည်)
ကျွန်တော် လှေကား အတော်အသင့် မြင်ခဲ့ဖူးသည်။ အသုံးလည်းပြုခဲ့ဖူးပါသည်။
တပြေးညီလှေကား၊ တစ်ဆစ်ချိုးလှေကား၊ နှစ်ဆစ်ချိုးလှေကား၊ သမင်လည်ပြန် လှေကား၊
ခိုနန်းကြိုးလှေကား၊ ခိုနန်းကြိုး နှစ်ဖက်ခွဲလှေကား ကြောင်လိမ်လှေကား၊ ခရုပတ် လှေကား၊
အရေးပေါ်လှေကား၊ စက်လှေကား၊ လှေကားရှင်၊ ဓာတ်လှေကား၊ မသန်မစွမ်းများအတွက် လှေကား၊
ရွေ့လျားလှေကား အစရှိသည်ဖြင့် လှေကား အမျိုးမျိုး ရှိပြီး အသုံးပြုပုံကလည်း အမျိုးမျိုး
ကွဲပြားကြသော်လည်း ရည်ရွယ်ချက်ကား
( အမြင့်သို့တက်ရန် ) ဖြစ်သည်။
လှေကားအားလုံးသည် အမြင့်သို့ တက်ရန် အနင်းခံ သက်သက်ဖြစ်ကြပေသည်..။
လူသားတို့ အမြင့်သို့ ရောက်လိုသောအခါ အသုံးပြုသော အသုံးချခံသက်သက် ဖြစ်သည်..။
လူသားတို့သည် ထိုလှေကားပေါ်သို့ တက်သောအခါ တံတွေးထွေးခဲ့သူများလည်း ရှိသည်။
အမှိုက်စွန့်ပစ်ခဲ့သူများလည်း ရှိသည်။ ကြမ်းတမ်းစွာ နင်းဖြတ်သူများရှိသကဲ့သို့ ညင်သာစွာ
ဖြတ်သန်းသွားသူများလည်း ရှိချေသည်။ မည်သို့ဆိုစေ လှေကားကို အသုံးပြု၍ အမြင့်သို့
ရောက်သွားသောအခါ လူသားသည် မိမိ နင်းတက်ခဲ့သော လှေကားကို ပြန်မကြည့်ပေ။
မည်သို့သောသူမျိုးကမျှ အထူးတလည်ကျေးဇူးတင်စကား ဆိုကြခြင်း မရှိချေ။
အမှန်တကယ်တွင်လည်း လှေကားတို့မည်သည် မိမိအား နင်းတက်သွားသူတို့ထံမှ
မည်သို့ သော တုန့်ပြန်မူမျိုးကို မှ မျှော်လင့်ထားခြင်းအလျင်းမရှိ။ သို့ဆိုလျှင်
" လှေကားဟူသည်
လူ့ဘောင်လောကတွင် မရှိမဖြစ်လိုအပ်သော
အသုံးချခံအရာဝထ္ထုဟု ဆိုလျှင်
မည်သူ ငြင်းမည်နည်း ? "
လှေကားနှင့်တူသော လူသားများ။
လှေကားအား ခြေနင်းဖတ်အဖြစ် လူအများ သတ်မှတ်ကြသည်..။
ထိုသို့ဆိုပါက (လှေကားနှင့်တူသော လူသားများ)ဟု ဆိုလိုက်လျှင်
လူသားများသည် ခြေနင်းဖတ် ဖြစ်သော လှေကားများ ဖြစ်သွားမည်လား?
အမှန်စင်စစ် ၄င်းတို့သည် ခြေနင်းဖတ်များ မဟုတ်ကြ။ ကျွန်တော့် အမြင်မှာမူ
လှေကားများသည်
လူသားတို့ အမြင့်သို့ တက်လှမ်းရာတွင်
အနစ်နာခံ ပံ့ပိုးပေးသော ( ပံ့ပိုးထောက်ပံ့သူ )
အသုံးချခံများသာ ဖြစ်သည်။
လူတိုင်းသည် တစ်နေ့တွင် အနည်းဆုံးတစ်ကြိမ်တော့ လှေကားကို အသုံးပြု၍ အမြင့်၊အနိမ့်
အတက်အဆင်း လုပ်ကြသည်။ ထိုသို့ လုပ်ဆောင်တိုင်း ခင်ဗျား ပတ်ဝန်းကျင်တွင်
လှေကားများကဲ့သို့ မိမိဘဝကို အနစ်နာခံရုံမျှမက ရယူလိုမှုတို့ အလျင်းကင်းသော
(လှေကားကဲ့သို့ လူသားများ) ရှိကြသည်ကို သတိပြုမိပါရဲ့ လား???
ခင်ဗျား ယနေ့ ရောက်ရှိနေသော သတ်သတ်မှတ်မှတ် နေရာတစ်ခုအတွက် ခင်ဗျား ကိုယ်တိုင်
သတိမမူ၊ လစ်လျူရှူ ခဲ့သော လှေကား တစ်စင်းစင်းက အနစ်နာခံ စတေးခဲ့သည်ဟု ဆိုပါက ခင်ဗျား
ဘယ်လိုဘယ်ပုံ တုန့်ပြန်မည်နည်း?
" ကျွန်တော်က
ကိုယ့်ဒူးကိုယ်ချွန်သမားပါဟု
ခင်ဗျား စောဒက တက်ချင်ပါသလား? "
" ကျွန်တော်က
မိဘမဲ့ တစ်ကောင်ကြွက်၊
ကိုယ့်အားကိုယ်ကိုးပြီး ကြီးပွားလာတာပါဟု
ခင်ဗျား ငြင်းချင်ပါသလား? "
လက်တွေ့မှာမူ လူသားလှေကား တစ်စင်းစင်း၏ အကူအညီ မယူရဘဲ ခင်ဗျား လူတစ်လုံး
သူတစ်လုံး ဖြစ်လာသည်ဟု ပြောလာပါက ယုံနိုင်စရာ အကြောင်းမရှိ။ အဘယ်ကြောင့်ဆိုသော်
လူသားလှေကားများသည် ပုံစံ အမျိုးမျိုးဖြင့် ခင်ဗျားဘဝအား အနစ်နာခံ၍
ပံ့ပိုးပေးနေသောကြောင့် ဖြစ်သည်။ အနီးစပ်ဆုံးအားဖြင့် ခင်ဗျား မိသားစုကို သေသေချာချာ
လေ့လာသုံးသပ်ကြည့်ပါ။
ခင်ဗျားမိသားစုထဲမှာကိုပင်လျှင်...
(အဖေ၊ အမေ၊ နှမ၊ အစ်မ၊ အစ်ကို၊ ညီ)
ခင်ဗျား ဆွေမျိုးသားချင်းထဲမှာဆိုလျှင်...
( အဘိုး၊ အဘွား၊ ဦးလေး၊ ဘကြီး၊ အဒေါ်၊ ဝမ်းကွဲ ဆွေမျိုးသားချင်း....)
ခင်ဗျား ပတ်ဝန်းကျင်ထဲမှာဆိုလျှင်...
( ဆရာ၊ ဆရာမ၊ အထက်အရာရှိ၊ လက်အောက်ငယ်သား၊ သူငယ်ချင်း၊ မိတ်ဆွေမွန်...)
ထိုသူများထဲမှ အနည်းဆုံး တစ်ဦးတစ်ယောက်မျှပင် (လူသားလှေကား)
ခင်ဗျားဘဝမြင့်မားရန် ပံ့ပိုးထောက်ပံ့ပေးသူ မဖြစ်နိုင်တော့ပြီလား?
ခင်ဗျား မိသားစု တစ်စုလုံး၊ ဆွေမျိုးသားချင်းအားလုံး၊ နောက်ဆုံး ခင်ဗျား
ပတ်ဝန်းကျင်တစ်ခုလုံးသည် တစ်ကိုယ်ကောင်းဆန်လွန်းကြသူများချည်း ဖြစ်သည် ဟု
ခင်ဗျားနှုတ်မှ ထွက်ဆိုခဲ့လျှင်တော့ (ခင်ဗျား၏ တစ်စုံတရာ ချွတ်ယွင်းမှုကို လစ်လျူရှူ၍)
ခင်ဗျား၏ စောဒကအား ပြိုက်ဘက်မရှိ အနိုင်ပေးလိုက်ပါသည်။
ထို့အတွက် ခင်ဗျားသည် ပြိုင်ဘက်နှင့် မထိုးရခင် အနိုင်ရယူသွားသော
လက်ဝှေ့သမား တစ်ဦးနှယ်ဖြစ်သည်။ ထို့အတွက် ခင်ဗျားသည် လူ့လောကကြီးတွင်
တစ်ဦးတည်းသော လူထူးလူဆန်း ဖြစ်ပေလိမ့်မည်။
ထို့အတွက် တစ်ဦးတည်း ရပ်တည်နိုင်ခြင်းအတွက် ခင်ဗျား ဂုဏ်ယူလိုက်ပါဟုသာ
ဆိုချင်ပါသည်။
ကျွန်တော် ငယ်ငယ်က သင်ခဲ့ဖူးသော သနားစရာ မိဘမဲ့ ကလေးငယ် အိုလီဗာတွစ်စ်
(Oliver Twist ) ၏ ဘဝတွင်ပင်လျှင် လူသားလှေကားအမျိုးမျိုးက ပုံစံအမျိုးမျိုးဖြင့်
အနစ်နာခံ ပေးဆပ်ခြင်းတို့ ရှိခဲ့သည်။ ကမ္ဘာ့သမိုင်း တစ်လျှောက်တွင်လည်း မာသာထရီဇာ
(Mother Teresa)၊ မာတင်လူသာကင်း (Martin Luther King, Jr)လို ပုဂ္ဂိုလ်တို့သည်
လူအများ၏ ဘဝအား မြင့်တက်စေရန် လှေကားကဲ့သို့ အနစ်နာခံခဲ့သည့်
အထောက်အထောက်အထားများ ယနေ့တိုင် ကျန်ရှိသေးသည်။ မြန့်မာ့သမိုင်းတွင်လည်း
ဗိုလ်ချုပ်အောင်ဆန်းလို ပုဂ္ဂိုလ်မျိုးသည် မြန်မာပြည်သူ၊ပြည်သားတိုင်းအတွက် လူသားလှေကား
ဖြစ်သည်ဟု ဆိုလျှင် မှားမည်မဟုတ်ပေ။ ကမ္ဘာသူ ကမ္ဘာသားများ၏ ဘဝကို မြှင့်တင်ပေးနိုင်သော
အမြင့်မားဆုံးသော၊ အနစ်နာခံနိုင်ဆုံးသော လူသားလှေကားမူကား မည်သူ ဖြစ်သည်ကိုတော့
ခင်ဗျား အလွယ်တကူ သိနိုင်မည်ဟု ယူဆပါသည်။
- လူတစ်ဦးတစ်ယောက်၏ ဘဝကို မြှင့်တင်ပေးနိုင်သော လူသားလှေကား
- လူတစ်စု၏ ဘဝကို မြှင့်တင်ပေးနိုင်သော လူသားလှေကား
- လူအများ၏ ဘဝကို မြှင့်တင်ပေးနိုင်သော လူသားလှေကား
- ကမ္ဘာသူ၊ကမ္ဘာသားများ၏ ဘဝကို မြှင့်တင်ပေးနိုင်သော လူသားလှေကား
ဟူ၍ လူသားလှေကား အမျိုးမျိုးကို ခင်ဗျား ဘဝသက်တမ်း တစ်လျှောက် တွေ့ရပါလိမ့်မည်။
ထိုသူတို့သည် ခင်ဗျား မိသားစုဝင်ထဲမှ ဖြစ်နိုင်သလို၊ ခင်ဗျားနှင့် သွေးမတော်သားမစပ်သူလည်း
ဖြစ်နိုင်သည်။ ထိုသို့သော စိတ်ဓာတ်ပိုင်ရှင်များသည် အသက် အရွယ်နှင့် မသက်ဆိုင်။
ရုပ်ဆင်းသဏ္ဏာန် လှပမူကြောင့်လည်း မဟုတ်။ ဆင်းရဲချမ်းသာခြင်းတို့နှင်လည်း မပက်သက်။
မှန်ပါသည်။ ထိုသူတို့၏ အနစ်နာခံလိုခြင်း၊ ကိုယ်ကျိုးစွန့်လိုခြင်းဟူသော ခံယူချက်နှင့်သာ
သက်ဆိုင်ပါသည်။
ထို့အတွက်ကြောင့် အသက်မဲ့သောလှေကားကို အသုံးပြု၍ ဝုန်းဒိုင်း
ပြေးဆင်းသွားလျှင် ပြောစရာစကား အထွေအထူး မရှိလှသော်လည်း လူသားလှေကားတစ်စင်းစင်းကို
အသုံးပြု၍ အမြင့်တစ်နေရာကို တက်ရန်ကြိုးစားသည်ဆိုပါက ကျေးဇူးပြု၍ အသက်ရှိသော၊
ခံစားချက်ရှိသော၊ နာကျင်ပျော်ရွှင်တတ်သော လှေကားဖြစ်သည့်အတွက် ခင်ဗျား ခြေလှမ်းများကို
သတိပြုစေချင်ပါသည်။
အတက်အဆင်း အလွန်အမင်း ကြမ်းတမ်းခြင်း မပြုပါနှင့်။
ခင်ဗျား အတတ်နိုင်ဆုံးတော့ ငြင်ငြင်သာသာ လျှောက်သင့်ပါသည်။
အမြင့်တစ်နေရာ ရောက်ခဲ့ပါကလည်း အဘယ်မျှ ခရီးပေါက်ခဲ့သလဲဆိုသည်ကို ခင်ဗျား
ပြန်လှည့်ကြည့်သင့်သည်။
" ခင်ဗျား၏ ခြေလှမ်းရိုင်းများကြောင့်
ထိုလူသားလှေကား ယိမ်းယိုင်၍ ကျန်ခဲ့သလား? "
" ခင်ဗျား၏ ခြေလှမ်းကြမ်းများကြောင့်
ထိုလူသားလှေကား နာကျင်၍ ကျန်ခဲ့သလား? "
ဆိုတာလောက်တော့ ခင်ဗျား သုံးသပ်ဆင်ခြင်သင့်သည်။
ထိုလူသားလှေကားသည် ခင်ဗျားဆီက ဘာကိုမှ လိုချင်တပ်မက်စိတ်မရှိသည့်အတွက်
အနည်းဆုံးတော့ ခင်ဗျား..သူ့စေတနာနှင့် ပေးဆပ် အနစ်နာခံမှုများကို အသိအမှတ်ပြု
( Appreciation ) သင့်ပါသည်။
ထိုလူသားလှေကား ရေရှည် တည်တံ ခိုင်မြဲရန်အတွက် ထိန်းသိမ်းရန် ခင်ဗျားမှာ တာဝန်ရှိပါသည်။
ထိုလူသားလှေကား၏ ပင်ပန်းနွမ်းနယ်မှု၊ နာကျင်မှုများကို ကုစားရန်နှင့် ပေးဆပ်သူတစ်ဦး
ဖြစ်ရခြင်းအတွက် ဘယ်သောအခါမျှ နောင်တ,တရား မဖြစ်ပေါ်စေရေးအတွက် အခွင့်အခါ
ရသည့်အခါတိုင်း ထိုလူသားလှေကားအား
မေတ္တာတရား၊ အကြင်နာတရား၊ ကိုယ်ချင်းစာတရား
တို့ ထုံမွှမ်းသော အဝတ်တစ်စဖြင့် ခင်ဗျားကိုယ်တိုင် အငြင်သာဆုံး အရောင်တင်ပေးပါ။
လှေကားဆိုသော အသုံးချခံ အရာဝထ္ထုတစ်ခု ပျက်စီးခဲ့ပါက လက်ရှိအနေအထားထက်သာသော
လှေကားအသစ် တစ်ခု အစားထိုး၍ ရနိုင်သည်။
သို့ သော်..ခင်ဗျား ဘဝထဲမှ လှေကားနှင့်တူသော လှေကားလူသားတစ်ဦးတစ်ယောက်
ဆုံးရှံးခဲ့ရပါမူ အခြားသာမန် လူသားတစ်ဦး (အနင်းခံမည့်သူမဟုတ်၊ထောက်ပံ့ပေးမည့်သူမဟုတ်) နှင့်
အစားထိုး လဲလှယ်ဖို့ရာ ဘယ်တော့မှ မဖြစ်နိုင်တော့ပါ။
သို့အတွက် နိဂုံးမချုပ်တော့ဘဲ စကားလက်ဆောင်တစ်ခုကိုသာ ခင်ဗျားအတွက် တစ်ခါတည်း
ပါးလိုက်ပါသည်။
" ငါသည်သာ
လူသားလှေကားတစ်စင်းဖြစ်၍
အနင်းခံရဲသူတစ်ဦး ဖြစ်ခဲ့သည် ရှိသော် "
ဟူသော ရိုးရှင်းလှသည့်ဤမေးခွန်းတစ်ခွန်းက လူသားလှေကားတစ်စင်းစင်းကို
နင်းဖြတ်ရန်ခြေလှမ်း ပြင်ဆင်နေသော
ခင်ဗျား၏ခြေလှမ်းများကို လေးလံကြမ်းတမ်းခြင်းမှ ပေါ့ပါးသိမ်မွေ့ခြင်းသို့
ဆောင်ကြဉ်းပေးလိမ့်မည်ဖြစ်ပါကြောင်း။
မှတ်ချက်။ ခင်ဗျား အမြတ်နိုးဆုံးက ခင်ဗျားကို အသိအမှတ် ပြုခြင်းဟုဆိုလျှင်
သူတစ်ပါး အမြတ်နိုးဆုံးကလည်း အသိအမှတ်ပြုခံရခြင်းဆိုတာ
ဘယ်တော့မှ မမေ့လိုက်ပါနဲ့ ။
အိမ်ဝေးသူ (KZ)
